المحتويات
الكوليسترول المرتفع أسبابه كتير ومضاعفاته خطيرة بتوصل أحيانًا لتصلب الشرايين، بسبب الترسبات الدهنية داخل جدران الأوعية الدموية، وبالتالي مهم تعرف أسبابه وأعراضه وطرق العلاج والوقاية منّه.
تعريف الكوليسترول
- هو مادة شمعية في الدم بيحتاجها الجسم لبناء الخلايا الصحية ولكن ارتفاعها الشديد ممكن يزوّد فرص الإصابة بالأمراض القلبية
- بيسبب ترسبات في جدران الأوعية الدموية وبالتالي صعوبة تدفق الدم في الشرايين وأحيانًا بتنفجر الترسبات فجأة وبتحصل وقتها النوبات القلبية أو السكتات الدماغية
- أحيانًا بيحصل ارتفاع الكوليسترول نتيجة عوامل وراثية لكنه في الأساس بيزيد بسبب الالتزام بنمط حياة غير صحي
أسباب ارتفاع الكوليسترول
- الدهون المشبعة زي المعجنات والزبدة والسمن
- الدهون المتحولة زي الأكل المقلي والكيك والفطائر والبيتزا والسمن النباتي
- الأكلات مرتفعة الكوليسترول زي اللحوم الحمراء واللحوم المصنعة ومنتجات الألبان كاملة الدسم
- السمنة
- قلة ممارسة الرياضة
- التدخين وشرب الكحول
- ارتفاع معدل السكر في الدم
- إصابة أحد من درجة القرابة الأولى بيه
- ارتفاع ضغط الدم
- وجود تاريخ وراثي من الإصابة بالأزمات أو السكتات القلبية
- أمراض الكلى والكبد
- قصور الغدة الدرقية
- الضغوط النفسية
- انقطاع الدورة الشهرية
أنواع الكوليسترول
- البروتينات الدهنية منخفضة الكثافة (LDL) وهو الكوليسترول الضار وتراكمه في الشرايين خطر
- لأنه بيسبب النوبات القلبية/ السكتات الدماغية
- البروتينات الدهنية عالية الكثافة (HDL) وهو الكوليسترول الجيد بيساعد في إعادة الكوليسترول الضار للكبد للتخلص منه
التشخيص
- LDL cholesterol هو التحليل الأساسي لقياس درجته الضارة في الجسم ومفيش أعراض قاطعة اكتشفها الخبراء بتدل على إصابة الشخص أو لأ
- ضروري تعمل صورة دم كاملة عشان تعرف حالتك الصحية بدقة
العلاج
- أدوية الستاتين (Statins) زي أتور (Ator)
- الأدوية اللي بتحتوي على النياسين وهو فيتامين b3
- أدوية الجيمفيبروزيل (Gemfibrozil) زي دواء لوبيد (Lopid)
- الأدوية اللي فيها الكولسترامين (Cholestyramine) زي كويستران (Questran)
- مهم تستشير طبيب متخصص قبل تناول الأدوية دي
الوقاية
- ضروري تلتزم بنظام حياة صحّي
- مارس الرياضة بشكل يومي زي المشي لمدة 30 – 45 دقيقة يوميا
- ابعد عن التدخين وتجنب أي مدخن
- حافظ على نظام غذائي صحي عشان تتجنب زيادة الوزن
- دراسات قالت إن الأكل الغني بالألياف بيساعد في تقليل مستوياته في الدم وبالتالي لازم تتجنب الأكل الغني بالدهون المتحولة زي المقليات
- الأوميجا 3 بتقلل الدهون الثلاثية والكوليسترول في الدم وموجودة في السلمون والتونة والماكريل
- استخدم زيت الزيتون بدل مصادر الدهون التانية لأنه بيحتوي على الدهون الأحادية غير المشبعة بتقلل مستوياته الضار
- تجنب المخللات والأملاح لأنها هتساعد على رفع ضغط الدم
