المحتويات
حساسية العين هي رد فعل نتيجة أسباب كتير منها محفزات الحساسية زي الدخان أو التراب، وبتختلف أنواعها سواء كانت التهاب القرنية أو بسبب الحساسية الموسمية، وممكن تتشابه أعراضها مع أعراض جفاف العين لكن هنقولك إزاي تفرق بينهم بسهولة.
أنواع حساسية العين
- الحساسية الموسمية وهي النوع الأكثر شيوعًا وانتشارًا ومن أعراضها:
- الإفراط في إفراز الدموع
- انتفاخ الجفون ومحيط العين
- الحكة والاحمرار
- سيلان واحتقان الأنف
- ظهور الهالات السوداء
- نفس الأعراض بتظهر مع الإصابة بالتهاب الملتحمة
- التهاب القرنية من أنواع حساسية العين وبيعتبر من أكتر الأنواع الخطيرة لأنه بيسبب مضاعفات خطيرة بتؤثر على حدة الإبصار ومن أعراض الالتهاب:
- حساسية الضوء
- الإحساس بوجود جسم غريب في العين
- إفرازات كثيفة من العين
- حكّة مستمرة في العين
- التهاب الملتحمة التماسي وبيظهر غالبًا مع ارتداء العدسات اللاصقة لأن بعض البروتينات في العين بتلتصق مع العدسة ومن أعراضه:
- احمرار وحكة شديدة في العين
- الإحساس بالانزعاج في عدسة العين
- إفرازات سميكة من العين
- النوع التاني من الالتهاب ده اسمه التهاب الملتحمة الحليمي العملاق وبتحس بأعراض مشابهة لالتهاب الملتحمة التماسي لكن بيزيد الإحساس بعدم الارتياح مع ارتداء العدسات اللاصقة وضعف الرؤية
الفرق بين أعراض وأسباب حساسية العين وجفاف العين
الحساسية
- الأعراض العامة:
- احمرار العين والشعور بعدم الراحة فيها
- عدم القدرة على التحكم في الدموع
- الحساسية من النور
- الشعور بحكة العين/ الحرقان
- تورم الجفون
- العطس في بعض الأحيان
- بتظهر في أي مرحلة من المراحل العمرية
- الأسباب:
- التعرض لمنبهات خارجية زي حبوب اللقاح والغبار والتراب والعطور والتلوث
- ده بيسبب اضطراب الجهاز المناعي وبالتالي ظهور الأعراض بشكل تدريجي
- بتزيد في فصول الربيع والصيف بسبب ارتفاع درجة الحرارة
جفاف العين
- الأعراض:
- الحرقان (عرض مبدئي) والشعور بالألم الشديد
- الشعور بتلطيخ القرنية
- قلة الدموع بشكل ملحوظ أو الدموع الغزيرة
- إحساس أقرب لوجود رمل أو شكة في العين
- الرؤية غير الواضحة
- بتحس براحة عند قفل عينك أو تحريك الجفون
- التهاب قرنية العين في بعض الحالات
- الأسباب:
- بتظهر بعد سن الـ50 بنسبة أعلى عند الستات نتيجة لاضطراب الهرمونات بعد انقطاع الدورة الشهرية
- من أعراض دواء معين منتظم عليه أو عرض لمرض معين بتعاني منه
- التعرض لشاشة التلفزيون أو الموبايل لمدة طويلة
- عدم البربشة بشكل منتظم وقلة شرب المياه
علاج حساسية العين
- استخدام قطرات العين المضادة للالتهابات والدموع الصناعية عشان تساعد في ترطيب العين وتنضيفها لكن بعد استشارة طبيب متخصص عشان يحدد القطرة المناسبة ليك
- ممكن تحتاج بعض مضادات الهستامين ومزيلات الاحتقان لو الحساسية شديدة
- اعمل كمادات شاي لأنه بيحتوي على خصائص مضادة للبكتيريا والالتهابات
- استخدم كمادات باردة عشان تقلل الإحساس بالحكة
- اغسل العين بمياه فاترة باستمرار عشان تنضفها من الأتربة ومسببات الحساسية
- استخدم شرايح الخيار لتهدئة العين وتقليل الالتهاب والتورم
- اقفل النوافذ واهتم بالتنضيف الدوري للتخلص من الأتربة
- تجنب ارتداء العدسات اللاصقة والبس نضارة شمس عند الخروج
- اغسل إيدك ووجهك باستمرار واستحمى واستبدل ملابسك كلها بعد الرجوع للمنزل
- بعض الأطباء بيلجأوا لحقن الحساسية خصوصًا لو فشلت كل طرق العلاج التانية
