المحتويات
لغة الجسد بتعتبر لغة مشتركة بين جميع الأشخاص في العالم مهما كان موقعهم الجغرافي أو جنسياتهم، لأنها بتفسر تعبيرات الوجه وحركة العين ووضع الجلوس والمشي بدقة وبتعبر عن إحساس الشخص بنفسه وبالآخرين ودرجة صدقه أو كذبه عليهم.
تعريف لغة الجسد
- هي لغة تواصل حديثة بتعتمد على تعبيرات الجسد ومصطلحاته لفهم الآخرين والقدرة على توصيل رسالة معيّنة ليهم
- العلماء بيقولوا إن مجال دراستها واسعة وبيدرس بدقة طريقة التواصل غير اللفظي
- بتقدر من خلال توصّل أو تفهم رسايل الآخرين الخفية سواء البهجة أو الخوف أو التوتر أو الفخر أو حتى الكذب والصدق
- فهمك ليها بيسهّل التواصل في العلاقات الشخصية والشغل
نصائح لتعلم لغة الجسد
- ميّز بين لغة الجسد السلبية اللي بتعبر عن خوف وتوتر وقلق أو حتى اشمئزاز وبين لغة الجسد الإيجابية زي الاسترخاء والراحة
- ركّز على نبرة الصوت وإذا كان متغّير عن الطبيعي ولا لأ خصوصًا لو تعرف الشخص من بدري
- انخفاض الصوت والكلام ببطء أحيانًا بيعبر عن الضيق والحزن عكس الكلام بحماس وحيوية
- مهم تركّز في إطار الموضوع اللي بتتكلم فيه مع الشخص التاني واربط كلامه بحركة جسمه وعينه
- اعرف دايمًا إن التنفس بسرعة وقت مواجهة شخص أو الكلام معاه في موضوع مهم دليل على توتره
- المخ بيفرز هرمونات وناقلات عصبية بتزوْد إفراز هرمون التوتر (الكورتيزول) وده بينعكس على معدلات القلب
- بيزيد نبض القلب وبتتسارع الأنفاس مع الوقت
- دراسات بتقول إن إنحناء الأصابع أحيانًا دليل على ارتياح الشخص وقلة توتره
- لاحظ مدى ميل الشخص ليك بجسمه لأنه لو بيحرص على الميل والاقتراب منّك ده دليل على الحميمة والقرب والعكس صحيح
- تجنْب الشخص الميل ناحيتك أو النظر في عينك دليل على الخوف والتوتر والقلق
- الحركات الزايدة زي عض الشفتين وهز الساق أو الذراع وإحكام القبضة على أي شيء بعنف دليل على الغضب وعدم الارتياح
أنواع الابتسامات
- خبير لغة الجسد ديفيد ماتسوموتو الأستاذ في جامعة سان فرانسيسكو حدد بعض أنواع الابتسامات اللي ممكن تعبر عن معنى مختلف غير السعادة
دوشينية
- بتوصل للعينين وبتظهر فيها كامل الأسنان وبتعبر عن السعادة الحقيقة النابعة من القلب
الاجتماعية
- بتعني ابتسامة اندماجية وقت الكلام مع آخرين للتعبير عن الود ولكن غرضها الأساسي هو المجاملة
- بتظهر فيها الأسنان لكن تأثير الابتسامة مش بيوصل للعين
المهيمنة
- بتعتبر الابتسامة المتكلفة واللي في أغلب الوقت بتترسم على جانب واحد بس من الفم
- بيستخدمها بعض الأشخاص للتعبير عن الثقة وأحيانًا التباهي والتعالي على الآخرين
فهم المشاعر من لغة الجسد
- من خلال قراءتك للغة الجسد ممكن تعرف طبيعة مشاعر الشخص اللي قدامك مهما حاول يخفيها
السعيد
- بيفرك إيديه في بعض أكتر من العادي
- تأثير الابتسامة بيخلي عينه تقفل شوية وبيبان خطوط بسيطة على أطرافها
- بيتحرك كتير ومش ثابت في مكان واحد
- بيحرك إيده ورجله كتير وقت الجلوس
الحزين
