المحتويات
الطلاق للضرر هو حق المرأة في الانفصال عن الزوج بدون المساس بحقوقها في بعض الحالات والحصول على نفقة العدة والمتعة ومؤخر الصداق نتيجة عدة أضرار بتتعرض لها المرأة المتزوجة من زوجها.
أسباب ممكن من خلالها رفع قضية الطلاق للضرر
- أسباب كتير ممكن تبقى دافع للمرأة للجوء للمحكمة ومنها:
- سوء العشرة
- الزواج بأخرى
- السب والقذف
- الهجر
- الضرب
- غياب أو سجن الزوج
- عدم التوافق في الحياة الأسرية
- العجز الجنسي
أنواع التطليق في القانون
- عدم الإنفاق وفي الحالة دي ضروري إثبات أن الزوج لا ينفق على زوجته وضروري يكون للزوج مال ظاهر وتقدر الزوجة عن طريق محاميها إثبات مصادر دخله
- في بعض الحالات بتلزم المحكمة بالإنفاق على الزوجة طالما يملك أموال بدون الحكم بالطلاق للزوجة إلا لو أثبتت ضرر تاني
- العجز الجنسي ومن شروط التطليق بسبب هو عدم معرفة الزوجة بالعجز قبل الزواج
- شروط تانية ضرورية لإثبات ضرر العجز الجنسي ومنها عدم وجود عيب في الزوجة يمنعها من معاشرة الزوج
- وإن العجز يبقى مثبت إنه موجود قبل الدخول بالزوجة
- ممكن يبقى التقاضي بسبب عيب مستحكم في الزوج (وهو عيب لا شفاء منه وممكن ينتقل للزوجة) وفي نفس حالة العجز ضروري إثبات إنها مش عارفة العيب ده قبل الزواج أو رضيت به
- التطليق بيحصل للزوجة لو اثبتت في المحكمة إنه متزوج من أخرى (ضروري تبقى الدعوى مرفوعة خلال سنة من تاريخ علمها بزواجه من الزوجة التانية)
- تقدر الزوجة ترفع دعوى للطلاق لو سجن زوجها في قضية مدة عقوبتها 3 سنوات أو أكتر ولكن حصول الزوجة على الحكم مش بيحصل قبل مرور سنة من سنوات العقوبة المقررة على الزوج
- أي ضرر مادي أو معنوي لازم يثبت بأدلة قاطعة لحكم الحكمة بالطلاق للضرر
- المحكمة مش بتحكم بانفصال الزوجين إلا بعد محاولات للصلح بين الزوجين
الفرق بين الطلاق بالضرر والخلع
- الطلاق للضرر ممكن يستأنف الزوج على الحكم أما الخلع فهو حكم نهائي
- وبالتالي مدة قضايا الطلاق بالضرر أطول من الخلع لأنه بيتم على أكتر من درجة تقاضي مش درجة واحدة
- الزوجة بتتنازل عن كل حقوقها في الخلع أما في الطلاق للضرر فالزوج مطالب بكل حقوق الزوجة
