المحتويات
(بوتجاز متنوع الخصائص وسهل التنضيف وعلامته التجارية معروفة) أغلب المواصفات اللي أي حد بيبحث عنها في بوتجازه، ولكن كل علامة تجارية بتحاول تظهر أفضل الإمكانيات اللي عندها بس ضروري تعرف المواصفات الأساسية اللي تساعدك تختار البوتجاز المناسب لاحتياجاتك.
نصائح اختيار بوتجاز مناسب
- حدد عدد العيون وعادة بتكون 4 أو 5 على حسب حجم مطبخك واستخدامك اليومي
- خامة حوامل الأواني بتتصنع من الصاج أو الزهر بس اعرف إن الصاج أسهل في التنظيف ومش بتلتصق به الدهون
- سعة الفرن بتكون أصغر في البوتجاز بـ4 عيون
- لكن لو هتختار النوع الـ Built in الفرن هيبقى منفصل وتقدري تختار حجم مناسب لاحتياجك وحجم مطبخ
- اهتم بعوامل الأمان زي فصل الغاز عند انسكاب سوايل على الشعلة
- لو هتشتري النوع الـBuilt in اعرف إن لازم تختار رخامة مقاومة للحرارة
- لو عندك أطفال صغار الأفضل تشتريه مخصص بالأزرار الجانبية عشان تصعب عملية العبث فيه
- قارن بين أسعار العلامات التجارية المختلفة واقرأ تقييمات العملاء لكل علامة تجارية عشان تحسم قرارك
- استشير المقرّبين منك عن أفضل نوع من ناحية الاستعمال على مدار فترة طويلة
الحفاظ على العمر الافتراضي للبوتجاز
- خلي مكانه قريب من أي مصدر تهوية لكن مش في مواجهة تيار الهواء مباشرة وبعيد عن التلاجة
- في حالة عدم استخدامه الأحسن تقفل محبس الغاز أو تشيل فيشة الكهرباء حسب نوع البوتجاز
- بلاش تضغط على الأزرار أو تلف مؤشرات الحرارة بقوة
- تجنب قفله بالغطاء إلا وقت الغياب عن البيت لمدة طويلة.. تعرضه للحرارة مع الوقت بيزود فرص الكسر
- نضفه باستمرار وركز على العيون لأن تراكم الدهون والأوساخ بيأثر عليها
- خليك حريص وقت تنضيفه واستخدم قطعة قماش ناعمة أو إسفنج أو سلك ناعم
- اختار علامة تجارية موثوق فيها وحد تعرفه جربها قبل كده
- استخدمه فقط لحمل الأواني وقت الطهي وبلاش تحمّله بأشياء تانية فوق طاقته
- التزم بمواعيد الصيانة الدورية لاكتشاف أي مشكلة وحلها بدري
طرق الحفاظ على البوتجاز الديجيتال
- اتأكد إن الحلة ناشفة قبل ما تستخدمها على العين عشان تتجنب أي بقع محروقة
- نضف البوتاجاز بعد كل استخدام
- اقفل العين واستنى البوتجاز يبرد قبل التنضيف
- استخدم منظف إزاز وقطعة قماش ناعمة عشان تتخلص من البقع وبقايا الأكل
- رش منظف الإزاز على البقع وسيبها 15 دقيقة عشان تضمن إن البوتجاز ماتجرحش
- لو وقع أكل أو سوائل على سطح البوتجاز اقفله بسرعة ونضفه بقماشة مبللة أو ما يبرد وبعد كده كمل طبيخ
- الضغط الزايد وقت التنضيف على البوتجاز ممكن يسبب كسر في الإزاز
- الحلل والطاسات الستانلس ستيل أفضل نوع عشان ثابتة على الإزاز ومناسبة في توزيع الحرارة على الأكل
خطوات تنضيف البوتجاز
- ابعد الأطفال عن المطبخ
- البس جوانتي وكمامة لو هتستعمل منظف كيميائي لأنه بيأثر على الجلد والجهاز التنفسي
- افتح الشبابيك وباب المطبخ حتى بعد الانتهاء من التنضيف
- استخدم النشادر أو الليمون والخل على البقع وبواقي الأكل المحروق وافركها بفرشة
- اخلط بيكربونات الصوديوم ومياه وسيبهم 10 دقايق على جسم البوتجاز عشان تتخلص من الدهون
- انقع العيون في كلور مع ملح لمدة 15 دقيقة واغسلها بالسلك أو إسفنجة المواعين
- حط مياه بليمون جوه الفرن وسخنيه وبعدين امسح البقع والدهون بقماشة مبلولة بالخل
منع انسداد عين البوتجاز
- نضّف العيون باستمرار عشان تمنع انسدادها
- قلل تراكم بواقي الطعام على البوتجاز
- فكها من مكانها ورش بيكنج صودا عليها وسيبها 5 دقايق قبل تنضيفها بمياه مغلية
- حط عيون البوتجاز في وعاء كبير فيه مياه ونقطتين صابون أطباق ونص كوباية خل ومعلقة ملح الليمون ومرر سلك التنضيف الناعم عشان تتخلص من أي رواسب زيادة
- هات سلك/ إبرة معدنية وحطها في الفتحات الصغيرة عشان تسلّك أي انسداد وبعدها صب عليها نقطتين خل عشان توصل لأحسن نتيجة
- ادعك الفتحات بفرشة أسنان عليها خل وليمون وبعدها جففها بقطعة قماش نضيفة قبل استخدامها
