المحتويات
تخسيس الكرش حلم أغلب الأشخاص اللي بتتراكم عندهم دهون البطن لأنها بتسبب مظهر غير محبب عند البعض بالإضافة لتأثيرها الضار على الصحة وممكن تسبب أمراض خطيرة.
تأثير دهون البطن على التفكير
- دراسة في جامعة آيوا الأمريكية بتقول إن تراكم الدهون في البطن بيسبب قلة التركيز
- عن طريق قياس نسب دهون البطن ومقارنتها بنسب الذكاء على مدار 6 سنين وبتأكد إن فقدان العضلات مرتبط بانخفاض مستوى الذكاء والقدرات المعرفية وبيضعف الذاكرة وبيصعب استرجاع المعلومات الأساسية
- الموضوع بيزداد سوء مع التقدم في العمر وحسب دراسة بريطانية فزيادة الدهون بتسبب في بعض الأحيان صغر حجم المخ وده بيأثر على قراراتك وتقديرك للأمور
- افترضت الدراسة إن دهون الكرش بتفرز مواد هي السبب في تقلص حجمه بس ده محتاج دراسات أكتر لفهم طبيعتها
دور الكرش في الإصابة بالضعف الجنسي
- دراسة في جامعة هارفارد بتقول إنه بيزود فرص ضعف الانتصاب بنسبة 90% خصوصًا مع تقدم السن وقلة المجهود البدني
- وبتضيف إن هرمونات دهون البطن نشطة جدًا وبالتالي بتقلل مستويات هرمون التستوستيرون وبترتبط زيادة الوزن ودهون البطن بأمراض زي السكر وارتفاع الضغط وانسداد الأوعية الدموية لأن جزء من الدهون بيتراكم داخل الأوعية الدموية وبيسد بعضها وبتقل كمية الدم المتدفقة للشرايين المتصلة بالعضو الذكري
- دراسة ألمانية بتقول إن اضطراب الانتصاب بسبب زيادة الوزن ممكن يبقى من أعراض الإصابة بالسكتات القلبية والدماغية
- ودراسة تانية في جامعة ولاية بنسلفانيا بتقول إن فقدان الوزن بيزود الثقة في النفس وده بينعكس على الرغبة الجنسية وبيزيد هرمون التستوستيرون مع قلة الوزن والانتظام في ممارسة الرياضة
- وفي تجربة عملتها الدراسة على بعض الناس أكدوا إن أدائهم الجنسي اتحسن بعد فقدانهم لنسبة من الدهون
- وبتنصح الدراسة بتقليل السكريات والنشويات وزيادة الألياف في الوجبات مع تجنب المشروبات الغازية والانتظام في الرياضة
أضرار دهون البطن على القلب
- دراسة أوروبية ربطت بين أمراض القلب والسكتات الدماغية وزيادة دهون منطقة البطن
- اختارت الدراسة مجموعة أشخاص أصحاء تحت سن الـ80 وبدون تاريخ لأمراض القلب والأوعية الدموية
- كشفت النتايج إن 64% من المشاركين اللي واجهوا خطر الإصابة بأمراض القلب والأوعية الدموية بسبب ارتفاع ضغط الدم والسكري كان عندهم دهون في منطقة البطن
- في مقابل 37% عانوا من زيادة وزن بشكل عام و18% مدخنين
- ارتفاع نسبة الدهون في البطن بيفرز هرمون بيأدي للإصابة بتصلب الشرايين وفشل القلب وبتزيد فرص الإصابة بالسكتات القلبية
مشاكل صحية مرتبطة بالكرش
- الربو
- أنواع مختلفة من السرطان منها سرطان القولون وسرطان الثدي
- مرض انقطاع النفس النومي
- مرض السكر خصوصًا إن الخلايا الدهنية في البطن هي خلايا نشطة وليها تأثير سلبي على الخلايا المحيطة وهرمونات الجسم المختلفة
- بتفرز الخلايا الدهنية مواد كيميائية بتقلل امتصاص الأنسولين وبالتالي بيرتفع الجلوكوز في الدم وبتزيد فرص الإصابة بمرض السكر
طرق تخسيس الكرش المختلفة
- دهون البطن هي أخطر أنواع السمنة لأنها بتعلي نسبة الإصابة بأمراض القلب وداء السكري من نوع 2 ومشاكل الكبد الدهني
- زود الألياف القابلة للذوبان في أكلك لأنها هتطول فترة الشبع وهتقلل السعرات اللي جسمك هيمتصها زي بذور الكتان والأفوكادو والبقوليات والشعير والجزر والبسلة
- تجنب الأكلات اللي فيها دهون متحولة (البيتزا/ المخبوزات الجاهزة/ كريمة القهوة) لأنها بتسبب أمراض القلب ومقاومة الأنسولين في الجسم ودهون البطن
- زود كمية البروتين في أكلك عشان تزود هرمون (PYY) اللي بيقلل الشهية وبيطول الشبع
- ابعد عن التوتر لأنه بيزود هرمون الكورتيزول في الجسم واللي بيسبب تخزين الدهون في البطن وزيادة الشهية
- مهم تمارس أنشطة لتقليل التوتر زي اليوجا أو تمارين التأمل أو أنشطة محببة ليك زي القراءة أو الرسم
- استخدم كل مصادر السكر سواء الطبيعي أو الصناعي بكميات قليلة لأنها بتسبب زيادة دهون البطن
- الدراسات أثبتت إن ممارسة رياضة الأيروبكس عالية الكثافة مع رفع الأثقال بانتظام بجانب تمارين شد البطن بيساعد على تخسيسها
- استبدل الكربوهيدرات المكررة بكربوهيدرات صحية زي الحبة الكاملة والبقوليات والبطاطس والبروكلي واستبدل الدهون في أكلك بزيت جوز الهند لأنه مصدر صحي ليها وبيعلي عملية الأيض وبيقلل تخزين الدهون
- تجنب المشروبات المحلاة بالسكر لأن فيها فركتوز سايل وده بيسبب زيادة دهون البطن
- اظبط ساعتك البيولوجية ونام عدد ساعات كافي (مش أقل من 8 ساعات) واشرب شاي أخضر بانتظام
- الدراسات أثبتت تأثير البكتيريا النافعة (الأسيدوفيلس) في ضبط الوزن أو تقليله موجودة في الزبادي/ الكفير/ مخلل الكرنب
- أكل الأسماك الدهنية زي السلمون والرنجة والسردين والماكريل من مرتين لـ 3 مرات أسبوعيا عشان فيهم أوميجا 3
- خد احتياجك من الفاكهة في شكلها الطبيعي وتجنب العصاير لتجنب السكر
- خفف 1- 2 معلقة صغيرة يوميا من خل التفاح بمياه لأن الدراسات أثبتت إنه بيخسس دهون البطن
- الصيام المتقطع وهو الصيام لحد 16 ساعة يوميا عن المشروبات اللي فيها سكر وتقسيم الأكل في 8 ساعات الفطار من أكتر الطرق اللي اثبت فيها علميًا إنها بتخفف دهون البطن وبتنزل الكرش
- مشروبات التخسيس بتسد الجوع وبتقل الرغبة في تناول الأكلات الغنية بالسعرات الحرارية وبالتالي بيقل الوزن
