المحتويات
ورق حائط شكله مميز وقوي ومناسب لديكور البيت هو العنصر المكمل لأي ديكورات منزلية، لكن مع مراعاة عناصر كتير بتحدد طبيعة شكله على الرغم إن الاختيار راجع لذوق كل شخص مختلف عن التاني ولكن ضروري تفهم القواعد الأساسي لاختيار أحسن الأشكال وتعرف طرق استخداماته في البيت أو في المطبخ وكمان طريقة تنضيفه ونبذة تاريخية عنّه.
نبذة تاريخية عن ورق الحائط
- البداية كانت عند الصينيين اللي استخدموا ورق الأرز في صناعة ورق الحائط وتطور استخدامهم بعد كده لأوراق الكتان
- وصل الاختراع الجديد وقتها للغرب بسبب طريق الحرير التجاري واللي ساعد على وصول المنتج الصيني لأوروبا اللي صورت عليه كتير في أساليب الصناعة
- بدأ ينتشر في أوروبا في القرن الـ 13 وكان بيتصنع ويترسم عليه صور الرموز الدينية المسيحية خصوصًا في أوروبا
- بمرور الوقت اصبح في أغلب بيوت أصحاب النفوذ والنبلاء بالرسومات المميزة اللي عليه خصوصًا في فرنسا وبعدها انتشر في بيوت الطبقة المتوسطة برسومات أقل في المستوى
- في عام 1785 قدم الصناعي الألماني الفرنسي ريستوف فيليب أوبيركامبف أول ماكينة لطباعة ورق حائط مميز بجودة عالية
- تطورت مع الوقت صناعة الطلاء واللي بيستخدم بشكل أساسي في الرسم على ورق الحائط
- اتملت الأسواق في أوروبا بأنواع مختلفة من ورق حائط بأشكال هندسية أو مناظر طبيعية لإرضاء كل الأذواق
- عام 1888 اخترع المعماري الألماني فرديناند سيشل فكرة لصق ورق الحائط اللي عملت طفرة كبيرة في إنتاجها
- المستهلك وقتها قدر يشتري ورق الحائط ويلصقه مباشرة ولكن قبل كده كان بياخد وقت في تثبيته على الحائط
طرق اختيار ورق حائط أنيق
- لازم تحدد في البداية الطراز اللي حابب يبقى بيتك عليه سواء كان مودرن أو كلاسيك
- حاول تختار ألوان البيت في الأول والأحسن تبقى مخلص كل أعمال الدهانات عشان تقدر تختار صح بناء على رؤية طبيعية
- أحيانًا بيختار الشخص درجة لون محددة ولكن بعد رؤيتها على الحائط بيشوفها بعين مختلفة وبالتالي مهم تختار ورق الحائط بناء على رؤيتك لدهان باقي الحوائط
- لو قررت تستخدم ورق الحائط في كل جوانب الغرفة لازم تبقى نقوش بسيطة
- على سبيل المثال ممكن تبقى النقوش عبارة عن شرايط طولية وتجنب استخدام نقوش كبيرة الحجم
- اختار لون مميز ليك مريح للأعصاب (زي درجات الأبيض والأزرق الفاتح)
- ابعد عن ألوان زي الأسود أو الأحمر بدرجاته خصوصًا لو بتختار ورق حائط لغرفة المعيشة أو النوم
- اختار خامة جيدة واعرف إن النوع اللي سهل تفكه وتركبه واسأل البائع إذا كانت الخلفية منسوجة ولا لأ
- الخلفية المنسوجة إزالتها أصعب بكتير من غير المنسوجة
- اتأكد من مدة تركيبه واعرف إنه بيتركب عن طريق مادة لاصق بتغطي الجدار اللي هتلصق عليه ورق الحائط وبعدها بتركب ورق الحائط عليه
- الأحسن تستعين بفني متخصص عشان تتأكد إنك هيلتصق صح وتمنع أي فرص لتراكم فراغات الهواء بين الجدار وورق الحائط
استخدام ورق الحائط في المنازل بطرق مختلفة
- ممكن تغطي بيه نص الحائط وتسيب النص التاني خالي من أي ديكورات
