المحتويات
غيبوبة الكبد من مضاعفات أمراض ومشاكل الكبد الحادة، وبتحصل في المرحلة النهائية أو الرابعة من الإصابة بالاعتلال الدماغي الكبدي، نتيجة فشل الكبد في إزالة السموم من الدم بشكل كافي، وبالتالي بتتراكم السموم في مجرى الدم، وبيحصل تلف للمخ، مدتها بتختلف من شخص للتاني.
ما هي غيبوبة الكبد؟
- هي المرحلة الأخيرة من تضرر الكبد، وعادة بتكون بسبب مرض مزمن أو إصابة ما أدت لموت جزء كبير من الكبد سواء تمت إزالة الجزء التالف أو لأ
- بينتج عن ده فشل في تكسير السموم والمواد الكيميائية السامة زي الأمونيا من الجسم، ومع وجودها وتراكمها في مجرى الدم، بتوصل للمخ والأعصاب وباقي الأعضاء
أسباب غيبوبة الكبد
غالبا بيكون ضرر الكبد نتيجة للإصابة بأمراض حادة زي:
- التهاب الكبد الفيروسي الحاد الخاطف (معروف بالاسم ده لأنه بيظهر فجأة)
- التهاب الكبد السام ( نتيجة التعرض للكحول أو المواد الكيميائية أو الأدوية أو المكملات الغذائية بشكل مفرط)
- متلازمة راي (حالة نادرة وخطيرة بتصيب الأطفال عادة وبتسبب تورم مفاجئ والتهاب الكبد والمخ)
- الاعتلال الدماغي الكبدي الحاد
- فشل الكبد النهائي
- الالتهابات زي الالتهاب الرئوي
- مشاكل في الكلى
- نقص أو انخفاض مستويات الأكسجين
- جراحة واستئصال جزء من الكبد (بسبب التليف أو سرطان الكبد)
- تناول أدوية تثبط جهاز المناعة
- الإفراط في تناول البروتين
- تناول أدوية تثبط الجهاز العصبي المركزي زي الباربيتورات أو مهدئات البنزوديازيبين
- انخفاض البوتاسيوم بعد القيء أو تناول مدرات البول
- نزيف في الجهاز الهضمي زي نزيف الأوردة المتضخمة (دوالي المريء)
أعراض غيبوبة الكبد
بتختلف الأعراض حسب السبب وراء تلف الكبد وبتتضمن:
- صعوبة في التركيز والتفكير
- الالتباس
- النسيان
- تغير رائحة النفس
- النعاس أو الخمول
- القلق
- الإعياء
- رعشة الإيد
- صعوبة الحركة
- ضيق التنفس
- بطء في ضربات القلب
- انخفاض ضغط الدم
أنواع غيبوبة الكبد
نتيجة تضرر خلايا الكبد
بيكون نتيجة تعرض جزء كبير من الكبد لضرر حاد بسبب بعض الأمراض زي التهاب الكبد الفيروسي/ التسمم بمواد كيميائية معينة/ التسمم بأنواع معينة من المشروم
نتيجة تحويلة الكبد
- النوع ده بيحصل نتيجة لعدم مرور الدم الخارج من الأمعاء عبر الكبد، لكن بيمر من خلال المفاغرة المعوية
مدة الغيبوبة
بتختلف من شخص للتاني، معتمدة على عوامل زي:
- الحالة الصحية للمريض
- مقدار السموم والأمونيا المتراكمة في المخ
- سرعة التدخل الطبي لإزالة السموم من الجسم
- متابعة المريض المستمرة مع الدكتور لو بيعاني من اعتلال الدماغي الكبدي
بعض الحالات بيحتاج المريض لجهاز التنفس الصناعي وزراعة الكبد
نصائح للحفاظ على صحة الكبد
- حافظ على وزن مثالي.. وتجنب السمنة المفرطة لأنها ممكن تأدي للإصابة بمرض الكبد الدهني غير الكحولي (NAFLD)
- اتبع نظام غذائي متوازن من الخضار والفاكهة والحبوب الكاملة والبروتين قليلة الدهون
- تجنب تناول وجبات عالية من السعرات الحرارية والدهون المشبعة والكربوهيدرات المكررة (زي العيش الأبيض والأرز والمكرونة) والسكريات
- تجنب شرب الكحول
- يجب الانتباه من خطر الإصابة بالتهاب الكبد الوبائي
