المحتويات
الكولاجين من أهم بروتينات البشرة والجسم وليه دور مهم في الوقاية من التجاعيد والخطوط الرفيعة المبكرة، وبيساعد في الحفاظ على صحة الجسم بشكل عام.
ما هو الكولاجين؟
هو من أكتر أنواع البروتينات الوفيرة في أنسجة جسم الإنسان وموجود في العظام والعضلات والجلد وفيه نسبة أقل في الأسنان والأوعية، ومسؤول عن تماسك الجسم مع بعض وبيشكل حوالي ثلث الكمية الكلية من بروتينات جسم الإنسان
أنواع الكولاجين
في حوالي 16 نوع من أنواع الكولاجين، لكن النسبة الأكبر في جسم الإنسان بتتكون من أنواع أساسية وهي:
- الكولاجين من النوع الأول (Type I): يشكل نسبة 90% من كولاجين الجسم، ويكون على شكل ألياف متماسكة ومتراصة بقوة، وبيدخل في تكوين أجزاء مختلفة، زي الجلد والعظام والأربطة
- النوع الثاني (Type II): بيتكون من ألياف رخوة بعض الشيء وغير متراصة، وموجود عادة في الغضاريف المرنة
- النوع الثالث (Type III): بيدخل في تركيب العضلات وبيوفر لها الدعم اللي محتجاه، وبيدخل في تركيب أعضاء الجسم المختلفة والشرايين
أهمية الكولاجين للبشرة والجسم
- بيحفز إنتاج أنواع تانية من البروتين مهمة للبشرة زي (إيلاستين)
- مهم لصحة الغضاريف وبيقلل وجع والتهاب المفاصل وبالتالي زيادة نشاط الجسم
- الدراسات أثبتت إن الانتظام على الكولاجين والكالسيوم يوميا بيحسن كثافة العظام بنسبة 7% وده معناه قلة نسبة الإصابة بهشاشة العظام
- ليه دور في زيادة الكتلة العضلية في الجسم مع ممارسة الرياضة
- بيقلل نسبة الإصابة بأمراض القلب لأنه بيقوي الأوعية الدموية
- بيعلي نسبة الكوليسترول الجيد (HDL) في الدم
- مهم لصحة الشعر والضوافر
- منح أنسجة الجسم المختلفة القوة والمرونة التي تتناسب مع بنية ووظيفة أنواعها وبالتالي صلابة العظام، ويمنح الجلد نضارته وليونته، وبيساعد على رمونة العضلات والغضاريف وتسهيل تحريكها
أعراض نقصه في الجسم
نقصه في الجسم بيأثر سلبا عليه وبيسبب:
- ظهور الخطوط الرفيعة والتجاعيد على الجلد
- الإصابة بمشاكل هضمية تنتج عن ترقق البطانة الداخلية للقناة الهضمية
- ضعف عام في عضلات الجسم
- تقلص الكتلة العضلية
- تشنج وتصلب في أربطة وأوتار الجسم
- آلام متفرقة في المفاصل
- الإصابة بالفصال العظمي وتلف الغضاريف
أسباب نقصه في الجسم
في عوامل معينة ممكن تسبب انخفاضه في الجسم زي:
- التدخين لأن فيه مواد كيميائية بتسبب تلفه في البشرة
- التعرض لأشعة الشمس بدون واقي شمس بيسبب التعرض المطول للأشعة فوق البنفسجية الضارة وبيسرع عمليات تفكك كولاجين البشرة
- التقدم في السن اللي بيسبب تباطؤ عمليات إنتاجه في الجسم
- عوامل وأسباب تانية زي اتباع نظام غذائي مبني على السكريات والكربوهيدرات المعالجة
- الإصابة ببعض أمراض المناعة الذاتية
- مشاكل في الجينات
مواد بتحفز إنتاج الكولاجين
تكوينه في الجسم بيبدأ في شكل بروكولاجين عن طريق المزج بين الجلايسين والبرولين، والعملية دي بتحتاج فيتامين سي
ممكن تساعد جسمك على إتمام عملية الإنتاج عن طريق تناول:
- كميات كبيرة من فيتامين سي زي اللي في الفلفل الألوان والليمون والجوافة والفراولة
- البرولين وهو موجود في منتجات الألبان وبياض البيض والكرنب والمشروم
- الجلايسين وموجود في الأطعمة الغنية بالبروتين
- النحاس وموجود في اللحوم وحبوب السمسم والكاكاو والكاجو والعدس
- في طرق متنوعة تقدر تزود بيها الكولاجين في الجسم وأهمها:
- تناول شوربة العظام مصدر مهم ليه وللكالسيوم والمغنيسيوم وعناصر تانية متنوعة وغنية بالكولاجين
- اللحوم البيضاء زي الفراخ
- كولاجين الأسماك هو الأسهل في امتصاصه
- فيتامين (سي) من الطماطم والتوت والجريب فروت
- بياض البيض فيه كمية كبيرة من الحمض الأميني وهو ضروري لتحفيزه
- الجوافة فيها نسبة زنك وهو عنصر مهم لإنتاجه
- التوم غني بحمض الكبريت والأحماض الطبيعية
- الفول مصدر كويس للبروتين والأحماض الأمينية والنحاس
- شرب شاي الجنسنج بانتظام
- تناول مكملات الكولاجين
- لبان الدكر من المكونات الطبيعية الغنية بيه اللي ممكن يستخدم بطرق مختلفة سواء بشربه أو بماسكات ترطيب الوجه