- عينه بتتحرك في أكتر من إتجاه
- جفونه منخفضة لتحت
- الفم بيبقى شبه نص دايرة مقفولة لأسفل
- راسه مايلة لتحت ولقدام شوية
- ظهره محني وبيتحرك ببطء وبيحرك أطرافه بكسل
العصبي
- الضغط على الفك والميل بالدقن لأسفل
- بتوسع فتحة الأنف وحدقة العين
- الجسم بيتفرد لأقصى درجة
- بيربع إيده بإحكام
الخائف
- الحواجب مرفوعة لفوق
- الفم جزء منه مفتوح
- بيحرك الأطراف كتير
- الحركة سريعة سواء في المشي أو حتى في ممارسة أي نشاط
- رعشة في الإيد مع محاولة لإخفائها في الجيب أو ورا الضهر
المشمئز
- الشفة العلوية وعضلات الخد مرفوعين لفوق
- الحواجب نازلة لتحت
- الأنف مجعدة
- بيحاول يغطي الفم أو الأنف
المتوتر
- الرقبة مشدودة
- الحواجب مرفوعة لفوق
- لف القدمين حول أرجل الكرسي
- عصر أصابع الإيد بالإيد التانية
- هز الركبة باستمرار
الكذاب
- تغطية الفم والأنف باستمرار
- فرك العين ولمس الرقبة
- بتوسع فتحة الأنف
- اختلاف نبرات الصوت وتكرار الجمل أكتر من مرة
- الإيد بتتحرك طول الوقت ومش ثابتة
- بيحاول مايبصش في عينك أو بيتعمد يبص فيها طول الوقت زيادة عن اللزوم عشان يخفي ارتباكه
المتكبر
- الرأس مرفوعة لفوق
- الإشارة لشخص ما باليد
- مش بيتواصل بالعين مع حد بيكلمه إلا قليل جدًا
- ضم الذراعين على بعض
- النظر في الساعة باستمرار
- التنهيد وقت الحديث
سبب قدرتنا على فهم لغة الجسد
- دراسة في المعهد الهولندي للأعصاب بتقول إننا بنحس بغيرنا عن طريق تعبيرات الوجه
- تجربة أكدت إن الخلايا العصبية المرآتية في المخ بتتأثر بالشخص اللي بتتكلم معاه وبتتوقع أفكاره عن طريق لغة جسده
- عن طريق تجربة قدرت فيها القرود تقلّد تعبيرات وجوه الأشخاص بدقة
- دراسة في جامعة مونتريال بتقول إن لغة الجسد وتقطيع الكلام بتعرفك رأي الشخص فيك
- بتنشط الخلايا المرآتية وبتخليك تفكر بنفس طريقته وتقدر تفهم مشاعره أحيانًا لدرجة إنك ممكن تحس بيها
- بتزيد القدرة دي عند الأطفال وبيميزوا مشاعر المحيطين
- مع التقدم في العمر والنضج بتقدر تميز أفكار اللي حواليك بطرق مختلفة
- بس الأساس هو الإطار العام للموضوع عشان تقدر تفهمه صح وتوصل لتحليل أقرب للدقة
دليل مختصر لتطبيق لغة الجسد المثالية
- خليك مبتسم واظهر أسنانك وقت الابتسام ولكن بدون تكلّف
- خلي إيدك أسفل وجهك خصوصًا أثناء الكلام
- بلاش تربّع إيدك أو تهرش في راسك كتير أو تحط القدمين فوق بعض وترجّعهم لورا
- حافظ على اتصال بالعيون مع كل اللي حواليك
- افرد ضهرك طول الوقت وميل بجسمك للأمام لكن بدون إفراط
- حافظ على مساحة الآخرين الشخصية بس خليك مايل بجسمك ناحيتهم قدر المستطاع حتى لو المسافة بينكم كبيرة
- تقليد لغة جسد الآخرين سلاح ذو حدين لأنه ممكن يتفهم على إنك بتحاول تقرّب من الشخص التاني
- لكن ممكن البعض يفهمه إنه محاولة للسخرية خصوصًا لو عنده لازمة متكررة
- مهم تبقى قاعد أو واقف على نفس مستوى الشخص أو المجموعة حسب طبيعة التواصل عشان تقرأ تعبيرات الوجه وتفهمها بدقة
