المحتويات
بدلة رجالي مقاسها مظبوط وعلى الموضة ومريحة وفي نفس الوقت تقدر تستخدمها لمدة طويلة بدون ما تحس إنها قديمة هي كلها المواصفات المثالية اللي بتبحث عنها وقت اختيار بدلة جديدة.
طريقة اختيار بدلة مثالية
- المناسبة اللي هتحضرها هتحدد نوع القماش زي الكشمير أو الصوف وشكل البدلة بين أحادية أو مزدوجة الصدر وسواء كانت سادة أو مخططة
- لازم مقاس الأكتاف يكون مظبوط ومريح ومكان الخياطة متماشي معاه
- اتأكد من مقاس الصدر بإنك تدخل قبضتين إيدك داخل الجاكيت.. لو دخلوا يبقى كبير
- لازم الجزء اللي عند الصدر يكون مظبوط وغير مشدود أو مترهل بعد قفل الزراير
- طول الجاكيت لازم يغطي المؤخرة وتجنب تكون أطول أو أقصر من كده وتحافظ على طول وطول الدراعات لازم يكون أقصر من دراعات القميص بنص- 3/4 بوصة
- الخط الجانبي للبنطلون لازم يتماشى مع الخط الجانبي للجاكيت
- وسط البنطلون يكون مستقر على وسطك بارتياح وفي نفس مستوى زرار الجاكيت
- طول البنطلون ودرجة وسع رجله متعلقة بطولك وطول الساقين فمهم تكون بتبرزه مش بتقصرك
- اختار البدلة اللي فيها من زرار لـ 3 زراير وتجنب الأنواع اللي فيها أكتر من كده
- البدل ليها 3 أنواع ياقات (Notch Lapels) و(Peak Lapels) و(Shawl Lapels)
- النوع الأول (Notch Lapels) كاجوال ولكن الأخير (Shawl Lapels) فورمال
- اختار البدلة اللي فيها كسرات خلفية مزدوجة مع الجاكيت عشان شكلك يكون أرفع
- ياقة القميص مقاسها لازم يكون مظبوط وتجنب تكون واسعة أو ضاغطة على رقبتك
- اختار البدلة من محل موثوق فيه
الحفاظ على العمر الافتراضي للبدلة
- اختار بدلة مقاسها مناسب ليك مش ضيقة وجودتها عالية
- استخدم شماعة خشب قوية تعلّق عليها البدلة وابعد عن البلاستيك
- بلاش تنضفها في الغسالة أو تكويها إلا عند مغسلة متخصصة (دراي كلين)
- لو مضطر تنضفها بنفسك بلاش تستخدم مزيلات البقع لأنها هتغير لون البدلة
- اشتري فرشة لتنضيف البدلة عشان تشيل من عليها أي وبر أو تراب وتحافظ عليها بعد كل استخدام
- احتفظ بيها جوه الشنطة المخصصة ليها عشان تحميها من أي أتربة في دولاب منظم مش متكدس بالملابس
- بلاش تلبسها يومين ورا بعض وبدّلها بواحدة تانية حتى لو عندك بدلتين بس
- وخليك حريص على التأكد من نضافة المكان اللي هتقعد عليه وبلاش تخلع الجاكيت وإنت بره إلا بعد ما تتأكد إنك هتعلقه في مكان مناسب ونضيف
- بعد ما تقلعها سيبها متعلقة على الشمّاعة ساعة بره الدولاب في مكان جيد التهوية خصوصًا لو عليها بلل بسيط
- حافظ على حركة منتظمة وهادية قدر الإمكان عشان تحمي البنطلون من القطع
أشكال بدلة رجالي مختلفة لشتاء 2022
