المحتويات
الدوبامين مادة كيميائية (ناقل عصبي) في الدماغ موجود بشكل طبيعي في الجسم، وبيعزز الشعور بالسعادة ومرتبط بحالات تانية زي الإدمان والاكتئاب.
ما هو تأثير الدوبامين؟
بما إنه ناقل عصبي، فهو بيرسل إشارات بين الجسم والدماغ، والتوازن الطبيعي ليه في الجسم مهم جدا لأنه ليه دور في التحكم في المهارات الحركية والاستجابات العاطفية وبالتالي مهم للصحة البدنية والعقلية
تأثيره بيكمن في المناطق الحيوية في الدماغ، فهو بيأثر على المزاج والنوم والمذاكرة والتعليم والتركيز، ونقصه بيسبب الإصابة بأمراض زي داء باركنسون والاكتئاب
طرق إفرازه في الجسم
بيتم إنتاجه في منطقتين:
المادة السوداء
- وهي عبار عن منطقة موجودة في الدماغ والدوبامين اللي بيتم إنتاجه فيها بيعمل على توليد الحركة في الجسم
- عند موت خلاياها أو إصابتها بالخلل.. ده بيظهر في شكل صعوبات التحكم في الحركة أو داء باركنسون
المنطقة السقفية البطنية
- الدوبامين الصادر منها يتم بثه للحصول على مكافأة، فمثلا لو عملت نشاط بتحبه أو أكلت أكلتك المفضلة بيتم تحفيز المكان ده من الدماغ واللي بيسبب الشعور بالنشوة والفرح
- مع زيادة الفعل المحبب ليك أو الأكل، بيتم إفراز دوبامين أكتر وده اللي ممكن يسبب الإدمان
انخفاض الدوبامين في الجسم
- بالرغم من إن الأماكن اللي بتفرز الدوبامين في الجسم صغيرة ودقيقة جدا.. إلا إن الدوبامين اللي بتنتجه بيرسل إشارات على امتداد الدماغ كله
- انخفاضه ليه آثار جانبية وواسعة وبتختلف من شخص للتاني وبتختلف في أسبابها، فمثلا أعراض نقصه مختلفة عن أعراض تضرر النواقل العصبية بسبب تعاطي المخدرات
الأعراض
- تشنجات عضلية وارتعاشات
- أوجاع عامة وآلام
- فقدان التوازن
- الإمساك
- صعوبة البلع
- مرض الجزر المعدي المريئي
- التهابات رئوية متكررة
- اضطرابات وصعوبات النوم
- الإرهاق وانخفاض طاقة الجسم
- تقل الحركة والكلام
- المشاعر السلبية زي اليأس والحزن والاكتئاب
- تقلب المزاج
- التقليل من قيمة الذات
- الهلوسة والأوهام
- الأفكار الانتحارية
- انخفاض الرغبة الجنسية
أسباب انخفاض الدوبامين في الجسم
بعض الأمراض مرتبطة بنقصه في الجسم، زي:
- انفصام الشخصية
- الاكتئاب
- الذهان
- مرض الشلل الرعاش
- داء باركنسون
المخدرات
بتأثر على مستواه في الجسم، فالدراسات أثبتت إن تناولها بتكرار له من شأنه يقلل من قدرة المستقبلات العصبية اللي تستقبله
النظام الغذائي
الأنواع اللي فيها كمية كبيرة من السكر والدهون المشبعة والبروتين القليل بيأثر عليه
السمنة
بعض الدراسات أثبتت إن الأشخاص اللي بيعانوا منها أكتر عرضة للإصابة بنقصه
طرق طبيعية لزيادة الدوبامين
لو الأسباب مرضية.. لازم تستشير دكتور عشان الأدوية هي الخطوة الأولى والأساسية لضبط معدله في الجسم، لكن لو الأسباب غير عضوية ممكن تتبع الخطوات دي:
- تناول البروتينات لأن الأحماض الدهنية اللي فيها من المركبات الأساسية للدوبامين وبتعزز إنتاجه
- ممارسة الرياضة بانتظام لأنها بتعزز إنتاجه وبتحس بسعادة بعد الانتهاء منها
- النوم عدد ساعات كافية لأن قلة النوم بتقلل حساسية الدوبامين في الدماغ وده بيسبب الشعور بالنعاس والتعب
- الاستماع للموسيقى، فالأبحاث أثبتت إنها بتزود مستواه في الجسم
- ممارسة التأمل بانتظام والالتزام بيه لمدة طويلة
- التعرض لأشعة الشمس لأن الأبحاث أثبتت إنها بتعزز إنتاجه في الجسم
- الانتظام على تناول أطعمة زي اللوز والشوكولاتة والموز والأفوكادو وزيت الزيتون والروز ماري والقهوة والخضار الورقي لأن فيهم بوتاسيوم وزنك ودهون صحية
