المحتويات
توريد الشفايف من الحاجات اللي بتفضلها أغلب السيدات اللي بيشوفوا إن الشفاه من عناصر الجاذبية والجمال، وبالتالي ضروري يتابعوا كل الطرق الممكنة للحفاظ عليها وحمايتها من التحول للون داكن والحفاظ على لونها الوردي.
وصفات طبيعية لتوريد الشفايف
- ادهني عصير خيار على شفايفك يوميًا بدون انقطاع
- دلّكي شفايفك باللوز لمدة 15 دقيقة وبعدها اشطفيها بالمياه
- مرري قطعة قطن عليها خل تفاح لمدة 5 دقايق وبعدين اغسليهم بالمياه كويس
- اهرسي بذور الرمان بالشوكة وحطّي عليه فازلين وادهني الخليط على شفايفك قبل النوم
- حطي 3 معالق كركم في وعاء صغير وبعدها اخلطيه بكمية لبن قليلة وقلّبي الخليط لحد ما يكوّن عجينة متماسكة
- أو اخلطي معلقة كركم ومعلقة جوزة الطيب مع كمية مياه قليلة لحد ما تكوّني عجينة متماسكة تدهني بيها شفايفك لمدة 15 دقيقة قبل غسلهم بالمياه ودهن كريم مرطب عليهم
- ادهني العجينة على شفايفك 3 مرات في الأسبوع والأحسن تبقى يوم ويوم
- اخلطي نص معلقة عسل أبيض على جلسرين ونص معلقة عصير ليمون وسيبي الخليط على شفايفك قبل النوم لحد الصبح
ماسكات العناية بالشفايف
السكر البني
- اخلطي سكر بني وعسل أبيض لحد ما القوام يكون سميك ووزعيه على شفايفك بفرشة أسنان في حركات دائرية وسيبيه 10 دقايق وبعدين امسحيه
- اغسلي شفايفك بمياه دافية وبعدها حطي نقطتين زيت نعناع على شفايفك عشان شكلها يكون لامع
جل الصبار
- اخلطي جل الصبار مع فازلين الشفايف وسكر بني واتأكدي إن القوام سميك وسيبيه عليها 15 دقيقة وامسحيه بفوطة ناعمة ومياه دافية
أقراص فيتامين هـ
- اهرسي حبة فراولة أو كيوي لأن فيهم كمية عالية من فيتامين سي وضيفي ليه نقطتين من كبسولة فيتامين هـ
- ضيفي كمية صغيرة من بقايا القهوة عشان تقشر الشفايف واعملي بيه مساج لشفايفك وسيبيه 10 دقايق وبعدها اغسليه بمياه دافية
الزبادي
- اخلطي معلقة صغيرة زبادي وضيفي نص معلقة صغيرة عسل أبيض
- واعملي بيه مساج لشفايفك لمدة دقيقة وحطي مرطب الشفايف بعدها
- أو اخلطي معلقتين صغيرين زبادي مع معلقة صغيرة عصير ليمون
- وسيبي الخليط عليها 10 دقايق بعدين اغسليه بمياه دافية ورطبي شفايفك بمرطب الشفايف
الأفوكادو
- اخلطي كمية بسيطة من الأفوكادو المهروس مع فازلين الشفايف وسيبيه عليها 5 دقايق وبعدين اغسليه بمياه دافية
فراولة
- اهرسي حبة فراولة مع معلقة صغيرة عسل وزيت جوز الهند وسيبيه عليها 5 دقايق وبعدين اغسليه وحطي عليها مرطب الشفايف
توريد الشفايف بالليزر
- هي تقنية جديدة بيستخدم فيها الليزر في تجديد سطح الشفاه واستعادة لونها الوردي
- بيتخلص الليزر من طبقة سطحية من الجلد الميت الداكن وبالتالي بيزيد تدفق الدم في الشفاه
- عن طريق حقن الشفاه بالبنج الموضعي وبعدها تعريضها لأشعة الليزر لمدة من 3 لـ 5 دقائق
- بتتكرر الجلس من 3 لـ 4 مرات بينهم فاصل زمني للحصول على أفضل نتيجة
- أحيانًا بتظهر أعراض تورّم في الشفّة بين الجلسات وبتبدأ تظهر النتيجة بعد أسبوع واحد من الجلسات
- بعض المضاعفات بتظهر عند بعض الأشخاص زي ظهور ندوب أو حروق أو تشوهات في شكل الشفاه لو الطبيب مش متخصص
الحفاظ على لون الشفاه الوردي
- ابعدي عن التدخين قدر المستطاع
- اهتمي بتناول الأكلات الغنية بالألياف وقللي السكريات والنشويات قدر المستطاع
- بلاش تلعقي الشفتين بلسانك طول الوقت
- شيلي المكياج قبل النوم
- اهتمي بترطيب الشفاه يوميًا بمرطب بيحتوي في مكوناته على مواد واقية للشمس
