المحتويات
انيميا الفول هي مرض جيني وراثي بيسبب تغيرات معيّنة في الجسم، وبيفتت كرات الدم الحمراء المسؤولة عن توصيل الأكسجين لكل الأعضاء، والأنسجة، وبتتفاقم الأعراض مع تناول الفول أو بعض الأدوية، لكن الالتزام بتعليمات زي منع البقوليات، بيقلل فرص ظهور أعراضها اللي ممكن تشكل خطر على الصحة.
تعريف انيميا الفول
- انيميا الفول ليها أكتر من اسم زي التفوّل، وتكسر الدم الفولي، واللي بينتج عنّه فقر الدم الانحلالي
- هو مرض وراثي بيسبب نقص سداسي فوسفات الجلوكوز النازع للهيدروجين (G6PD) في الدم، اللي دوره أساسي في تنظيم التفاعلات الكيميائية الحيوية في الجسم
- نقص إنزيم (G6PD) بيسرّع فرص تكسير كرات الدم الحمراء قبل الوقت المخصص لاستبدالها تلقائيًا داخل الجسم
- بتقل فرصة وصول الكمية المناسبة من الأكسجين للجسم كله لأن كرات الدم الحمراء دورها أساسي الاحتفاظ بيه، وتوزيعه على كل خلايا وأنسجة الجسم
- بتحتوي كرات الدم الحمراء على بروتين الهيموجلوبين اللي بيساعد على التخلص من ثاني أكسيد الكربون عبر الرئتين وطرده خارج الجسم
- وبالتالي بتقل قدرة الجسم على التخلص من ثاني أكسيد الكربون وتوزيع الأكسجين، وده ممكن يسبب مشاكل صحية خطيرة ممكن تؤدي للوفاة
أسباب الإصابة بانيميا الفول
- أسباب وراثية بسبب نقص إنزيم (G6PD)، وبينتقل أحيانًا من الوالدين للأبناء لأنه موجود في كروموسوم X
- فرص إصابة الرجال أعلى من السيدات لأنهم بيحملوا كروموسوم X واحد بس، وبالتالي بتزيد فرص ظهور الجين اللي بيحمل نقص الإنزيم ده عند الرجال
- تناول أطعمة فيها فول أو بقوليات بنسبة كبيرة عند المرضى المصابين بنقص الإنزيم ده بيسرّع تكسير كرات الدم الحمراء تلقائيًا
- الإصابة بالالتهابات البكتيرية والفيروسية بتسبب فقر الدم الانحلالي وتكسير كرات الدم الحمراء
أدوية بتزود فرص الإصابة
- الأسبرين
- مضادات الالتهاب غير الستيرويدية اللي بتخفف الالتهابات وبتعالج الآلام زي كيتورولاك (Ketorolac)، وسيليبريكس (Celebrex)
- الأدوية اللي بتحتوي على مادة السلفوناميد (Sulfonamide) زي السلفاسوكسازول (Sulpisoxazole)
- أدوية علاج الملاريا زي البلاكونيل (plaquenil)، وكلوروكين (Chloroquine)
- بعض المضادات الحيوية زي نيتروفيورانتوين (Nitrofurantoin)، ودابسون (Dapsone)
- جزء من أدوية علاج السرطان زي دوكسوروبيسين (Doxorubicin)، وراسبوريكاز (Rasburicase)
الأعراض
- ضيق التنفس
- اصفرار الجلد والعين
- لون بول غامق عن العادي ممكن يوصل لنزول دم في البول
- دوخة متكررة
- ارتفاع درجة الحرارة
- ضربات قلب سريعة
- آلام البطن والظهر
عوامل الإصابة
- إصابة شخص من أفراد العيلة بالمرض ده سواء الوالدين أو الجدود
- الدراسات بتأكد إنه بيزيد انتشاره عند الأشخاص من أصول أفريقية وسكان الشرق الأوسط
- بتزيد فرص إصابة الذكور بيه
تشخيص انيميا الفول
- صورة دم كاملة CBC
- فحص نشاط إنزيم (G6PD)
- اختبار الهيموجلوبين في الدم
- فحص الخلايا الشبكية (لمعرفة لو كان نخاع العظام بينتج كرات دم حمراء متجددة وباستمرار خلال مدة كافية ولا لأ)
- بتتسحب عينة الدم عن طريق إبرة في الوريد أو بواسطة وخز الصباع أو الكعب عند حديثي الولادة، لأنه بيظهر عند الأطفال من وقت الولادة عن طريق ظهور الصفراء (مش كل حالات الصفراء معناها الإصابة بانيميا الفول)
العلاج
- وقف أي دواء متسبب في نقص إنزيم (G6PD)
- استشارة طبيب متخصص قبل تناول أي دواء
- مقاومة البكتيريا أو الفيروس اللي سببوا عدوى سببت فقر الدم الانحلالي
- تفاقم الأعراض ممكن يؤدي لنقل الدم، أو تعريض المريض للأكسجين بالجرعات اللي محتاجها، لأن تفاقم نقص الأكسجين ممكن يؤدي للوفاة
أطعمة ومشروبات يجب تجنبها
- الفول
- البقوليات بكل أشكالها زي العدس واللوبيا والفاصوليا
- أي منتج بيحتوي على الصويا أو فول الصويا
- المكسرات بأنواعها
- الفول السوداني أو أي طعام فيه إضافة فول سوداني عليه
- التوت البري
- النعناع أو أي منتجات بتحتوي على المنثول
- مشروبات الطاقة
