طريقة عمل الكيكة بأنواعها المختلفة

الكيك من أشهر وأكتر الحلويات المفضلة لكل الناس كبار وأطفال، لها أشكال كتير مختلفة بقوام ونكهات كتير، على حسب المكونات اللي بتدخل فيها، مع المكونات الأساسية الدقيق والسكر والزبدة واللبن، ممكن تناولها مع الشاي أو القهوة في وجبة الإفطار أو كوجبة خفيفة، وبتستخدم في إعداد التورت لأعياد الميلاد مع حشوات مختلفة.. بنقدم لك طريقة عمل الكيكة بأشكال مختلفة مناسبة للأيام العادية والمناسبات البسيطة في البيت.

طريقة عمل الكيكة التقليدية

المكونات

• كوبايتين دقيق
• معلقتين كبار بيكنج بودر 
• كوباية ونص سكر
• 4 بيضات 
• معلقة صغيرة فانيليا
• تلت أربع كوباية زيت

الطريقة

• في الخلاط الكهربائي.. اخلط البيض مع السكر والبيض واللبن والفانيليا  
• امزج الدقيق مع البيكنج بودر ورشة ملح 
• ضيف خليط البيض واللبن وقلب كوبس لحد ما كل المكونات تتجانس
• وزع خليط الكيك في صينية مدهونة بالزيت وعليها دقيق (كمية قليلة)
• دخل الصينية الفرن لمدة 40 دقيقة على حرارة متوسطة 

طريقة عمل الكيكة التايجر

المكونات

• 3 كوبايات دقيق
• معلقتين كبار بيكنيج بودر
• 3 معالق كبار كاكاو
• كوباية ونص سكر
• تلت أربع كوباية زيت
• كوباية لبن
• 3 بيضات
• معلقة صغيرة فانيليا
• رشة ملح

الطريقة

• اخفق البيض والسكر بالمضرب الكهربائي لحد ما يبقى خليط خفيف ولونه فاتح
• ضيف الفانيليا والزيت وكمل خفق لحد ما تتجانس المكونات وضيف اللبن
• اخلط الدقيق مع البيكنج بودر 
• بالتدريج.. ضيف خليط الدقيق مع التقليب المستمر عشان تتجنب أي كتل 
• قسم الخليط لجزئين.. وضيف الكاكاو على جزء منهم وقلب كويس
• ادهن صينية بالزبدة وعليها ورقة زبدة في القعر
• بالمغرفة.. حط كمية من الخليط الأبيض في نص الصينية وعليه مقدار نفس المغرفة من خليط الكاكاو
• كمل بالتبادل لحد ما كمية الخليط تخلص
• دخل الصينية الفرن لمدة 45 دقيقة على درجة حرارة 180
• ممكن تستبدل الكاكاو بألوان طعام عشان تعمل كيكة ملونة

باوند كيك 

المكونات

• كوباية زبدة
• كوبايتين دقيق
• كوباية سكر
• 4 بيضات
• معلقتين صغيرين فانيليا
• رشة ملح

الطريقة

• ادهن صينية متوسطة مستطيلة بكمية قليلة من الزبدة والدقيق
• اخفق الزبدة مع السكر في العجان أو المضرب الكهربائي على سرعة عالية
• ضيف البيض بالتدريج واتأكد إنه اتضرب كويس مع الخليط
• ضيف الفانيليا والملح
• قلل سرعة العجان أو المضرب الكهربائي.. وضيف الدقيق بالتدريج وكمل خفق لحد ما تتجانس المكونات
• وزع الخليط في الصينية ودخلها الفرن لمدة 25 – 30 دقيقة

طريقة عمل كيكة السوفليه

المكونات

• معلقة كبيرة زبدة
• نص كوباية لبن حليب سخن
• نص معلقة صغيرة فانيليا
• معلقة كبيرة دقيق
• معلقتين كبار سكر بودرة
• 2 بيضة
• رشة ملح

الطريقة

• اختار سلطانية/ بولة بتدخل الفرن.. ادهنها بالزبدة والسكر
• على نار متوسطة.. سيح الزبدة وعليها الدقيق وقلب لمدة دقيقة
• ارفع الخليط من على النار وضيف اللبن السخن بالتدريج أثناء التقليب لحد ما يبقى خليط متجانس وناعم
• رجع الخليط على النار لحد ما يغلي وارفعه
• ضيف رشة الملح والفانيليا وقلب كويس
• افصل صفار البيض وضيفه للخليط
• اخفق بياض البيض لحد ما قوامه يرتفع ويبقى لونه أبيض
• ضيف السكر وكمل خفق لمدة 10 دقايق
• ضيف بياض البيض والسكر للخليط الدقيق وقلب من جوه لبره
• وزع الخليط في السلطانية ودخله الفرن على درجة 200 درجة مئوية لمدة 15 دقيقة

طريقة عمل كيكة المج

المكونات

• 3 معالق كبار دقيق 
• 3 معالق كبار سكر
• معلقتين كبار كاكاو
• ربع معلقة بيكينج بودر
• 3 معالق كبار لبن حليب
• 3 معالق كبار زيت
• رشة ملح
• ربع معلقة صغيرة فانيليا
• 3 معالق كبار رقائق شوكولاتة

الطريقة

•  هتحتاج مج يتحمل الحرارة متوسط الحجم
• اخلط الدقيق والسكر والكاكاو والبيكنج بودر والملح
•  ضيف اللبن والزيت والفانيليا وقلب لحد ما يبقى مزيج ناعم وضيف رقائق الشوكولاتة
•  دخل المج الميكروويف دقيقة ونص أو الفرن على نار متوسطة 10 دقايق 

