الحفاظ على اللاب توب مهمة ضرورية لأنك بتحتاجه في الشغل والمذاكرة أو حتى للترفيه زي الألعاب ومشاهدة الأفلام والمسلسلات، وبالتالي مهم تعرف طريقة حمايته لأطول فترة عشان تتجنب أعطاله المستمرة والتكلفة العالية لإصلاحه.
نصائح للحفاظ على اللاب توب
- ابعده عن حرارة الشمس قدر المستطاع
- اعرف إن عمره الافتراضي مش أقل من 4 لـ 5 سنين، ولو زادت الأعطال في مدة أقل من كده يبقى العيب من التصنيع لو جديد أو مش الشخص اللي اشتريت منه الجهاز لو مستعمل
- بلاش تخليه في متناول إيد الأطفال أو الحيوانات الأليفة
- بلاش تاكل أو تشرب جنبه واحتفظ بالسوايل في مكان بعيد عنّه
- امسكه من تحت عند الكيبورد مش من الشاشة
- تجنب تخزينه أو استخدامه قريب من جهاز تاني
- الأحسن تفك البطارية وتستخدمه بالشاحن فقط عشان تحافظ عليها
- ماتفتحش وتقفل الشاشة إلا وقت اللزوم عشان تزوّد فرص الحفاظ على اللاب توب
- ابعد عنه أي أقلام أو مفاتيح عشان ممكن تخدش الشاشة
- نضفه كويس بقطعة قماش مش مناديل والأحسن تستخدم منظفات مخصصة لتنضيف اللاب توب
- لازم قبلها تفصله من الكهربا وبعدها امسح الشاشة بقماشة نضيفة
- مهم تستخدم وايبس أو قطعة قماش مبلولة بكحول أو بمنظفات اللاب توب عشان تنضف بيها الشاشة
- امسك فرشة الأسنان عشان تتخلص من التراب المتراكم بين الزراير، واستخدم السشوار على أقل درجة حرارة لتنضيف الفتحات اللي تراكم التراب فيها بيضر الجهاز
- استنى لحد ما ينشف قبل تشغيل الجهاز مرة تانية
- بلاش تسيبه في الشاحن لمدة طويلة وراقب معدل الشحن عشان تفصله لما البطارية تتشحن بكامل طاقتها
- خزن الشاحن في مكان مناسب وتجنب لفه عدة مرات.. وإصلاحه أو استبداله يكون عند متخصص
- نزل أجدد التحديثات سواء للويندوز أو الـios حسب نوع جهازك
- اشتري قطع الغيار من مكان معروف والأحسن تسأل عنها في التوكيل التابع للعلامة التجارية للاب توب
- زود الرامات وخليها مناسبة لجهازك عشان تحافظ على كفاءته
- خلي فيه موعد دوري لصيانة جهازك عند متخصص بتثق فيه
- حافظ على تخزينه بشكل آمن وقت السفر
- دور على أعلى البرامج المضادة للفيروسات زي (AVG Free Antivirus) و(Avast Free Antivirus) و(Avira Free Antivirus)
