المحتويات
أنواع الملح بتختلف حسب طريقة استخدامه وفوائده، ومهم تعرف الفروق بينهم عشان تقدر تستخدمهم بالطريقة الصحيحة، هنقولك الفروق بينهم وأنسب طريقة للاستخدام.
ملح المائدة
- هو النوع الأكتر استخداما لأن ملمسه ناعم وسريع الذوبان
- بيتعرض لعمليات تكرير كتيرة للتخلص من الشوائب واللي بتسبب خسارة المعادن المهمة فيه
- يضاف ليه مواد مضادة للتكتل
- وكميات كبيرة من اليود لتجنب احتمالية الإصابة بنقص اليود اللي ليه تأثيرات صحية زي قصور الغدة الدرقية وزيادة الوزن والإسهال والقيء
- الجسم بيحتاج كمية معينة من اليود يوميا ولكن بدون الإفراط فيه
- فيه مركبات كيماوية زي سيليكات الكالسيوم وفيرو سيانيد الصوديوم
- أنسب استخدام ليه هو المخبوزات
ملح الكوشير
- الاستخدام الأكتر ليه في الصناعات الدوائية والكيميائية
- ملمسه خشن وحجم الجزيئات أكبر ووزنه أخف وبيسخدم بشكل أكبر في تسوية اللحوم
- نكهته مشابهة لملح الطعام العادي
- لا يضاف ليه اليود أو المواد المضادة للتكتل وسريع الذوبان
- مقاديره بتختلف عن الملح العادي في الوصفات وحسب نوع الملح لأنه ممكن يملح الأكل بشكل زايد أو أقل
الملح البحري
- في أنواع منه ملمسها خشن وأنواع تانية ملمسها ناعم زي ملح فلور دي سيل اللي بيستخدم في الطبخ بس
- و ملح (Flaky Sea Salt) اللي فقير بالمعادن المفيدة وطعمه مالح عن الملح العادي وسعره أغلى
- بيستخرج عن طريق عملية تبخير مياه البحر
- فيه 84 نوع من المعادن زي الزنك والبوتاسيوم والحديد وعشان كده نكهته أشد
- المواد الغذائية فيه سهلة الامتصاص في الجسم
- درجة التمليح أقوى من الملح العادي
- بيحافظ على ضغط الدم وبيساعد في الحفاظ على درجة ال (pH) المهمة على البكتيريا النافعة
- بيعزز صحة الفم والأسنان وبيحافظ على مستويات السكر في الدم وبينظم نبض القلب
- بيستخدم لعلاج تشنجات القدم والعضلات عن طريق الاستجمام في حمام مياه بالملح
- بيقلل تراكم السموم في الجسم
- من أكتر أنواع الملح صحية ولكن لازم تستخدمه بحذر لتجنب تناول الصوديوم بكميات كبيرة
ملح الهيمالايا الوردي
- بيتم استخراجه من منجم (Khewra) في الباكستان
- هو أنقى أنواع الملح لأنه غير مكرر ولا يحتوي على إضافات منع التكتل ويباع بعد استخراجه مباشرة
- ألوانه تتراوح بين الأوف وايت لحد الوردي الغامق
- بيستخدم في الطبخ أو بديل لملح الاستحمام
- فيه نسب من الحديد والكالسيوم والبوتاسيوم والمغنيسيوم ونسبة كبيرة من كلوريد الصوديوم
- بيحسن صحة الجهاز التنفسي وفيه خصائص مضادة للالتهاب والبكتيريا
- نسبة الصوديوم فيه قليلة وهو مهم لأنه بيساعد على استرخاء العضلات وتقليل احتمالية الجفاف بتوازن سوايل الجسم
- بيوازن بين درجة حموضة وقلوية الجسم وده بيحسن المناعة وعملية الهضم
- بيساعد على تحسين جودة النوم وانتظامه
- فيه نسبة يود قليلة وهي مادة الجسم محتاجها للحفاظ على صحة الغدة الدرقية فمهم تاخد اليود من مصادر تانية خاصة لو بتعاني من نقص منه
- الصوديوم عنصر مهم ولكن بنسب معينة لأن زيادته ليها آثار سلبية على الصحة زي ارتفاع ضغط الدم وتليف الكبد وأمراض الكلى
- منظمة الصحة العالمية أوصت إن الجرعة اليومية المناسبة للصوديوم هي أقل من 2300 ملليجرام
- بسبب طعمه القوي.. الافضل تستخدمه كخطوة نهائية قبل تقديم الطبق
الملح الأسود
- بيستخرجوه من جزيرة بركانية في هاواي ولونه أسود بسبب إضافة الفحم النشط للملح البحري
- طعمه قوي ولاذع وليه نكهة مشابهة للأكل المدخن وبيستخدم عند تقديم الطبق لأن طعمه بيروح مع الطبخ لمدة طويلة
- بيستخدم في الأطباق النباتية لأنه بيعمل نكهة مشابهة لنكهة البيض
- يقال إن ليه بعض الفوايد زي علاج انتفاخ المعدة وتقليل الحموضة والحماية من احتباس السوايل لأن فيه نسبة صوديوم أقل من الملح العادي
- بديل صحي للملح العادي لأن بيخضع لعمليات تصنيع بسيطة وبيعمل على تحسين الدورة الدموية وتقليل تشنجات الجسم
الملح الرمادي (Celtic Sea Salt)
- واحد من أنواع الأملاح البحرية وبيستخرج من فرنسا
- طعمه قوي وغني بالمعادن المفيدة
- بيستخدم مع السمك واللحوم سواء قبل الطبخ أو عند التقديم
ملح التخليل
- خالي من اليود المضاف ومكونات مضادة للتكتل
بيستخدم للتخليل بس
