فوائد المورينجا للصحة الجنسية والتخسيس وتقوية المناعة

فوائد المورينجا متنوعة للجسم خصوصًا إنها غنية بعناصر غذائية بتنعكس على صحة الإنسان خصوصًا علاج الالتهابات والوقاية من أمراض القلب والسكر  والالتهابات اللي ممكن تهدد حياة الإنسان.

شجرة المورينجا  

• هي شجرة صغيرة نفضية موطنها الأصلي قارة أسيا وبتنتشر في بعض أنحاء أفريقيا وأمريكا اللاتينية
• بتتميز بتحملها للمناخ الشديد سواء الجفاف وقلة الماء أو الصقيع وانخفاض درجة الحرارة لأقل الدرجات
• بتحمل عناقيد لونها أبيض وهي من أكتر الحاجات اللي بتميز شكلها عن أنواع تانية من الأشجار
• أوراقها مركبة سواء ثنائية أو ثلاثية وبتتاكل أوراقها طازة وبتستخدم جذورها في صناعة بعض أنواع البهارات

العناصر الغذائية في المورينجا 

• دراسات كتير اتكلمت عن فوائد المورينجا خصوصًا في هيئة مسحوق وتحديدًا في كل 100 جرام منّها:
• 9.4 جرام بروتين وهو 9 أضعاف البروتين الموجود في نفس الكمية من الزبادي
• 51.7 مليجرام فيتامين C
• 4 مليجرام حديد
• 378 ميكروجرام فيتامين A
• 8.2 جرام كربوهيدرات
• 2 جرام ألياف
• 185 مليجرام كالسيوم

فوائد المورينجا للصحة الجنسية 

• بتقلل فرص تضحم البروستاتا وبتزوّد فرص إفراز هرمون التستوستيرون في الجسم
• بعض التجارب أكدت إنه بيحسن حالات ضعف الانتصاب وبيقلل فرص الإصابة بالضعف الجنسي المزمن على المدى البعيد
• لأنه غني بمضادات أكسدة ومركبات زي حمض الكلوروجينيك والكيرسيتين والكايمبفيرول اللي بتحسن الأداء الجنسي عند الرجال

دور المورينجا في الوقاية من السرطان 

• غنية بمواد زي حامض الأسكوربيك والبوليفينول والفلافونيدات اللي بتقلل فرص ظهور الأورام والإصابة بالسرطان
• الخبراء بيأكدوا إن المورينجا بتحارب الجذور الحرة وهي جزيئات بتسبب تلف الخلايا والإصابة بالأمراض نتيجة لضعف مقاومتها لأي عدوى فيروسية أو تطور جيني غريب مسبب للسرطان

تأثير المورينجا على مستويات السكر  

• دراسات كتير أكدت إنها بتنظم مستويات السكر في الدم وبتحافظ على مستويات أقرب للطبيعية عند المصابين بمرض السكر
• لأنها بتنشّط خلايا البنكرياس المسؤولة عن إفراز الأنسولين وبالتالي بتقل فرص الإصابة بمضاعفات مرض السكر عند المصابين بيه

حماية القلب وتنظيم الكوليسترول عن طريق المورينجا 

• غنية بخصائص بتساعد على تنظيم الكوليسترول في الدم وبالتالي بيقل الجهد اللي بتبذله عضلة القلب وبتحافظ على صحتها قدر المستطاع

دور المورينجا في تحسين صحة الدماغ 

• تناول المورينجا بكميات معتدلة بيساعد على:
• تنشيط النواقل العصبية زي: السيروتونين والدوبامين والأندرينالين وبالتالي بتقوى الذاكرة وبيتحسن المزاج
• بتحارب القلق والاكتئاب والذهان
• مقاومة تنكس الخلايا العصبية عن طريق الفيتامينات الموجودة فيها

المورينجا وتحسين البشرة

• دراسة بتأكد إن زيوت المورينجا دورها أساسي في تحسين صحة البشرة والجلد عمومًا والشعر وبتقلل فرص سقوط الشعر وتراكم القشرة فيه 

التخسيس عن طريق تناول المورينجا

• من أكتر الطرق الطبيعية انتشارًا لتقليل الدهون في الجسم خصوصًا دهون البطن 
• بتسبب ضعف مؤقت في الشهية وبتشجع الشخص على الاكتفاء بكميات طعام بسيطة خصوصًا وقت تناولها قبل النوم بساعتين
• الخبراء بينصحوا بشرب شاي المورينجا أثناء الالتزام بنظام غذائي صارم لفقدان الوزن أسرع بشكل طبيعي بدون الحاجة لأدوية ممكن يبقى ليها أعراض صحية خطيرة
• بتحسن كفاءة الجهاز الهضمي وبتقلل حدة أعراض الإمساك المزمن

فوائد مختلفة للمورينجا 

• بتقلل حدة الصداع المزمن
• بتحمي الكبد وبيجدد خلاياه وبيخفف تأثير الأدوية الضارة للكلى والكبد
• بتخفف أعراض الأمراض البكتيرية زي السالمونيلا وبيساعد على علاجها
• بتقوي العظام لأنه غني بالكالسيوم والفسفور

طريقة الشراء والاستخدام 

• متوفرة في مقر المركز القومي للبحوث من الأحد للخميس من الساعة 9 صباحًا حتى 2.30 ظهرًا
• وزارة الصحة وجهاز حماية المستهلك بيحذروا من أي مكان أو شركة أو منصة بيعلنوا عن بيع منتجات المورينجا غير المركز القومي للبحوث خصوصًا الإعلانات التلفزيونية في القنوات غير المرخصة
• بتضيف مسحوق أوراق المورينجا على العصير أو المياه وبتشربهم مرة يوميًا عشان تستفيد من فوائد أوراقه