المحتويات
العناية بالبشرة في الشتاء بيحتاج مجهود لأنها بتكون أكتر عرضة للجفاف والتأثر بالعوامل الخارجية، وفي خطوات معينة اتباعها هيساعدك في الحفاظ عليها.
نصائح العناية بالبشرة في الشتاء
نتيجة التعرض للهواء البارد والاستحمام بالمياه الدافية، البشرة بتكون أكتر عرضة للجفاف والتقشر لكن في خطوات معينة اتباعها هيساعدك في حمايتها
الزيوت الطبيعية
- حافظ على الزيوت الطبيعية اللي جسمك بينتجها، فتجنب الاستحمام أو غسل الوجه المتكرر
- عند استخدام المياه الدافية أو الساخنة.. جفف جسمك باستخدام الطبطبة
إضافة مصدر للترطيب في البيت
استخدم جهاز مرطب الهواء لتقليل تأثر الجسم بالهواء البارد والحفاظ على ترطيبه بأكبر قدر
شرب المياه والعناية بالبشرة
- شرب المياه بكميات كافية خاصة وقت الشتاء بيساعد على الحفاظ على انتظام وظايف الجسم بالشكل الصحيح
- المياه من العوامل الأساسية لنضارة البشرة والحفاظ على كميتها الصحيحة في الشتاء بيحتاج مجهود زي استخدام تطبيقات اللي بتفكرك بشربها
الصن بلوك
- بردوة الجو لا يعني عدم تأثير أشعة الشمس على بشرتك، فمهم تستخدم الصن بلوك بالكمية المناسبة لحمايتها من التصبغ والتجاعيد المبكرة
- مهم تغطي الوجه والرقبة والشفايف والأذن والمنطقة خلفها والدقن
- اختار النوع اللي بحماية على الأقل 30 وجدده كل ساعتين
العناية بالبشرة وترطيبها
- استخدم مرطب جسم أساسه زيت في الشتاء لتوفير قدر أكبر من الترطيب ومهم تستخدمه يوميا وبعد الاستحمام على طول
- كريمات الإيد والقدم بتساعد على حماية الجلد من التشقق.. الأنواع المخصصة لوضعها بالليل مناسبة لأنك هتغطي جسمك بشراب أو جوانتي وتنام لتوفير قدر أكبر من الامتصاص في الجلد
- تجنب المرطبات اللي أساسها مياه لأنها خفيفة
غسول الوجه
- استخدم النوع اللي بيوفر قدر من الترطيب خاصة في الشتاء زي الأنواع اللي فيها حمض الساليسيليك وحمض الجليكوليك
- سيبه على وجهك لحد 30 ثانية وبعدين اغسله ورطب وجهك بالمرطب المناسب
- تجنب الأنواع اللي فيها مواد كيميائية قاسية زي الكحول والعطور واستخدم الأنواع اللي أساسها كريمي
مدة الاستحمام والعناية بالبشرة
- المياه الساخنة والاستحمام لمدة طويلة بيخلص الجسم من الزيوت الطبيعية اللي فيه وبيسبب جفاف البشرة
- مهم تقصر المدة وتستخدم مياه فاترة لتجنب جفاف الجلد
الأطعمة والعناية بالبشرة
في أطعمة معينة بتساعد في الحفاظ على صحة البشرة لأنها بتمد الجسم بالفيتامينات ومضادات الأكسدة المهمة زي:
