المحتويات
لوحة المفاتيح من أهم أجزاء الكومبيوتر سواء PC أو لاب توب لأنها الجزء المخصص للكتابة وتشغيل التطبيقات، وأي عطل فيها بيصعّب عملية استخدام الكومبيوتر لأداء المهمات المطلوبة زي الكتابة السريعة خصوصًا أعطال الزراير أو سقوط مياه عليه.
إصلاح زرار في لوحة المفاتيح
- هات مفك عادة صغير أو مفك نضارة بس الأحسن تستخدم الملقاط المخصص لتصليح اللاب توب
- دخّل راس المفك/ طرف الملقاط تحت الزرار التالف برفق
- ارفعه لفوق عشان يتشال
- اعمل نفس الخطوة مع الإطار الدائري اللي تحت الزرار والإطار المربع اللي حواليه
- امسك كل إطار في إيد وراقب الأطراف الداخلية للإطار المربع عشان تركب الإطار الدائري جواه
- دخلهم في بعض واتأكد إن الإطار الدائري بيلف لفّة كاملة في الإطار الأسود
- هات قطعة قماش صغيرة ونضف بيها مكان الزرار من تحت
- ركب الإطار بإيدك وبعدها ثبّت الزرار
- استعين بفني متخصص لو الزرار لسه مش شغّال
خطوات حل مشكلة سقوط المياه عليها
- افصل لوحة المفاتيح عن الـ PC
- هات قطعة قماش فورًا وامسح بيها المياه المتراكمة في أسرع وقت
- سيبها لحد ما تجف تمامًا وبعدها جرّب تشغلّها تاني
- لو لقيت العطل لسه موجود القط صورة لكل المفاتيح عشان تحتفظ بترتيبهم وفكّ كل مفتاح لوحده
- بس ضروري تصوّر لوحة المفاتيح بالموبايل قبل فكّها عشان ترجّع الأزرار مكانها مرة تانية
- هات مفك عادة صغير أو مفك نضارة بس الأحسن تستخدم الملقاط المخصص لتصليح اللاب توب
- دخّل راس المفك أو طرف الملقاط تحت الزرار التالف برفق وارفعه لفوق عشان يتشال
- شيل الطبقة الغشائية الموجودة تحت لوحة المفاتيح عشان تشوف إذا كان البلل موجود فعلًا ولا لأ
- جفف أماكن البلل بعناية وبعدها ركب الأزرار تاني
- استعين بفني متخصص لو مش قادر تشغّل الـ Keyboard
إصلاح عطل زرار الويندوز
- زرار الويندوز مهم للوصول السريع لقائمة التشغيل بجانب مشاركته مع بعض الحروف في بعض الاختصارات
- افتح Start وادخل على Update and Security وافتح منها Troubleshoot واختار Additional troubleshooters
- اضغط على Keyboard ومنها اختار Run the troubleshooter
- جرّب لوحة مفاتيح تانية لأن المشكلة ممكن تكون منها واقفل أي تطبيقات خلفية
- عطّل تصفية المفاتيح (وظيفته تجاهل الضغطات المتكررة والقصيرة على لوحة المفاتيح)
- اضغط بزر الفأرة الأيمن على شريط المهام / Task Bar واختار Settings واضغط على Ease of Access
- في القايمة اللي على اليمين اختار Keyboard وتحت Use Filter Keys اضغط بزر الفأرة الأيسر عشان تقلل عملها
- ممكن تبقى المشكلة في قائمة Start مش في زرار الويندوز وقتها اضغط على علامة الويندوز الموجودة في أسفل يسار الشاشة
- اضغط بزر الفأرة الأيمن على شريط المهام / Task Bar واختار Task Manager وبعدها اضغط على File ومنها Run New Task
- اكتب Powershell واضغط على Ok واكتب الأمر ده وبعده الزرار هيشتغل
- للأمر هو Get-AppxPackage Microsoft.Windows.ShellExperienceHost | Foreach {Add-AppxPackage DisableDevelopmentMode -Register “$($_.InstallLocation)\AppXManifest.xml”}
الحفاظ على عمرها الافتراضي
- نضّفها باستمرار وبلاش تسيب تراب متراكم عليها واضغط على المفاتيح برفق وبلاش تستخدمها بدون داعي
- بلاش تبالغ في فك وتركيب المفاتيح إلا للضرورة وتجنّب الأكل والشرب بجانبها
- لو وقع عليها مياه أو أي مشروب ضروري تنشّفها بسرعة وبلاش تشغّلها إلا لما تجف تمامًا
- ابعدها عن متناول الأطفال اشتري غطاء مطاطي لحماية لوحة المفاتيح
- خليها على مسافة قريبة من مكان الوصلة لو على جهاز PC واحتفظ بيها على سطح مستوي نضيف
- استخدم نوع شاحن موثوق في جودته لو لوحة المفاتيح من النوع اللاسلكي
- افحصها مرة سنويًا عند أي فني لحل أي مشكلة مش ظاهرة قدامك وهتأثر على فاعليتها مع الوقت
نصائح لشراء لوحة مفاتيح جديدة
- حدد غرضك من شرائها سواء للكتابة المستمرة أو لاستخدامها في برامج المونتاج والتصميم أو حتى للألعاب واشتري النوع المناسب أكتر لاحتياجك حسب ميزانيتك
- اشتري من مكان موثوق فيه بيقدم خدمات ما بعد البيع
- اختار نوع مناسب لجهازك وفي نفس الوقت مشابه للوحة مفاتيحك القديمة خصوصًا في ملمس الأزرار وترتيبها عشان تسهل استعمالها عليك في البداية
- ضروري تجرّب لوحة المفاتيح قبل شرائها عشان تتأكد إنها مريحة لأصابعك
- اعرف مميزات لوحة المفاتيح السلكية زي ضمان استخدامها طول الوقت وفي نفس الوقت مميزات لوحة المفاتيح اللاسلكية في سهولة الانتقال بيها لو على مسافة قريبة
- اعرف إن من عيوب الأجهزة اللاسلكية تعطلها أحيانًا نتيجة تشويش من الأجهزة القريبة منها