- ممكن تستخدم نوعين في نفس الحائط (نوع منقوش والتاني سادة)
- غطي بيه حائط خالي من الديكورات وبعيد عن الأثاث بس ألوانه مناسبة معاه
- ممكن تغطي بيه السقف عشان يعمل وسع للمكان
- غلف بيه ضهر المكتبات أو الأرفف أو ديكورات الحائط
- ممكن تحطه داخل البراويز وتعلقها على الحائط زي الصور
- زين بيه الترابيزات المغطاة بلوح زجاجي واختار لون يتناسب مع الأثاث أو منقوش لو الأثاث سادة
- ممكن تغطي بيه جزء بسيط من الحائط ويكون نفس نقشة الأثاث
- استخدم الأنواع المنقوشة بدرجات لون مقاربة للون الحائط بالطول على جزء واحد منها ولو عندك سلم اختار درجات أو نقوشات مختلفة وغطي بيها الأدراج
- لو الدولاب جرار غطي بيه درفة واحدة عشان يغير الشكل ويوسع الغرفة
- استخدم درجات ألوان مختلفة منه لعمل شكل معين على الحائط زي الدفاية أو البيت أو الخريطة حسب ذوقك وممكن تغطي بيه جوانب الأدراج أو تزينها من الخارج
أفكار مختلفة لورق حائط المطبخ
- غطي بيه الأجزاء اللي فوق الكاونتر لو المطبخ مفتوح وخليك حريص على اختيار ألوان مناسبة معاه
- الأنماط الهندسية الصغيرة مناسبة للجزء اللي فوق الرفوف
- الورود الغامقة مناسبة لتغطية الحوائط اللي في الزاوية بالكامل لأنها بتوسع المكان
- غطي الجزء الخلفي ليها بأشكال هندسية دقيقة لو عندك أرفف مفتوحة
- الأشكال اللي عليها رسومات نباتات هتزود طابع الطبيعة
- غطي الأجزاء اللي فوق الأرفف بنفس الشكل ولون غامق لو المطبخ فاتح وأعرف إن الأشكال على شكل الأحجار أو الجرانيت أو البورسلين مناسبة له أكتر
- النقوشات الخضراء بتساعد على تهدئة الأعصاب
- أشكال الطبيعة زي السماء أو البحر أو الأماكن الخضراء بتوسع المكان خصوصًا لو مطبخك ضيق
- استخدم الألوان الغامقة عشان تغطي بيها السقف لو عالي أو عليه بقع صعب إزالتها
- الأشكال اللي عليها رسومات قهوة مناسبة لو عندك حيطة فاضية أو كوفي كورنر
- غطي بيها الأجزاء الخلفية لأرفف ودواليب التخزين وجوانب الأدراج
- اختار الألوان الفاتحة والنقوشات فيها قليلة لو هتستخدمه وراء جهاز زي التلاجة
طريقة تنضيف ورق الحائط
- حدد نوع ورق الحائط إذا كان ممكن غسله بالمياه والصابون ولا لأ
- مرر قطعة إسفنج مبللة بالمياه والصابون على مكان غير ظاهر في الحائط
- لو درجة اللون اتغيرت أو اتحول للون غامق معناه إن الورق غير قابل للتنضيف بالمياه
- شيل الأتربة المتراكمة باستخدام قطعة قماش جافة
- مرر قطعة إسفنج عليها مياه وصابون سايل من أي نوع على الحائط عشان تنضّفه في حركة دائرية
- كرر غمس قطعة الإسفنج في وعاء المياه والصابون عشان توصل لأحسن نتيجة
- املا الإسفنج بالخل أو المبيض المخفف بالمياه لإزالة أي بقع
- جفف الحائط بعد تنضيفه مباشرة للتخلص من أي رطوبة ممكن تراكمها يسبب عفن
لو غير قابل للتنضيف بالمياه
- اختار أنعم فرشة في ملحقات المكنسة الكهربائية وشيل التراب من عليها بالمكنسة ومررها من فوق لتحت وفي كل الإتجاهات
- اضغط على أي بقعة بقطعة قماش سخنة أو بتمرير الأستيكة عليها
