مميزات مختلفة للفيسبوك بخطوات سهلة

الفيسبوك من التطبيقات اللي بتستخدم يوميا ومعرفة المميزات اللي فيه وخطوات تنفيذها هيساعدك تستخدمه بطريقة أسهل وتستمتع بالحيل والمميزات المختلفة فيه.

خطوات إخفاء علامة الأونلاين من الفيسبوك

الكمبيوتر

• دوس على التاب اللي جنب الشات في الجزء اليمين أسفل الصفحة
• اضغط على حالة النشاط (Active Status)
• اختار حالة الإيقاف لكل الجهات (Turn off status for all contacts)
• أو ممكن تحدد الأشخاص اللي ممكن يشوفوا إنك أونلاين من الاختيار التاني وبعدين دوس على (Okay)

الموبايل

• دوس على التلت خطوط فوق بعض
• اختار الإعدادات والخصوصية (Settings and Privacy)
• وبعدين اختار الإعدادات (Settings) ودوس على حالة النشاط (Active Status)
• الغيها عن طريق تحريك الزرار وبعدين دوس على إلغاء (Turn Off)
• عشان الخاصية دي تشتغل.. لازم تلغيها برضه من كل الوسايل التانية اللي بتستخدم عليها الفيسبوك

خطوات تفعيل الـ(Dark Mode) على الفيسبوك

• اتأكد إن عندك آخر نسخة منه
• اضغط على التلت خطوط فوق بعض أعلى الشاشة واختار (Settings and Privacy) وبعدين (Settings)
• لو الفيسبوك على المتصفح.. دوس على السهم اللي اتجاهه للأسفل أعلى الشاشة
• افتح (Settings) وبعدين فعل الـ(Dark Mode)

خطوات منع الفيسبوك من تتبعك

• افتح إعدادات فيسبوك واختار (/Your Facebook Information معلومات فيسبوك الخاصة بك)
• اضغط على (إغلاق نشاط الفيسبوك – Off-Facebook Activity)
• تجنب استخدام حساب الفيسبوك عشان تسجل بيانات على أي تطبيقات أو مواقع تانية
• لو رابط تطبيقات زي (Pinterest / Spotify) بحساب فيسبوك.. التطبيقات دي بتسمح بالوصول لبياناتك
• افتح الإعدادات واختار (التطبيقات والمواقع الإلكترونية/ apps and websites)
• حدد المربع جنب كل تطبيق في الصفحة
• على يمين الشاشة.. اضغط على كلمة (إزالة/ Remove) وامسح كل (ملفات تعريف الارتباط/ Browser Cookies) لأن فيسبوك بيتتبعك من المعلومات المحتفظ بها المتصفح
• اعمل Logout/ تسجيل خروج من الحساب بعد كل استخدام 
• استخدم المتصفح المتخفي/ Incognito mode) عشان تضمن إن فيسبوك مش هيحتفظ بأي بيانات من سجل المتصفح
• تجنب عمل (Check- in) لأنه بيحتفظ بالموقع/location اللي موجود فيه
• متصفح Firefox بيوفر ميزة Facebook Container لمنع وصول فيسبوك لبياناتك 

خطوات منع نوتيفيكيشن الأصدقاء على الفيسبوك

• اضغط على (الإعدادات- Settings)
• اختار (إعدادات الإشعارات – Notification Settings)
• دوس (Updates From Friends/إشعارات متعلقة بنشاط أصدقائك)
•  اختار (Off/ اقفل) في الإشعارات المباشرة/ Notifications on Facebook

خطوات معرفة مين عملك (Unfriend)/ حذفك من الأصدقاء على الفيسبوك

 افتح متصفح كروم / Chrome 

• افتح اللينك ده (https://chrome.google.com/webstore/category/extensions)
• واكتب في خانة البحث ( Who Deleted Me ) واضغط على Add to Chrome عشان تحمّل الإضافة / الـ Extension
• اعمل تسجيل دخول لحسابك على موقع فيسبوك 
• افتح رمز الإضافات / الـ Extensions واختار ( Who Deleted Me ) 
• بعد تحميل لمدة بسيطة هتظهر علامة جديدة أعلى صفحة الفيسبوك اضغط عليها 
• هتفتح الإضافة الجديدة اللي تقدر من خلالها تعرف مين عملّك unfriend ولكن من وقت تحميلّك ليها وبتعرف من خلاله مين عامل تعطيل / Deactivate لحسابه 
• دوس على اللينك ده لتحميل (Who Deleted Me) (https://chrome.google.com/webstore/detail/who-deleted-me-unfriend-f/eiepnnbjenknnjgabbodaihlnkkpkgll)

خطوات البحث عن شخص باللوكيشن على الفيسبوك

 الموبايل

• افتح السيرش بار في التطبيق واكتب اسم الشخص وبعدين بحث (Search)
• اختار (People) اللي موجودة فوق أعلى يسار الشاشة عشان تحجم نتايج البحث
• اختار كلمة مدينة (City).. هيظهرلك صفحة أسفل الشاشة
• دوس على اختيار (Find a City) اللي هتظهرلك واكتب اسم المدينة
• لما تظهرلك المدينة في الاختيارات.. دوس عليها
• دوس على (Apply) عشان يظهرلك كل الاختيارات بنفس الاسم واللوكيشن اللي كاتبه

الكمبيوتر

• دور في السيرش بار أعلى الشاشة واكتب اسم الشخص وبعدين (Search)
• دوس على اختيار (People) أسفل السيرش بار
• أسفل اختيار (Tagged Location) يسار الشاشة.. هتلاقي اختيار (Choose a Location)
• اكتب فيه اسم المدينة عشان يظهرلك كل الاختيارات اللي بنفس الاسم والمكان

 خطوات تعديل بوست بدون حذفه

• دوس على التلت نقط جنب بعض واختار (Edit Post)
• ممكن تعدل في الكابشن/ الهاشتاج المستخدم/الـ(Mentions)
• لو عايز تحذف/ تضيف صورة/ تستبدل صورة..اختار (Edit Post)
• اضغط على (X) أعلى الصورة لو عايز تحذفها ولو عايز تضيف صورة اختار (Add Photos)
• لو عايز تستبدل صورة.. دوس على الـ(X) أعلى الصورة واختار (Add Photos)
• حدد الصورة من الفايل على الكمبيوتر واختار (Ok)
• دوس (Save)

خطوات الرجوع في اختيار (Ignore) على الفيسبوك

لما بتعمل (Ignore) لرسالة معينة.. بتتنقل من الإنبوكس لفايل الـ(Spam) على الماسنجر ومش هيوصلك أي نوتيفيكيشن مهما الطرف التاني بعت رسايل أو عند تجاهل أو الرد على الرسالة

 لو أندرويد

• حمل تطبيق (Messenger Lite) وافتحه ودخل حسابك على الفيسبوك
• اكتب اسم الشخص اللي عايزه في السيرش بار أعلى الشاشة
• دوس على اسم الشخص لما يظهر ودوس (Accept)
• كده الرسالة هتظهرلك مع باقي الرسايل العادية 

لو آيفون

• افتح الماسنجر واختار (Message Requests) ودوس على (Spam)
• افتح الرسالة اللي عايزها
• رد على الرسالة وكده المحادثة هتظهرلك مع باقي الرسايل العادية

 لعمل (Ignore) لشخص معين

• افتح المحادثة في الماسنجر ودوس على صورة البروفايل
• أسفل اختيار ({Privacy and Support).. دوس على (Ignore Messages)
• دوس (Confirm)