طريقة عمل الزلابية من أكتر الوصفات اللي بيدور عليها ناس كتير، لأنها من الحلويات الشرقية المشهورة، الروايات والقصص قالت إن أصلها يوناني، ووصلت مصر عن طريق الإسكندرية، وانتشرت في باقي المحافظات، ومع الوقت اتطور شكل تقديمها من العسل (الشربات)، للسكر البودرة وصوص الشوكولاتة، بنقدم لك طريقة عمل الزلابية المقرمشة بخطوات سهلة.
طريقة عمل الزلابية
المكونات
- كوباية دقيق
- نص معلقة كبيرة نشا
- ربع كوباية مياه دافية
- نص معلقة صغيرة بيكنج بودر
- معلقة كبيرة سكر
- معلقة صغيرة خميرة فورية
- نص معلقة صغيرة ملح
- شربات
الطريقة
- اخلط الدقيق مع السكر والخميرة والنشا والبيكنج بودر والملح
- ضيف المياه بالتدريج وقلب كويس عشان المكونات تتجانس وتبقى عجينة بقوام طري ولزج
- سيب العجينة تتخمر في مكان دافي لمدة ساعة
- حضر طبق صغير في كمية زيت ومعلقة صغيرة
- وامسك كمية من العجينة بإيدك اضغط عشان تتشكل لكرة صغيرة بين صوابعك
- اغمس المعلقة الصغيرة في الزيت واقطع بها كرة الزلابية في الزيت السخن
- كرر مع باقي كمية العجين لحد ما تحمر وصفيها من الزيت كويس
- سيبها تبرد لمدة 10 دقايق وحطها في الشربات
- ممكن تستبدل الشربات بصوص شوكولاتة أو سكر بودرة
