غرف الاطفال شهدت تطورات كبيرة عن طريق تنسيق الألوان وورق الجدران واختلاف تصميمات الأثاث بأشكال وألوان مبهجة، لكن مهم يحسن الآباء اختيارها بشكل ينسجم مع شخصيات أطفالهم وسنهم، وتوفر لهم جو من الراحة والانسجام.
نصائح لغرف اطفال قبل 5 سنين
- مهم تختار غرفة هادية قريبة من غرفة نومك
- اختار الألوان الهادية زي الأبيض والسماوي.. هيساعدهم على الهدوء والنوم
- ثبت قطع “الفينيل” على الأرضية لتفادى الإصابات الخطرة عند السقوط
- اختار إكسسوارات وديكورات قابلة للتغيير عشان تقدر تبدلها بسهولة لما طفلك يكبر زي ورق الحائط
- استخدم سجادة لتدفئة الطفل في فصل الشتاء
- السرير يكون من خامة متينة وقوية مع جوانب قابلة للتعلية عشان تتجنب سقوط الطفل
- كمان مهم تكون قاعدة السرير مضلعة عشان تسمح بتهوية المرتبة
- اختار دولاب بحجم مناسب لترتيب ملابس طفلك والأفضل يكون بأدراج
- ثبت ترابيزة بجانب الدولاب مخصص لتغيير الحفاضة.. هتساعدك في الاحتفاظ بمستلزمات الطفل زي المناديل المبللة والحفاضات والكريمات في متناول إيدك
- حط كرسي عادي أو هزاز لك عشان تستريح عليه وقت تنييم الطفل
نصائح لغرفة أطفال من سن 5 لـ10 سنين
- موقع غرفة الأطفال لازم يكون جيد التهوية وبيوصلها أشعة الشمس باستمرار
- لأن ده بيساعد على نمو الطفل بشكل صحي بعيدًا عن الجراثيم والبكتيريا
- الألوان السخنة مناسبة هتعكس الحيوية والطاقة والنشاط زي الأحمر والأزرق والأصفر وغيرها
- اتكلم مع طفلك عشان يختار الديكور والألوان اللي بيحبها
- ممكن تستوحى ديكور الغرفة من شخصياتهم الكرتونية المفضلة أو هوايتهم زي كرة القدم أو السباحة أو الباليه
- مهم تختار قطع أثاث بسيطة وسهلة التنضيف
- تجنب وضع التلفزيون داخل غرفة الأطفال واستبدله بمكان مخصص للرسم أو المذاكرة يساعده على التركيز وتنمية مهاراته
- مهم تخصص مساحة للعب
- تجنب الآثاث الكبير الكلاسيكي واستبدله بقطع صغيرة متحركة
- لو عندك مساحة ضيقة.. استخدم آثاث له أكتر من استخدام زي السرير بالأدراج تقدر تخزن فيه هدومه
- لو أكتر من طفل.. السرير بدورين اختيار مثالي
- ركز على عوامل الأمان زي حواجز السرير لتجنب سقوطه أثناء النوم
- اهتم بتوزيع الإضاءة بطريقة جيدة لأنها بتأثر على العين والنظر خاصة لو بيذاكر في نفس الغرفة
أفكار لغرف اطفال
