المحتويات
فلتر مياه بمراحل متعددة من الضروريات الأساسية لتنقية المياه من أي شوائب أو مواد مضرة، ولكنه أحيانًا ممكن يسبب خطورة على الصحة. بعض الإرشادات ممكن تساعد في كيفية اختيار الفلتر المناسب وطريقة تنضيفه باستمرار.
تأثيره على الصحة
- ناس كتير بتستخدم الفلتر لتنقية المياه من الشوائب خصوصًا إنه بينقي المياه على مراحل كتيرة بس مهم تختار نوع جيد وتهتم بصيانتها
- الأنواع الجيدة بتنقي المياه من شوائب كتير باستخدام الكربون النشط وبيمتص المركبات الكيميائية والعضوية اللي بتأثر على طعم ولون المياه والنسب الزايدة من الكلور وجزء كبير من المعادن زي الرصاص والنحاس
- صعب تعتمد عليه لو المياه ملوثة بزيادة لأن الميكروبات والفيروس مش بتلتصق بالكربون وعلى المدى الطويل ومع عدم صيانة الفلتر وتنضيفه ممكن يسبب ضرر كبير للصحة
- بتتراكم الشوائب وبيلوث المياه وبالتالي بيزيد الضرر وبيسبب أمراض زي تليف الكلى واضطرابات هضمية وارتفاع ضغط الدم والأحسن تنضف شمعة الفلتر كل شهر على الأقل وتهتم بصيانتها
طريقة اختيار فلتر مياه مناسب
- اقرأ شهادة الجودة والضمان المرفقة مع الفلتر
- ضروري تفهم الـ 3 مراحل الأساسية لتعقيم المياه الأولى تقليل الشوائب والرواسب والصدأ
- المرحلة التالية تقليل البكتيريا والفيروسات والكلور والمعادن الثقيلة أما المرحلة التالتة هي إزالة الطعم السيء والألوان الغريبة من المياه
- زيادة المراحل معناها فرص التعقيم أكبر وبالتالي زيادة نقاء المياه
- اتأكد إن شمعات فلتر المياه الأصلية متوفرة بأسعار مناسبة ليك وفي مكان قريّب منّك
- اسأل المتخصص وقت الشراء أو حتى اقرأ عن نوع الفلتر اللي هتشتريه واعرف بالظبط دوره في التنقية وطريقتها والمواد اللي بينقيها
- ضروري تفهم طريقة التنقية عشان تحدد اختيارك صح
- مثلًا التنقية بالكربون النشط بيمتص المواد الناتجة عن التنقية بالكلور وببعض المعادن زي النحاس والحديد ولكن مش بيشيل البكتيريا وبتفضل موجودة في المياه
- التبادل الأيوني بيمتص زيادة كميات المعادن الموجودة في الفلتر ولكن لو مصدر المياه الأساسي بيحتوي على كميات حديد كبيرة ممكن تزيد فرص تلف الفلتر
- وحدة التناضح العكسي هي الاختيار الأمثل لأنه بيشيل أغلب المركبات العضوية والروائح والألوان الكريهة اللي بتتسرب للمياه
- وحدة التقطير بتشيل المواد الذائبة والمعادن الثقيلة وأغلب المركبات العضوية وبالتالي بتحافظ على صحتك
- ولكنها أحيانًا ممكن تبقى مضرة لو أهملت صيانتها وبالتالي ضروري تسأل شخص جرّب نفس النوع اللي هتشتريه
- اعرف منّه كفاءة عمال الصيانة أثناء تغيير الفلتر أو وقت إصلاح أي عطل ومدى سرعة استجابتهم
متوسط أسعار فلاتر المياه
- الأسعار بتتحدد على حسب نوع الخامات المستخدمة في تصنيع الفلتر والشمعة
- مثلًا متوسط سعر فلتر المياه 3 مراحل بين 300 لـ 400 جنيه
- أما فلتر الـ 5 مراحل متوسط سعره بين 475 جنيه لـ 750 جنيه
- فلتر الـ 7 مراحل سعره بين 1200 جنيه لـ 2500 جنيه
- الأسعار بتزيد أحيانًا مع وجود شمع إضافي مع الفلتر بس الأحسن تشتري وقت العروض والخصومات
طريقة تنضيف فلتر المياه
- اتأكد إن حنفية الفلتر مقفولة ومفصولة عن الكهرباء
- خرّج الشمعة من الغطا البلاستيك وغيّرها (استبدلها بشمعة جديدة) واغسل الغطا البلاستيك كويّس وطهره وبعدها اغسل قعدات الغطا البلاستيكي كويس
- ركّب بعدها الشمع الجديد والبلاستيك واتأكد إنه مقفول كويّس وضروري تشغّله قبل الشرب منه لمدة مش أقل من 5 دقائق
