المحتويات
روت وايلر أو روت فايلر Rottweiler هي سلالة ألمانية الأصل، مشهور بقوة بنيته والذكاء والشجاعة، عادة بيتم تدريبها للحراسة بسبب شراستها، لكن ممكن بعد تدريبه بشكل جيد يكون أليف ومتعايش مع صاحبه في البيت.
مواصفات كلب الروت وايلر
- نشيط
- بيحتاج للتدريب والتوجيه في البداية وبعد كده بيكون واثق من نفسه في التصرف
- هادي وشجاع وذكي
- لا يصلح للصداقات الفورية مع أي شخص وخاصة الذكور لأنه عدواني وبيحب الهيمنة
- مايفضلش إنه يلعب مع شخص غريب
- عنده سلوك تدميري زي الحفر في كل مكان والفوضى
- بيتراوح طول الذكر بين 60 لـ70 سم، أما الأنثى بيتراوح طولها بين 55 لـ65 سنتميتر
- متوسط وزنه بين 40 لـ48 كيلوجرام
- بيمتلك فرو باللون الأسود مع بعض الأجزاء باللون البني القاتم أو النحاسي مع نقطتين فوق عينه بنفس اللون
- بيتميز بجمجمة عريضة عند الأذن، وفتحة أنف متسعة، وفم له طول متوسط
- العيون لونها بني وأذن مرنة غير متصلبة وطويلة ومنحدرة على جانبين جمجمته
- ذيله متوسط الطول
عيوبه
- بيحتاج رعاية واهتمام ومتابعة برنامج تدريبي معين للتخلص من طاقته الكبيرة
- النظام الغذائي بيكون مكلف ولا يمكن استبداله بأطعمة رخيصة لأنها هتضره
- مش بيتكيف مع الغرباء أو الحيوانات التانية بسهولة (الأفضل تشتريه وهو صغير عشان تربية اجتماعيا بطريقة صحيحة)
تغذية الروت وايلر
من الولادة حتى 3 أشهر
- بتعتمد الجراء على الرضاعة من الأم لحد الفطام عند حوالي 8 أسابيع، وبعدها بيتناول الجرو الأكل الطري المخصص له (وهو عبارة عن طعام الكلاب الجاف “الدراي فود” الممزوج بالماء أو بدائل الحليب)
- عدد الوجبات بيتراوح بين 4 لـ 6 وجبات يوميًا
- وممكن تقدم له أكل منزلي وبيشمل:
- زبادي أو جبنه قريش مع عيش فينو
- سيريلاك الأرز مع الزبادي
- لحمة أو فراخ مفرومه مع عيش مع شوربه خضار واهرسهم كويس مع بعض
- بيض مسلوق مع زبادي
- بطاطس مسلوقة
من 3 لـ6 شهور
- بيتم تقليل عدد الوجبات وتكون من 4 لـ 3 وجبات في اليوم بمقدار 6 أكواب من الأكل الطري أو الأكل المنزلي
من 6 شهور لسنة
- بيتم تقليل الوجبات بالتدريج لـ3 وجبات يوميًا
- بتقدم له حوالي 7 أكواب من الدراي فوود للكلاب البالغة أو الأكل المنزلي
أكبر من سنة
- عدد الوجبات بيكون وجبتين يوميًا
- مهم يكون نظام غذائي متوازن بيحتوي على البروتين والدهون والكربوهيدرات والألياف ونسبة جيدة من الكالسيوم والفوسفور
- الكبده وهيفضل تكون كبدة فراخ مرة واحدة كل أسبوع مع عيش وشوربة وخضار
- قطع فراخ أو لحمة مع أرز وكوسة
- قطع لحمه أو فراخ مع دراي فود
- أكله سمك يكون مسلوق وخالي من الشوك مرة واحدة كل أسبوع أو أسبوعين
رعاية الكلب الروت وايلر
- ابدأ بتدريب كلبك في مرحلة مبكرة بين 7لـ8 أسابيع
- صيغ أوامر بسيطة وقصيرة مكونة من كلمة أو اثنين، وحافظ على نبرة صوتك الودودة
- اهتم بنضافته عشان تتجنب البراغيث والقراد والآفات
- وفر له كمية وفيرة من المياه
- تشذيب أظافره كل أسبوعين لـ3 أسابيع
- اهتم بالتمشية والجري يوميا لمدة ساعة، عشان تحافظ على لياقته وتتخلص من طاقته
