المحتويات
مرض الجذام سببه نوع من البكتيريا اسمها المنفطرة الجذامية وبيأثر بشكل أساسي على الجلد والأعصاب المحيطة والعيون والغشاء المخاطي للجهاز التنفسي، وهو من الأمراض اللي ممكن يشفى منّها المريض لو استمر المصاب في العلاج في مراحل المرض المبكرة.
تعريف الجزام
- من أقدم الأمراض اللي ذكرت في الحضارات القديمة وعلى مدار التاريخ كان كتير من المصابين بالمرض بيتعرضوا للنبذ الاجتماعي حتى من أقرب الناس إليهم
- اول اكتشاف لعلاج للجذام كان في الأربعينيات في القرن الماضي عن طريق دواء دابسون وبيستمر طول عمر المريض وبالتالي بتقل فرص الشفاء نتيجة صعوبة الالتزام بالدواء
- لكن مع الوقت قلت فاعلية الدواء خصوصًا في الستينات واكتشف العلماء أدوية تانية لعلاج الجذام وهما ريفامبيسين وكلوفازيمين واتسمى بنظام الأدوية المتعددة
- منظمة الصحة العالمية سنة 1981 أقرّت بالعلاج عن طريق أدوية دابسون وريفامبيسين وكلوفازيمين لمدة 6 شهور في الحالات قليلة العصيات أو في 12 شهر (سنة كاملة) للحالات متعددة العصيات
- اتعالج في الـ 20 سن اللي فاتوا أكتر من 16 مليون شخص اصيبوا بالجذام
أعراض الجذام
- الشلل وبداية ضمور العضلات
- فقدان الإحساس بالحرارة والبرودة واللمس والألم السطحي
- توقف التعرق ونمو الشعر في المناطق المصابة
- بقع جلدية
- تغيرات في إنبات الشعر وجفاف الشعر
أنواع الجذام
- السلي أو الدرني بيسبب ظهور أعراض بسيطة وقليلة الحدة على المريض زي ظهور بقعة واحدة من الإصابة فقط على الجلد ويعتبر من أخف الأنواع ومعدي بدرجة بسيطة مقارنة بباقي الأنواع
- الورمي اللي بينتشر في مساحات أوسع من الجلد وبيأثر على الأعضاء التناسلية والكلى وأحيانًا بيسبب تساقط في الشعر
- الحدي اللي بتظهر فيه كل الأعراض السابقة
طريقة الانتقال وفترة الحضانة
- بينتقل من المريض عن طريق النفس خصوصًا وقت الزفير أو العطس أو السعال
- فترة حضانة المرض بيختلف فيها العلماء لكنها في الأغلب بتستمر لمدة من 5 لـ 7 سنوات سنوات من تاريخ التقاط العدوى وبعض الآراء بتقول إنها بتستمر من 9 شهور لـ 20 سنة حتى لو اتعالج المريض
- بعض الخبراء بيأكدوا إن قدرة المريض على نقل العدوى لشخص تاني بتبقى معدومة مع البدء في العلاج وتناول أول جرعة منّه لكن الأبحاث والخبراء بيدرسوا الموضوع عشان يوصلوا للحقيقة العلمية المؤكدة
مضاعفات الجذام
- تشوه الوجه
- تساقط الشعر
- العقم وفقدان القدرة على الانجاب
- التهاب القزحية (التهاب شديد في الحلقة الملونة المحيطة ببؤبؤ العين)
فاعلية العلاج
- استخدام العلاج المدمج عن طريق أدوية (أدوية دابسون وريفامبيسين وكلوفازيمين) هو الأساس لمحاولة علاج الجذام
- العلاج المبكر أساسي في وقف عمل البكتيريا والجراثيم المسببة للمرض وبتقل قدرته على نشر العدوى للآخرين
- متابعة أي أعراض جديدة أساسي للسيطرة على المضاعفات المحتملة
الوقاية
- تجنب التواصل المباشر مع المصابين على مسافة قريبة وابعد عن ملامسة أي إفرازات لجسم الشخص المصاب
- بعض الدراسات بتقترح تناول دواء ريفامبيسين للوقاية من الإصابة بالجذام عند زيارة دول منتشر فيها المرض
- اعرف إن مفيش لقاح فعّال بيحمي من المرض لكن ضروري تهتم بغسل إيدك باستمرار والتغذية السليمة
