المحتويات
النسيان من المشكلات اللي أغلبنًا بيواجهها دايمًا سواء بسبب قلة التركيز اللي بيظهر نتيجة الأرق لوقت طويل، ولكن بعض الدراسات بتقول إنه أحيانًا بيحصل بسبب بعض المشاكل الصحية اللي مع الوقت ممكن تطور لأعراض صحية خطيرة، عشان كده مهم تعرف أسبابه وطرق التخلّص منه وتقوية الذاكرة سواء ليك أو لطفلك.
أسباب النسيان
الزهايمر
أكتر مرض ارتبط بفقدان الذاكرة لكن في حالات مرضية ونفسية تانية ممكن تكون سبب
الضغط العصبي والتوتر
- بعد التعرض لضغط وتوتر مستمر لفترة قصيرة ممكن يحصل مشكلة مؤقتة في الذاكرة أما التعرض المزمن طويل الأمد بيزود خطر الإصابة بالخرف
الاكتئاب
- الخرف الكاذب وهو مصطلح بيوصف مزيج فقدان الذاكرة والاكتئاب
- لأنه بيضعف العقل بسبب عدم الاهتمام بالأشياء حواليك وإرهاق العواطف لدرجة عدم القدرة على التركيز والانتباه
القلق
- الإصابة باضطراب القلق العام بيتعارض باستمرار مع الأداء الصحي للعقل ومنها الخلل في الذاكرة
الحزن
- بيستهلك طاقة جسدية وعاطفية كبيرة وبيضعف القدرة على التركيز مع الأحداث والأشخاص وعدم القدرة على التذكر
- وممكن يكون بسبب صدمة زي فقدان شخص عزيز أو التعرض لحادث كبير
- النسيان أو فقدان الذاكرة المؤقت ممكن يكون رد فعل المخ
بعض الأدوية والجراحات
- المواد المخدرة ممكن تسبب فقدان في الذاكرة
- الكيموثيرابي كعلاج للسرطان بيأثر على الذاكرة والحالة دي معروفة بـ(المخ الكيميائي) وهي حالة ضبابية
- أدوية تانية بتزوّد فرص النسيان زي مضادات الاكتئاب وأدوية حرقة المعدة وسلس البول ومضادات الهيستامين وعلاجات السرطان
- بعض الجراحات زي جراحات القلب الأبحاث قالت إنها بتزود خطر ضعف الذاكرة
- دراسات رصدت شكوى بعض الأشخاص من فقدان الذاكرة أو الارتباك لعدة أيام بعد التخدير
أمراض مختلفة بتسبب النسيان
- الارتجاج وإصابات الرأس بتسبب ضعف الذاكرة على المدى القصير لكن أبحاث اكتشفت إن بعض الحالات بتزيد احتمالية إصابتها بالخرف
- نقص فيتامين ب 12 بيسبب ظهور أعراض بيتم الخلط بينها وبين الخرف
- قصور أو فرط نشاط الغدة الدرقية ممكن يتسبب في مشاكل معرفية زي فقدان الذاكرة والضباب العقلي
- دراسة أمريكية قالت إن الفشل الكلوي وتراكم السموم في الجسم بيسبب تكسير البروتينات وبتأثر على وظائف المخ وضعف الذاكرة والإدراك
- أمراض الكبد زي التهاب الكبد بأنواعه بيأثر على المخ بسبب انتشار السموم في الدم
- السكتات والجلطات الدماغية بتأثر على وظائف المخ أهمها الذاكرة
- بعض الأمراض النفسية من أعراضها النسيان زي الاضطراب ثنائي القطب والانفصام
- دراسة أمريكية في عام 2018 ربطت بين انقطاع النفس النومي بمشاكل الذاكرة لأن الحرمان من النوم بيتسبب في النسيان وضعف وظائف المخ
العلاج
- العلماء قالوا إن الحُصين هو المسؤول عن الذاكرة في المخ وإن المخ بيتمتع بالمرونة العقلية والقدرة على التجدد والتأقلم
- وإنتاج خلايا دماغية جديدة استجابة للتجارب وتعلم المهارات الجديدة وبيرسل إشارات محددة مرتبطة بالموقف اللي بنمر بيهاذ
- فتتصل الخلايا العصبية عبر المشابك العصبية وكل ما الاتصال كان أقوى ارتبطت الذاكرة في المخ أكتر وكمان الدراسات أثبتت طرق فعالة لتقوية الذاكرة في مختلف المراحل العمرية
- زي التأمل الواعي ودوره في تقليل نشاط المخ وبيساعد على الاسترخاء وقت ممارسته
- وبيقوي الذاكرة قصيرة المدى والقدرة على التركيز بعد ممارسته لمدة 8 أسابيع بانتظام
- شرب الكافيين بعد مهمة تعلم شيء جديد بيساعد على حفظ المعلومة أسرع ومدة أطول
- الانتظام على الألعاب الذهنية زي السودوكو والكلمات المتقاطعة والبازل والشطرنج وسكرابل والأزواج المتطابقة بيساعد على التذكر بكفاءة والحفاظ على نشاط الدماغ في مختلف المراحل خاصة للطلاب
- تعلم لغة جديدة أو العزف على آلة موسيقية من أكتر الطرق التي أثبتت نتائجها في تقوية الذاكرة
- ممارسة الرياضة بانتظام هتحسن وصول الأكسجين للمخ وهتزود حدة التركيز
- وبتحسن درجة مرونة العقل عن طريق تجديد الخلايا العصبية وتكوين اتصالات عصبية جديدة
- القراءة قبل النوم مفيدة لتقوية الذاكرة لكل المراحل العمرية وبتقلل نسبة الإصابة بمرض ألزهايمر
- لأنها بتقلل من بروتين بيتا أميلويد في المخ واللي إفرازه بيزود فرص الإصابة بالزهايمر
- بجانب إنها بتمرن المخ على تفسير المعلومات بسلاسة
- النشاطات المختلفة زي تربية حيوان أليف أو الاشتراك في نشاط جماعي بيحافظ على تيقظ العقل
- الدراسات بتأكد إن تجنب التوتر والالتزام بنظام غذائي صحي يعتمد على الخضار والفواكه والدهون الصحية والأوميجا 3 والشاي الأخضر بيحافظ على النشاط العقلي
- استخدام كل الحواس في تثبيت المعلومة بيساعد على التذكر بدقة أكبر، وبيحسن تواصل المناطق المختلفة من الدماغ مع بعضها
- غمض عينك وإنت بتعمل أي نشاط يومي أو بتفتكر حاجة عشان تكون صورة ذهنية عن اللي بتعمله
- فنتشط خلايا المخ أكتر، دا غير إن لما تغمض وإنت بتحاول تفتكر هتمنع التشتيت وتفتكر بدقة
- اربط الحاجة اللي المفروض تفتكرها بحاجة قديمة أو احفظ أول حروف أو أي حاجة مميزة فيها
- دراسة في جامعة تكساس بتقول إن الطريقة دي بتسهل عليك تفتكر أي حاجة وبتنمي قدراتك المعرفية
- أبحاث كتير بتأكد إن استخدام الطلبة لطريقة الربط بيساعدهم على تحصيل دراسي أعلى
- خليك اجتماعي لأن حسب دراسة في جامعة ميتشيجان فالتواصل لمدة ١٠ دقايق مع شخص بيقوي ذاكرتك
- المجهود العقلي اللي بتعمله وقت النقاش بيوازي ممارستك لألعاب الذكاء أو تركيب الpuzzle
