المحتويات
مضاعفات مرض السكر بمختلف أنواعه سواء من النوع الأول أو التاني أو سكر الحمل ممكن تبقى سبب في تدهور الحالة الصحية للمريض وتفاقم نسبة السكر عنده ممكن تسبب أمراض تانية صعب السيطرة عليها وعلاجها، وبالتالي مهم تعرف مضاعفات مرض السكر وأسبابها عشان تقدر تقاومها وتحمي نفسك منها.
عوامل الخطر
- زيادة الوزن وتراكم الدهون على البطن لأنها بتقلل فرص دخول الأنسولين للخلايا
- التدخين لأنه بيقلل الأكسجين في خلايا الجسم خصوصًا مع حساسية الخلايا للأنسولين اللي بتحمل أكسجين بجانب الجلوكوز اللي بتمد بيه الخلايا، وبالتالي بتقل كمية الأكسجين في خلايا الجسم
- الخمول والكسل بيقلل فرص دخون الأنسولين للخلايا وتغذيتها بالجلوكوز
- وجود تاريخ وراثي من الإصابة بالسكر في العيلة خصوصًا من المقربين (الآباء والأمهات والأجداد)
مضاعفات مرض السكر بمختلف أنواعه
- زيادة خطر الإصابة بأمراض القلب والأوعية الدموية والشريان التاجي وتصلّب الشرايين
- تلف جدران الشعيرات الدموية اللي بتغذي الأعصاب خصوصًا في القدم وبيزيد الإحساس بالحرقان والألم فيها
- عدم معالجة مشاكل الأعصاب بتزوّد خطر الإصابة بعدم الإحساس بيها ومشاكل الهضم زي الإسهال والإمساك
- تلف الكلى لأنها بتحتوي على شعيرات دقيقة بتنقي الدم من الفضلات وزيادة كمية الدم في السكر بيأثر على عمل الأوعية الدموية
- بتقل كفاءة العصب البصري ومع الوقت وإهمال العلاج ممكن تسبب في إعتام عدسة العين والإصابة بالمياه الزرقاء (الجلوكوما)
- بتزيد مشاكل الجلد وتكوّن الالتهابات الفطرية والبكتيرية
- دراسات كتير ربطت بينه وبين وبين الإصابة بأمراض نفسية زي الاكتئاب أو حتى الإصابة بالزهايمر وفقدان الذاكرة
- تأثيره بيمتد للسمع بسبب تلف الأعصاب السمعية وضعف تغذيتها بالأكسجين وضعف الأوعية الدموية في الأذن الداخلية
- تلف الأوعية الدموية ونقص الأكسجين في الدم بيضعف الانتصاب عند الرجال
تأثير النوع الأول من السكر على الصحة
- زيادة الالتهابات في الجسم سواء الظاهرة أو الخفية
- تكسير البروتينات في الخلايا للاعتماد عليها كمصدر بديل للطاقة ممكن يوصل لمرحلة تكسير الدهون الموجودة في الجسم
- بتظهر حالة اسمها الحماض الكيتوني السكري اللي بيزيد معاه إفراز الأحماض في الدم نتيجة تكسير الدهون
- ممكن تسبب حالة إعياء من أعراضها القيء والإسهال والتعب الشديد والضعف العام في الجسم
- بتتضخم الدهون في الجسم خصوصًا في الأماكن اللي بتحقن فيها الجلوكوز باستمرار
- الدراسات بتأكد إنه بتزيد فرص توقف التنفس أثناء النوم خصوصًا عند الرجال
مشاكل الأسنان بسبب السكر
- التهاب اللثة
- تسوس الأسنان
- جفاف الفم
- اضطرابات التذوق
- التهابات فطرية عند الفم
- التهاب اربطة وعظام الفك
كورونا ومرض السكر
- الدراسات بتأكد إن الإصابة بفيروس كورونا ليها تأثير كبير على كمية الأنسولين في الدم فبيقل وبيتراكم السكر في الدم بكميات كبيرة
- مع الوقت بتزيد درجة حموضة الدم نتيجة تفتيت الخلايا للدهون للاعتماد عليها كمصدر طاقة وده بيزود مضاعفات السكر
- بيقلل الفيروس كمية الأكسجين في الجسم وده نفس التأثير اللي بيسببه تراكم السكر في الدم وبالتالي بيزيد الخطر
- ارتفاع السكر بيئة مثالية لتراكم الفطريات اللي بتأثر سلبيًا على الصحة العامة والمناعة اللي بتقاوم المرض
