انتريهات مودرن أنيقة وعصرية وفي نفس الوقت متناسقة مع باقي ديكور البيت هي أساس الراحة في الساعات اللي بتقضيها بعد الانتهاء من الالتزامات اليومية أو في أيام العطلات، وبالتالي ضروري تهتم بشراء قطع عملية ومريحة ومش مرتبطة بموضة معينة هتنتهي بسرعة.
نصائح قبل شراء انتريهات مودرن
- اختار ألوان فاتحة للأخشاب خصوصًا لو غرفة المعيشة صغيرة عشان تحسسك بالوسع
- الستائر الشفافة (الشيفون) هي الاختيار المثالي للشكل الجمالي العصري
- خليك حريص إن أقمشة الكنب والكراسي تبقى مصنوعة من الكتّان أو الأقطان
- ابعد عن اختيار الألوان المميزة الغريبة لأنها بتنتهي موضتها بعد فترة قصيرة وممكن تشوش الرؤية للعين بعد فترة
- اختبر الكنبة والكراسي قبل الشراء وابعد عن اللون الأبيض لفرشهم خصوصًا لو عندك أطفال
- ركّز على شراء الأثاث متعدد الأغراض عشان تحقق أقصى استفادة بس ضروري تتأكد من الخامات لأن أحيانًا بيتصنع مواد قليلة الجودة وبيتباع غالي
- حدد مقاسات غرفتك عشان تشتري انتريه مناسب للغرفة ولحجمها
أُفكار انتريهات مودرن مختلفة
طريقة ترتيب غرفة المعيشة
- اختار نقطة تمركز زي التلفزيون أو شباك أو حائط ديكور عشان توزع الأثاث حواليها
- سيب مسافة بين الأثاث والحوائط بشكل يتناسب مع حجم الأوضة عشان تبان أكبر
- رتب الكنب والكراسي بوضع مقابل لبعض عشان تريح الأشخاص اللي هيقعدوا
- وازن بين أحجام الأثاث وقطع الديكور والترتيب وامزج بين القطع الكبيرة والصغيرة مع بعض
- لو رتبته في شكل مستقيم اختار قطع ديكور وترابيزة بشكل مدور
- سيب مسافة حوالي 60 سم بين الترابيزة والأثاث عشان يبقى شكله أوسع واهتم بعمل ممرات في باقي الأوضة
- اختار سجادة مقاسها مناسب عشان أرجل الأثاث كلها تبقى عليها لو كراسي بس ممكن تبقى الأرجل الأمامية عليها بس
- اختار ترابيزة كبيرة ومناسبة للمساحة عشان تستغلها في الاستخدام اليومي والديكور واختار ترابيزتين جانبيتين صغيرين ووزعهم على الناحيتين لو المساحة مش مناسبة
- وزع مصادر الإضاءة المرتفعة والجانبية والخلفية على أماكن وارتفاعات مختلفة عشان التوازن
- علق قطع الديكور بمساحات وأحجام مختلفة واعرف إنك لو هتعلق حاجة على حائط ورا الكنبة لازم طولها يكون ¾ طول الكنبة
- ممكن تستخدم مجموعة من قطع الديكور الصغيرة عشان تعمل شكل كبير ومتناسق
- عرض كونسول التلفزيون لازم يبقى أكبر منه بحوالي 6 سم متوزعين على الناحيتين
