قرض السيارة ضمن برامج تمويلية بتقدمها البنوك للأفراد بتسهيلات وبأسعار عوائد مختلفة، وبيكون بضمان السيارة اللي ناوي تشتريها، وغالبًا مدته بتتراوح من سنة لـ 7 سنين، البنك الأهلي بيقدم لك تمويل بقيمة 100% من قيمة السيارة.. هنقولك الشروط والأوراق المطلوبة.
الشروط والأوراق المطلوبة لقرض السيارة
- صافي الدخل الشهري بيبدأ من 1500 جنيه
- للموظفين.. عمر المقترض ميقلش عن 21 سنة ومايزدش عن 60 سنة
- لأصحاب الأعمال والمهن الحرة.. عمر المقترض مايقلش عن 25 سنة ومايزدش عن 65 سنة
- صورة بطاقة الرقم القومي سارية
- فاتورة مرافق (غاز/كهرباء/تليفون)
عمولات ورسوم قرض السيارة
- سداد نسبة مصاريف إدارية من مبلغ التمويل مرة واحدة مقدماً
- عمولة السداد المبكر للقرض الكلي والجزئي 3% من المبلغ المطلوب سداده
- غرامة تأخير القسط بتوصل لـ 2% من المبلغ المستحق ولم يسدد
المزايا:
- بدون ضامن
- قيمة التمويل بتوصل لمليون جنيه
- 100% من سعر السيارة
- فترات سداد مختلفة بتبدأ من سنة لـ7 سنين
- سعر عائد تنافسي
- بيقدم برامج خاصة لموظفين الشركات
- بدون مصاريف استعلام ائتماني أو فتح حساب
- ممكن تاخد القرض بضمان شهادة أو وديعة
سعر الفايدة:
- من 17% لـ18% متناقصة
البنك الأهلي بيتيح مزايا كتير لتمويل السيارات بأنواعها المختلفة وأسعارها المتفاوتة، بما يتناسب مع دخلك الشهري وطرق السداد الأسهل ليك، وتفاضل بينها وبين عروض وأنظمة البنوك التانية.
