صحة نفسية
مواقع التواصل الاجتماعي: تأثيرها والوقاية من إدمانها بتطبيقات
إزاي تحمي نفسك من إدمان مواقع التواصل؟
المحتويات
مواقع التواصل الاجتماعي تأثيرها كبير على حياتنا اليومية وأصبحت جزء أساسي من نمط المعيشة سواء في تواصلنا مع الآخرين أو من خلال خطط الشركات الكبرى لتسويق منتجاتها اللي بتعتمد على مواقع التواصل بشكل أساسي، بحانب إن درسات كتير بتأكد إن استهلاكها بيأثر على الصحة والتأثير ممكن يبقى أسوأ في حالة إدمانها، وبالتالي مهم تعرف تأثيرها وطريقة التخلص من إدمانها وبعض التطبيقات اللي ممكن تساعدك.
تأثير مواقع التواصل الاجتماعي على العلاقات
- انتشرت مشاركة الناس لحياتهم اليومية على مواقع التواصل الاجتماعي
- رغبة في الإحساس بالذات والتواصل مع المحيطين أو حتى توجيه رسالة لشخص
- وده بيخلي ناس كتير تعرف معلومات عن أدق تفاصيل الحياة الشخصية
- دراسة في جامعة كوبنهاجن بتقول إنها بتزود مشاعر الحقد والضيق من الآخرين
- بتصور شكل ونمط معين لحياة مرفهة مثالية فبتقلل رضاك عن حياتك ومستواك المادي وحتى شريك حياتك
- متابعة حد بصورة مبالغ فيها ممكن يخلق تعلق مرضي سواء بنمط حياته أو بيه كشحص
- بتقلل قدرتك على التواصل مع الأشخاص والتعبير عن حقيقة مشاعرك
- دراسة بلجيكية بتقول إن متابعة شخص باستمرار بتسبب مشاكل نفسية كتيرة منها الاكتئاب واليأس واحتقار الذات وبتزود مشاعر الوحدة والتوتر
- أحيانًا ممكن تتسبب في الهوس بشخص معين ومطاردته مع الوقت
- بتقلل الثقة في النفس وبتزوّد فرص الإصابة بالقلق والتوتر والاكتئاب
- العلماء بيقولوا إنهم لسه بيدرسوا مدى تأثيرها على الصحة الجسدية ولكن بعض النتايج بتقول إن فوايدها قليلة على الصحة
- استغلالها الصحيح لمدة بسيطة ممكن يعمّق الفهم ويحسّن التواصل بين الناس وبعضهم
- لكن إحصائيات كتير بتأكد إن استغلالها الخاطيء منتشر أكتر وإن السيطرة على معدل استهلاكها صعب ومش سهل
- محتاج مجهود كبير من الشخص عشان يقاوم إدمانها ويستمتع بأنشطة مختلفة في حياته
فوائد التعبير عن النفس على مواقع التواصل
- دراسة في جامعة كامبريدج جمعت بيانات من 10 آلاف شخص على الفيس بوك بعد إذنهم
- المشتركين جاوبوا استبيانات فيها أسئلة عن حياتهم الشخصية ودوافعهم ومشاعرهم
- الباحثين قارنوا بين إجابات الأشخاص في الاستبيان وبين الصورة اللي رسموها لنفسهم على السوشيال ميديا
- نتايج الدراسة أكدت إن الصادقين في تعبيرهم عن نفسهم راضيين عن حياتهم وواثقين في نفسهم أكتر
- بيقل إحساسهم بالغضب وبيزيد استقرارك العاطفي وكفاءة تواصلك مع المحيطين وبيقل إحساسك بالقلق والحزن
- التأثير ثابت سواء بتعبر عن تجربة إيجابية أو سلبية
- مشاركتك لحياة غير حياتك بتأثر على نفسيتك وبتزود إحساسك بالاكتئاب وبتقلل تقديرك لنفسك
- بتحس بإحباط وقت اندماجك في حياتك الأصلية بينعكس على صحتك وعلاقتك بالمحيطين بيك
- تعبيرك عن مشاعرك السلبية بيخليك تواجهها وتفكر في مواجهة حلول ليها
تأثير مواقع التواصل الاجتماعي على كبار السن
- دراسة كندية بتقول إن مواقع التواصل دورها كبير في تقوية الذاكرة عند كبار السن
- تجربة اتعملت على مجموعتين الأولى أعمار المشاركين فيها 68 سنة والتانية 19 و20 سنة
- كبار السن سجلوا درجات أعلى وصلت لحد التطابق في تذكر معلومات وصور شافوها على الفيس بوك
- دراسة في جامعة إكستر البريطانية بتقول إنها بتساعد كبار السن على الحفاظ على معدلات السكر والضغط معتدلة
- بتساعدهم على بناء علاقات ناجحة وبتقلل إحساسهم بالوحدة
- بيستغلوها كمنصة يعرضوا عليها أفكارهم وخبراتهم السابقة وبيزيد تقديرهم لنفسهم وبتقلل فرص إصابتهم بالاكتئاب والتوتر
- أحيانًا الإفراط في استخدامها معناه نقص في إشباع المشاعر عنده
- دراسة أمريكية بتقول إن كبار السن أكثر تصديقًا للأخبار المزيفة على مواقع التواصل وممكن تأثر على مدى متابعتهم للأحداث وأحيانًا ممكن يبنوا وجهة نظر خاطئة ولكن ليها فوايد زي تحسين التركيز والإدراك والحماية من أمراض الشيخوخة
