المحتويات
التهاب المثانة بيحصل في أغلب الحالات بسبب عدوى بكتيرية وتعرف بإسم عدوى المسالك البولية، وفي حالات أقل انتشارا بيكون رد فعل لأدوية معينة أو مهيجات مستخدمة زي بخاخ المهبل.
أنواع التهاب المثانة
التهاب المثانة البكتيري
هو النوع الناتج عن الإصابة ببكتيريا ودخولها الجهاز البولي وتبدأ في التكاثر بسبب أشياء كتير زي العلاقة الجنسية
التهاب المثانة غير الناتج عن عدوى
هو النوع الأقل انتشارا وليه عوامل غير معدية بتسبب الإصابة بيه زي:
- التهاب المثانة الخلالي وهو التهاب مزمن وغير واضح وعلاجه صعب
- النوع الناتج عن تناول الأدوية زي أدوية العلاج الكيميائي
- الالتهاب الناتج عن الإشعاع لأن العلاج الإشعاعي بيأثر على منطقة الحوض وبيسبب تغييرات التهابية في أنسجة المثانة
- النوع الناتج عن الأجسام الخارجية الغريبة لأن الاستخدام طويل الأمد للقسطرة بيعرضك للعدوى البكتيرية وتلف الأنسجة
- التهاب المثانة الكيميائي لأن بعض الأشخاص بيعانوا من الحساسية الشديدة تجاه المواد الكيميائية اللي موجودة في بعض المنتجات زي حمام الفقاعات أو بخاخ النظافة النسائية وممكن يتسبب في حدوث رد فعل من النوع التحسسي داخل المثانة وبالتالي حدوث التهاب
- النوع المرتبط بحالات طبية تانية زي السكري أو حصوات الكلى أو تضخم البروستاتا أو إصابات الحبل الشوكي
أعراض التهاب المثانة
- إلحاح مستمر وقوي للتبول
- الحاجة للتبول في أوقات متفرقة
- الشعور بالحرقة عند التبول
- تسرب كميات صغيرة ومتكررة من التبول
- وجود دم في البول
- البول العكر أو كريه الرائحة
- الشعور بانزعاج وعدم ارتياح في منطقة الحوض
- الشعور بالضغط أسفل البطن
- حمى غير شديدة
الأعراض اللي تصيب الأطفال
- ألم في البطن
- الحاجة للتبول بشكل ملح
- ارتفاع درجة الحرارة لـ38 أو أكتر
- الضعف وسرعة التهيج
- قلة الشهية والقيء
أسباب الإصابة بالتهاب المثانة
- النشاط الجنسي بيسبب دفع البكتيريا لمجرى البول
- استخدام أنواع معينة من موانع الحمل
- الحمل لأن التغيرات الهرمونية بتسبب زيادة خطر الإصابة بيه
- انقطاع الدورة الشهرية لأن مستويات الهرمونات المتغيرة مرتبطة بارتفاع خطر الإصابة بيه
الأسباب المشتركة بين السيدات والرجال
- إعاقة تدفق البول بسبب وجود حصاة في المثانة أو تضخم البروستاتا عند الرجال
- تغييرات في الجهاز المناعي واللي ممكن يحصل في حالات معينة زي داء السكري وعدوى فيروس نقص المناعة البشرية وعلاج السرطان لأن الجهاز المناعي الضعيف من خطر العدوى البكتيرية للمثانة
- الاستخدام المطول لقسطرة المثانة
مضاعفات التهاب المثانة
الإصابة بيه ممكن يسبب مشاكل صحية تانية خاصة في حالة إهماله، زي:
عدوى الكلى
- الالتهاب ممكن يأذي الكلى ويسبب تلفها بشكل كامل
- الأطفال الصغار وكبار السن هم الأكتر عرضة لخطر الإصابة بتلف الكلى من التهابات المثانة لأن أعراضهم غالبا بيتم تجاهلها أو الخلط بينها وبين حالات أخرى
ظهور دم في البول
- في بعض الحالات بيكون عندها خلايا دم في البول وبيتم حلها بالعلاج، لكن لو استمر وجودها بعد العلاج لازم تستشير دكتور عشان تحدد السبب
- ظهور دم في البول حالة نادرة في حالات الإصابة بيه الناتجة عن بكتيريا، لكنه أكتر شيوعا بين حالات الإصابة الناتجة عن العلاج الكيميائي أو الناجمة عن الإشعاع
تشخيص التهاب المثانة
لو ظهرت عليك الأعراض، لازم تستشير دكتور وهو هيوجهك لعمل:
- تحليل بول
- تنظير المثانة، واللي فيه بيقوم الدكتور بإدخال منظار المثانة في مجرى البول لفحص المسالك البولية بحثًا عن علامات المرض
- باستخدام منظار المثانة الدكتور يقدر على إزالة عينة صغيرة من الأنسجة لتحليلها في المختبر ولكن ده غير ضروري لو الإصابة كانت أول مرة
خطوات الوقاية
في خطوات معينة اتباعها هيساعدك تحمي جسمك من خطر الإصابة بيه، زي:
- شرب كمية كبيرة من المياه والسوايل بشكل عام على مدار اليوم
- التبول بشكل متكرر وعدم كتمانه
- المسح من الأمام للخلف بعد التبرز لمنع البكتيريا الموجودة في منطقة الشرج من الانتقال للمهبل
- اغسلي الجلد حوالين المهبل برفق وتجنبي استخدام الصابون أو المنتجات المعطرة المخصصة لتنضيفه لأنها بتسبب تهيجه
- التبول بعد العلاقة الجنسية لطرد أكبر كمية من البكتيريا عن طريق شرب كوب ماء
- تجنبي استخدام المواد المعطرة أو المنتجات النشائية على منطقة المهبل لأنها بتهيج مجرى البول والمثانة
