المحتويات
قرض السيارة خدمة بنكية لأي شخص محتاج يشتري سيارة لكن مش متوافر معاه سيولة كافية، خاصة إنها بقت من ضروريات الحياة لكتير من الناس، وبيقدم بنك مصر الخدمة دي بميزة أقل سعر للفايدة بالنسبة لبنوك تانية زي الأهلي والتجاري الدولي.. هنقولك إيه الأوراق المطلوبة والشروط .
الميزة اللي بتوفرها قروض السيارارت في بنك مصر، هي تعدد البرامج والأنظمة اللي تختار منها الأفضل من حيث قيمة القرض وفترات السداد ومدد القروض، وبالتالي ده هيسهل عليك الاختيار بناء على قيمة مرتبك والمدة اللي عايز تسدد فيها وكمان قيمة السداد الشهرية، ده غير مجموعات مميزات بتخليه اختيار مناسب لكتير من الناس.
الشروط والأوراق المطلوبة
- سن المقترض ميقلش عن 21 سنة ومايزدش عن 65 سنة
- الحد الأدنى للدخل الشهري 1000 جنيه للعاملين فى الحكومة، و2000 جنيه للعاملين فى القطاع الخاص
- صورة بطاقة الرقم القومي سارية
- إيصال مرافق لمقر الإقامة (غاز/ كهرباء/ مياه/ تليفون)
- عرض أسعار معتمد من المعرض
للموظفين
- شهادة مفردات الراتب الشهري
- تعهد جهة العمل بتحويل الراتب /القسط الشهري (في حالة تعهد جهة العمل)
لأصحاب المهن الحرة والأنشطة التجارية والصناعية
- صورة البطاقة الضريبية
- ترخيص/ تصريح مزاولة المهنة (للمهن الحرة)
- مستخرج رسمي حديث من السجل التجاري (صورة)
- كشف حساب بنكي لمدة 6 أشهر
قيمة قرض السيارة
- نسبة التمويل 100% بقيمة قرض بتوصل لـ750 ألف جنيه ومدة تمويل 120 شهر
نسبة فائدة قرض السيارة
- بتتراوح بين 17.5% إلى 19% سنويا متناقصة
- بيتم تحديد النسبة حسب نوع وظيفة المقترض من خلال الفرع
المزايا
- بيقدم البنك مجموعة برامج تتناسب مع فئات العملاء المختلفة زي برنامج قرض سيارة بموجب الدخل الافتراضي/ برنامج الموظفين بدون إثبات الدخل/ أصحاب الأوعية الادخارية (للمصريين والأجانب)
- وثيقة تأمين مجانية على الحياة طوال فترة القرض
- ترخيص السيارة باسم طرف تاني من أفراد العائلة
- بدون تأمين وحظر بيع على السيارة
تقدر تختار النظام المناسب من بين الأنظمة المختلفة اللي بيقدمها البنك لتمويل السيارات بأنواعها المختلفة وأسعارها المتفاوتة، بما يتناسب مع دخلك الشهري وطرق السداد الأسهل ليك، وتفاضل بينها وبين عروض وأنظمة البنوك التانية.