- بتحسن مهارات التواصل عندهم والقدرة على فهم الأجيال الجديدة
ديتوكس السوشيال ميديا
- الديتوكس هو الانقطاع عنها أو تحديد مدة استخدامها يوميا لفترة زمنية معينة
- بتستمر من 7 أيام لـ 3 شهور طبقا لدرجة استخدامك ليها والظروف المتاحة ليك وده من خلال مسح كل تطبيقات السوشيال ميديا من على الموبايل
- أو غلق حساباتك عليها مؤقتا أو تحديد مدة قصيرة لاستخدامها يوميا والالتزام بيها
- جهز مجموعة نشاطات تمارسها في الفترة دي زي الرياضة أو القراءة أو الخروج مع أصحابك
- مهم تعمل جدول محكم للنشاطات وأوقات ممارستها لتجنب الشعور بالملل أو الضعف زي ممارسة تمارين التأمل اللي هتساعدك تسترخي وتزود حضورك الذهني أو الأنشطة الصباحية اللي بتساهم في زيادة نشاطك وتيقظك على مدار اليوم
- تعلم لغة أو هواية جديدة هيحسن ذاكرتك ويزود إحساسك بالإنجاز وجمع التطبيقات في ملف بعيد عشان الشخص بيميل لفتح التطبيق أكتر لو قدامه
- تجنب استخدام الموبايل كمنبه واستخدم منبه حقيقي واستبدل شعورك بالانعزال بتوفير طرق تواصل مع الناس حواليك في حالة الأحداث المهمة
- أعراض الانسحاب بتظهر أول يوم في شكل الشعور بالقلق الشديد والرغبة الملحة في فتح الحسابات والشعور بالحزن والملل
- الخبراء أكدوا على فوايده زي إنه هيوفرلك وقت لتصفية ذهنك عشان تقدر تحدد وتحقق أهدافك في الفترة دي
- هيقلل نسبة القلق اليومي لأن الدراسات أثبتت إن السوشيال ميديا واحدة من أكبر الأسباب المسببة ليه
- هيوفرلك وقت لتصفية ذهنك عشان تقدر تحدد وتحقق أهدافك في الفترة دي
طريقة استخدام السوشيال ميديا لتحسين الصحة
- لو بتعاني من مرض مزمن دور على الجروبات اللي بتضم المصابين بنفس المرض
- الدراسات بتأكد إن الدعم المعنوي وإحساسك إنك مش لوحدك دوره كبير في العلاج
- تابع الصفحات اللي بتقدم وصفات الأكل صحي.. هتعرف طرق مفيدة للطبخ
- استفيد من المنتجات الطبيعية اللي بتتباع أونلاين بس الأحسن تستشير طبيبك قبلها
- تدريبات كتير لتصفية الذهن أو التحكم في مشاعر القلق والخوف هتساعدك تواجه ضغوط الحياة واعرف إنك هتتشجع تعملها أكتر مع وجود تعليقات لناس بيأكدوا استفادتهم منها
- خليك حذر قبل قراءة أي معلومة طبية لأن معلومات خاطئة كتير بتنشر عليها
- دراسة تانية بتقول إن المنشورات الإيجابية تأثيرها أكبر بكتير عليك من السلبي وبتأكد إن متابعتك لنمط حياتهم بيخليك تتأثر بيهم وتقلدهم وده بينعكس على صحتك النفسية والجسدية
- الغي متابعة أي شخص بيسبب أذى نفسي ليك وتابع الأشخاص الملهمين
- دراسة في جامعة ولاية ميشيجان بتقول إن تفاعلك مع المقربين منك عليها بيقلل إحساس الوحدة وافتكر إن تفاعلك الاجتماعي بيفرق في صحتك خصوصًا لو عايش بعيد عنهم
تطبيقات بتقلل استخدام مواقع التواصل
Offtime
- بتقدر تحدد من عليه التطبيقات اللي عايز تحجبها عنك لفترة
- بتختار أوضاع مخصصة حسب احتياجك سواء في الشغل أو مع العيلة
- وبتحدد إيه اللي عايز تحجبه منها واللي عايز توصله
- بيجهزلك تقرير عن استهلاكك للتليفون يوميًا
- متوفر للآيفون والأندرويد
Breakfree
- بيحددلك عدد المرات اللي بتفتح فيها شاشة تليفونك
- بيمنعك من تطبيقات معينة لمدة محددة وبالتالي بتتابع مع التطبيق لو تخلصت من إدمانك للتليفون ولا لأ
- متوفر للآيفون فقط
AppDetox
- بيفكرك في كل مرة بتدخل فيها على تطبيقات بتقعد عليها مدة طويلة وبيساعدك تقلل الوقت اللي بتقعده خصوصًا على تطبيقات الألعاب
- متوفر للآندرويد فقط
Stay on Task
- بيساعدك تزود إنتاجيتك من خلال تنبيهك بمهماتك على مدار اليوم وبيقلل تشتيتك خصوصا لو شغلك بيستمر لمدة طويلة
- متوفر للآندرويد فقط
Moment
- بيمنعك بالقوة من تخطي المدة المحددة لفتح تطبيق معين وبيملى الشاشة بإشعارات مزعجة تجبرك تخرج من التطبيق
- متوفر للآيفون فقط
