تكنولوجيا
ايلون ماسك: نشأته وأفكاره التكنولوجية اللي حققها وأحلامه للمستقبل
إزاي تفهم سبب نجاحات ايلون ماسك التكنولوجية؟
المحتويات
ايلون ماسك بيعتبر أغنى شخص في العالم حسب تقرير من مجلة بلومبرج، وبتقدّر ثروته بأكتر من 188 مليار دولار وخصوصًا بعد صعود أسهم شركة تسلا لتصنيع السيارات الكهربائية في بداية 2021 لأكتر من 8 أضعاف قيمتها السنة اللي قبلها، وبيعتبر من أنجح رجال الأعمال في العالم اللي بيدعم مشروعات كتير بتدعم التطور التقني في العالم زي تطبيق ClubHouse اللي اكتفى بس بدعمه وبعدها اشترك فيه ملايين الأشخاص، أو شريحة نيورالينك ومشاريع تانية للسكن على القمر.
نشأة ايلون ماسك
- اتولد في جنوب إفريقيا في 28 يونيو 1971، لأم كندية كانت بتشتغل أخصائية تغذية وعارضة أزياء، ووالد جنوب أفريقي كان بيشتغل مهندس
- وهو في سن الـ 12 سنة قرر يبيع لعبة لشركة مستلزمات تقنية وكسب فيها 500 دولار
- قرر يعيش مع والده هو وأخوه، ولكن بعد فترة رجع لوالدته تاني وسافروا لكندا اللي درس فيها لمدة سنتين وبعدها كمل دراسته في جامعة بنسلفانيا
- درس فيها الفيزياء وإدارة الأعمال وحصل على الجنسية الأمريكية
تطور ايلون ماسك المهني
- أسس مع شقيقه بدعم من مستثمرين شركة Zip2 واللي اعتبرتها صحف عالمية زي نيويورك تايمز دليل سفر شامل وبعد كده اتباعت الشركة بـ 341 مليون دولار
- سنة 1999 اشترى شركته أكس دوت كوم للخدمات المصرفية وبعدها بسنة اندمجت مع شركة تانية ونتج عن ده ظهور شركة Paypal
- باع ايلون ماسك حصته في شركة Paybal لشركة Ebay مقابل 165 مليون دولار
- أسس شركته SpaceX في 2002 و Tesla Motors في 2003
الفشل في حياة ايلون ماسك
- حاول أكتر من مرة إطلاق صواريخ بعد إنشائه لشركة SpaceX (فالكون 1) ولكنها كانت كلها محاولات فاشلة
- محاولات الصواريخ نجحت بعد إصراره على التجربة الرابعة رغم تحذيرات الكثيرين من فشلها
- دعمت وكالة ناسا شركته بأكتر من مليار و500 مليون دولار عشان ترجع تكمّل أنشطتها
- سنة 2008 فشلت شركت تسلا وكانت على وشك الإفلاس لدرجة إنه بدأ يصرف على الشركة من ماله الخاص ومن خلال بعض القروض
بداية نجاح تسلا
- البداية كانت في 2003 لما مارتن إبرهارد ومارك تاربنينج أسسوا شركة تسلا عشان يثبتوا إن العربيات الكهربا ممكن تبقى أقوى وأسرع من عربيات البنزين
- وسموا العربية بالاسم ده نسبة للمخترع الأمريكي الصربي نيكولا تسلا اللي معروف بإسهاماته في اختراع التيار المتردد
- أما دخول رجل الأعمال إيلون ماسك فكان سنة 2004 لما قرر يستثمر 30 مليون دولار في الشركة وبقى المدير التنفيذي ليها
- الهدف الأساسي كان صناعة عربية رياضية معتمدة على الكهربا بشكل كامل، وأطلقت تسلا سنة 2008 أول عربياتها باسم (Roadster) واللي كانت ثورة حقيقية في الصناعة
- بتتسارع من صفر لـ 100 كيلومتر في 3.9 ثانية وبتمشي 390 كيلومتر في الشحنة الواحدة، واللي ممكن تشحنها من فيشة الحيطة العادية
