فول الصويا من البقوليات ومصدر للبروتين النباتي بنسبة 36%، و30% من الكربوهيدرات مع مجموعة من المعادن والفيتامينات والألياف الغذائية، الدراسات أثبتت إنه بيساعد في التقليل من خطر الاصابة بأمراض القلب والشرايين وسرطان البروستات والقولون والثدي.
فوايد فول الصويا
- بيحتوي على كميات كبيرة من البروتين والأحماض الأمينية الأساسية اللي بيحتاجها الجسم
- بيساعد على تخفيض الكوليسترول الضار وتقليل خطر الإصابة بأمراض القلب وتصلب الشرايين
- بيساعد في عدم تراكم الدهون على الكبد
- مصدر جيد للألياف ومضادات الأكسدة وفيتامين K وC وA والكالسيوم والحديد
- بيساعد في تنشيط التمثيل الغذائي
- مفيد لزيادة الوزن الصحي
- بيساهم في الوقاية من السرطان
- بيقلل أعراض سن اليأس زي الهبات السخنة
- بيعزز عملية الهضم
- بيحسن صحة العظام لأنه بيحتوي على كمية مناسبة من الكالسيوم
- بيمنع العيوب الخلقية للأجنة لأنه بيحتوي على حمض الفوليك
- بيحسن الدورة الدموية
فوايد زيت فول الصويا
معروف علميا باسم (الجلايسين)، وله فوايد كتير زي:
- ضبط مستويات الكوليسترول
- غني بالأوميجا 3 وبيحمي من الزهايمر
- بيقلل الإصابة بأمراض القلب والسكتات الدماغية
- بيقوي العظام لأنه غني بالكالسيوم
- بيساعد في تحسين الرؤية بسبب احتواءه على فيتامين K وA
استخدامات فول الصويا
- في الأكل.. ممكن تضيفه للسلطة زي باقي الخضروات أو لوحده محمص كوجبة خفيفة
- ممكن تاكله مطحون في الأكل زي البرجر كبديل صحي
- بيدخل في صناعة بعض منتجات التجميل
أضراره
- بيزود خطر الإصابة بحصوات الكلى لاحتوائه على كميات كبيرة من الأكساليت (Oxalates) المكون الأساسي للحصوات
- بيسبب ارتفاع مستويات هرمون الأستروجين النباتي، ويعتبر سام للأشخاص المصابين بالفشل الكلوي
- بيخفض سكر الدم بشكل مفاجيء لمرضى السكري اللي بيتناوله أدوية للسيطرة على نسبة السكر في الدم (زي الأنسولين)
- بيزيد من أعراض مرضى الربو بسبب القشر
- بيسبب تغيرات محتملة في الأنسجة المبطنة للرحم