 كيك بوبس

المكونات

• قالب كيك جاهز
• كوباية كريم شانتيه 
• كوباية شوكولاتة سايلة
• نص كوباية رقائق شوكولاتة
• نص كوباية لوز أو بندق مفروم
• عيدان خشب

الطريقة

•   قطع الكيك وافركه بإيدك
• ضيف الكريم شانتيه وقلبه لحد ما يبقى شبه العجينة
• شكلها لكرات بالحجم اللي يناسبك
•  اغرس الأعواد الخشب فيها وغطسها في الشوكولاتة السايلة
• رش عليها اللوز أو البندق أو رقائق الشوكولاتة ودخلها التلاجة تجمد

شيفون كيك

المكونات

• كوبايتين دقيق
• كوباية سكر
• معلقة بيكينج بودر
• معلقة صغيرة ملح
• نص كوباية زيت عباد شمس
• 7 بيضات (مفصول الصفار عن البياض)  
• نص كوباية مياه ساقعة
• معلقتين صغيرين خلاصة الفانيليا
• معلقة صغيرة قشر ليمون
• نص معلقة صغيرة بيكربونات صودا 
• نص كوباية لبن رايب 

الطريقة

•  اخلط الدقيق والسكر والبيكنج بودر والملح
• اعمل حفرة في نص الدقيق وضيف الزيت وصفار البيض والمياه الساقعة والفانيليا وقشرة الليمون
• اخلط المكونات السابقة مع بعض لحد ما يبقى خليط متجانس
•  اخفق بياض البيض وبيكربونات الصودا واللبن الرايب كويس لحد ما يبقى خليط لونه أبيض وله قوام
•  ضيف خليط الدقيق وصفار البيض على بياض البيض بالتدريج
• قلب من جوا لبرا بمعلقة سيليكون 
• غطي صينية متوسطة بورق الزبدة ووزع عليها خليط الكيك
• دخل الصينية الفرن على حرارة 175 لمدة 15 دقيقة

طريقة عمل الكيكة الملائكية 

المكونات

• 9 بياض بيضة
• كوباية ونص سكر
• كوباية دقيق
• نص معلقة بيكربونات الصودا 
• معلقة صغيرة فانيليا
• نص معلقة صغيرة ملح

الطريقة

• اخفق بياض البيض مع بيكربونات الصودا والملح ومعلقتين سكر لحد ما يبقى خليط أبيض ومرفوع
• اخلط الدقيق والسكر المتبقى والفانيليا 
• ضيف خليط الدقيق لبياض البيض بالتدريج وقلب كويس 
• افرد ورق زبدة في صينية متوسطة ووزع عليه خليط الكيك
• دخله الفرن على درجة حرارة 350 لمدة 35 دقيقة

 سويس رول

المكونات

• بيضتين 
• كوباية سكر
• كوباية دقيق
• للحشو (مربى فراولة/ صوص شوكولاتة)

الطريقة

• اخفق السكر مع البيض بالمضرب الكهربائي لحد ما يبقى له قوام سميك وفاتح
• ضيف الدقيق بالتدريج وقلب كويس لحد ما يبقى خليط ناعم متجانس
• افرد ورق زبدة في صينية مستطيلة متوسطة 
• دخل الصينية الفرن على درجة حرارة 180 لمدة 10-12 دقيقة 
• بعد ما تبرد.. افرد الحشو المفضل (مربى/ شكولاتة)
• برفق.. لف طرف الكيك واضغط برفق عشان يتماسك
• رش سكر بودرة أو صوص شوكولاتة على سطحها
• دخلها التلاجة لمدة 30 دقيقة وقطعها شرايح سمكها متوسط

طريقة عمل الكيكة الأسبونج الإيطالية

المكونات

• 5 بيضات (في درجة حرارة الغرفة)
• كوباية سكر
• كوباية دقيق
• معلقتين كبار نشا الدرة 
• معلقتين صغيرين بيكينج بودر

الطريقة

•  اخفق السكر مع البيض لحد ما يبقى لونه فاتح بالمضرب الكهربائي 
• ضيف الدقيق والبيكنج بودر واستمر في الخفق على سرعة متوسطة 
• صب الخليط في صينية مدهونة بالزبدة 
• دخل الصينية الفرن لمدة 30 دقيقة على درجة حرارة 350

طريقة عمل الكيكة من غير دقيق

المكونات

• كوباية زبدة 
• 300 جرام شوكولاتة خام مفرومة
• معلقة قهوة سريعة التحضير
• 6 بيضات (افصل البياض عن الصفار)
• كوباية سكر
• معلقة كبيرة كاكاو 

الطريقة

• في بولة عميقة.. دوب الشوكولاتة مع الزبدة في الميكروويف أو فوق حمام مائي
• دوب القهوة في معلقتين مياه سخنة وضيفها على الشوكولاتة وقلب كويس
• اخفق بياض البيض بالمضرب الكهربائي لحد ما تترفع ولونه يبقى أبيض
•  في بولة تانية.. اخفق السكر والفانيليا مع صفار البيض لمدة 5-8 دقائق 
• ضيف الكاكاو على  خليط صفار البيض واخلط كويس
• زود خليط الشوكولاتة والزبدة على خليط صفار البيض
• ضيف بياض البيض وقلب بمعلقة من جوه لبره
• وزع الخليط في صينية متوسطة 
• دخل الصينية الفرن لمدة ساعة على درجة حرارة 180 
• ممكن تضيف الصوص المفضل (توت/ كراميل) على الكيك بعد ما تبرد