المحتويات
التربية العسكرية هي مادة علمية عسكرية بيدرسها أفراد من القوات المسلحة المصرية، فيها أجزاء نظرية متمثلة في المحاضرات اللي بيركز فيها الضباط والقادة على شرح أساسيات العسكرية المصرية وجزء عملي بيتضمن بعض التدريبات زي التدريب على تحية العلم والتحية العسكرية وخطوات المشية المعتادة والدوران في المحل.
تعريف التربية العسكرية
- تعتبر مادة مستقلة بذاتها لكن طبيعة تدريسها مختلفة عن باقي المواد
- بيدرسها فقط الطلاب الحاملون للجنسية المصرية
- المجلس الأعلى لللجامعات مش بيعتمد أي شهادة معاملة لطلاب الجامعات الخاصة بدون اجتياز دورة التربية العسكرية
- كل جامعة فيها إدارة خاصة بالتربية العسكرية والمسؤول عنها أحد أفراد القوات المسلحة
- مدة دراستها أسبوعين كحد أقصى منهم 60 ساعة نظري و36 ساعة عملي
هدف التربية العسكرية
- تنمية الوعي العسكري عند الشباب لتنشئة جيل يقدر على الخدمة العسكرية أو على أي خدمة وطنية
- زيادة فرص حبهم للالتزام والنظام
- معرفة الطلاب بأساسيات الخدمة العسكرية وبداية إعدادهم كمقاتلين في القوات المسلحة المصرية
- ترشيح الطلاب المتميزين للعمل في المشروعات التنموية (حسب تخصص كل طالب)
- زيادة فرص الطلاب في الترشيح والقبول في الكليات العسكرية
- تنفيد بعض الزيارات للطلبة للوحدات والكليات العسكرية وللمشروعات التنموية العملاقة
المستندات المطلوبة للتقديم
- صورة الطاقة الشخصية
- 2 صورة شخصية مقاس 4×6
- صورة الكارنيه الجامعي
دورات التربية العسكرية أونلاين بسبب فيروس كورونا
- بسبب ظروف انتشار فيروس كورونا المستجد قرر الفريق أول محمد زكي القائد العام للقوات المسلحة وزير الدفاع والإنتاج الحربى عقدها عن طريق إتاحة المادة العلمية أونلاين
- بتشمل الدورات موضوعات عن حروب الجيل الرابع ودور القوات المسلحة في التنمية ودور الشائعات السلبي ومخاطر مواقع التواصل الاجتماعي
- لاجتياز الدورة أونلاين لازم الطالب يعمل بحث في موضوع واحد من الموضوعات دي:
- دور المجتمع المدني في مواجهة فيروس كورونا
- حروب الجيل الرابع ومخاطر مواقع التواصل الاجتماعي
- تأثير فيروس كورونا على الاقتصاد المصري والعالمي
- دور الدولة في مواجهة فيروس كورونا
- تأثير المخدرات السلبي على الشباب وطرق الوقاية منها
متطلبات النجاح في دورة التربية العسكرية
- اجتياز التربية العسكرية بنجاح بيحصل من خلال النجاح في البحث المقدم واجتياز الاختبار التحريري في نهاية الدورة
- لازم تبقى عامل البحث بنفسك لأن في حالة تشابه الأبحاث هتعتبر مقصر في تقديم البحث
- مهم تجتاز الاختبار أونلاين من خلال رابط بيتحدد وبتقدر تدخل عليه وتحل الأسئلة مرة واحدة بس
- مفيش فرصة إعادة مرة تانية وعدم اجتيازك للاختبار معناه إنك ضروري تعيد الدورة تاني
- تسجيل الدخول على موقع التربية العسكرية هيساعدك تاخد اسم المستخدم وكلمة مرور وروابط تسجيل الدخول للامتحانات
- الأحسن تسجّل عن طريق جهاز كومبيوتر مش الموبايل
حالات الإعفاء من التربية العسكرية
- الطلاب غير المصريين (الأجانب)
- أي طالب تخطى عمره الـ 35 سنة
- الحالات المرضية زي:
- شللل الأطفال
- إعاقة الجهاز العصبي
- الأمراض المزمنة اللي سببت إعاقات
- بتر أحد الأطراف
- لازم يكون فيه تقرير منفصل مكتوب فيه سبب الإعفاء بدقة ومختوم من المجلس الأعلى للجامعات ووزارة التعاليم العالي
نصايح قبل كتابة البحث
- لازم تشوف المحاضرات كلها خصوصًا اللي بتتكلم عن موضوع البحث بتاعك
- اهتم بكتابة عناوين جانبية جذّابة وخلي بحثك مختلف عن أي نمط تاني
- حاول تقرأ من مصدر تاني عشان تضيف معلومات أكتر واكتب بأسلوبك
- افهم الموضوع كويس وعبّر عنّه بطريقتك
- اتأكد من كتابة بياناتك قبل رفع البحث
- اعرف شروط رفع وتقديم البحث حسب جامعتك