- وحققت مبيعات حوالي 2500 نسخة بسبب سعرها المرتفع اللي وصل لـ 100 ألف دولار
- شحن العربية كان صعب جدا قبل اختراع شواحن قوية وكانت العربية ممكن تشحن في 24 ساعة
استمرارية نجاح إيلون ماسك في شركة تسلا
- سنة 2012 أعلنت الشركة عن واحدة من أنجح عربياته، (Model S) اللي اتعرفت بتصميم داخلي وخارجي بيجمع بين الرياضية والعائلية
- انتشار Model S وإعجاب الناس بيه جه بالتزامن مع إطلاق الـ(Superchargers- أو محطات الشحن السريع) في أمريكا وأوروبا
- المحطات دي بتشحن العربيات أسرع بكتير من الشحن المنزلي العادي، والشحنة الكاملة بقت تاخد ساعة وربع بس بعد ما كانت بتاخد 8 و10 ساعات وأحيانا 24 ساعة في الطرازات القديمة
- في 2016 نزلت الشركة جيل جديد من العربية فيه خاصية الـ AutoPilot عشان تبقى سيارة ذاتية القيادة
- ومع الوقت بدأت تحدّث في مستواها وتنزّل عربيات مزوّده بأحدث التقنيات
- في نفس السنة أطلقت suv فاخرة تحت اسم موديل X .. بأبواب falcon الشهيرة وتكنولوجيا وأداء رياضي مذهل
- بتصنف الـ SUV الأسرع على وجه الأرض بتسارع من صفر لـ 100 كيلومتر في 2.6 ثانية
- ومن وقتها بدأت تنفّذ خطة التحول لعلامة شاملة، وفي مارس 2019 أعلنت تسلا عن موديل y الشقيقة الصغرى لموديل x وهي عربية كومباكت كروس أوفر
- بدأت تنتجها تسلا في 2020 بنفس أهداف موديل ٣، لأنها عربية رخيصة
- بتبدأ أسعارها من 39 ألف دولار وتقدر تبيع وتنافس بسبب إمكانياتها الكبيرة وسعرها المعقول بالنسبة لفئتها
ايلون ماسك وشريحة نيورالينك
- في مؤتمر عمله ايلون ماسك في أغسطس 2020 أعلن عن اختراع عبارة عن شريحة في حجم عملة معدنية بتقرأ إشارات المخ
- بتتصل بالكومبيوتر بشكل لاسلكي لما بتتزرع جنب الجمجمة بعملية سهلة
- ممكن تعالج مرضى الشلل النصفى والرباعي من خلال إنتاج روابط عصبية تقدر ترجع للجسم حركته من جديد
- دورها كبير في علاج مشاكل السمع والبصر والأزمات النفسية والإحساس بالألم
- وحسب كلام ماسك في المؤتمر ده تطويرها المستمر هيساعد أي شخص على التحكم في أجهزته
- تركيب الشريحة بيتم بواسطة روبوت جراحي وممكن تاخد أقل من ساعة
- وبيخرج الشخص منها في نفس اليوم بسرعة وبدقة وبدون تخدير كلي وبدون نزيف أو إصابة
- اختبرت الشركة الشريحة على بعض الخنازير وأظهرت أصوات نشاط الروابط العصبية وقت الحركة والتنفس والأكل
- وشرح إن استجابة الخلايا العصبية للشريحة وإشاراتها الكهربية ليها دور كبير في المستقبل
- أستاذ في علم الأعصاب في جامعة بنسلفانيا قال لبي بي سي إن الموضوع مش سهل زي ما الشركة بتظهره
- ومهما تطورت التقنيات مش سهل الوصول لفهم كامل لإشارات المخ
أحلام ايلون ماسك
- مشروع هيبرلوب HyperLoop وهو وسيلة نقل فائقة السرعة
- بتتحرك في أنابيب ضغط عن طريق وسادات الهواء المضغوط وسرعتها أسرع من الصوت
- فكرة تانية بتسيطر عليه وهي بورينج كومبني – Boring company لحفر أنفاق تحت الأرض لنقل السيارات من مكان للتاني
- بتسيطر على إيلون ماسك أحلام لتأهيل بيئة مناسبة للحياة على كوكب المريخ
