مميزات خفية على تليجرام بخطوات بسيطة لتسهيل استخدامه

تليجرام عليه مميزات وأنشطة مختلفة ممكن تستخدمها زي الانضمام لقنوات عليها محتوى مختلف أو تحمل فيديوهات من عليه أو مشاهدة الأفلام والمسلسلات العربية والأجنبية.

خطوات البحث على قنوات على تليجرام

• افتح موقع (Telegram Channels) عشان تلاقي القنوات بشكل مرتب أكتر حسب نوع المحتوى زي الكتب والأفلام والمسلسلات
• تقدر تشوف من خلاله محتوى القنوات وعدد المتابعين ونوع البوستات اللي بينزلوها
• دوس على (Subscribe) جنب اسم القناة عشان تفتحها على التطبيق
• اختار (Join) عشان تنضم ليها

البحث عن قناة معينة

لو أندرويد

اكتب اسمها في السيرش بار من خلال العدسة أعلى يمين الشاشة

لو آيفون

افتح خانة المحادثات واكتب اسم القناة فيها وبعدين اختار (Join) 

البحث عن قنوات بشكل عشوائي 

• افتح موقع تليجرام (https://tlgrm.eu/channels)
• هتلاقي فيه أنواع الموضوعات والقنوات المتاحة ليها بشكل مرتب
• اضغط على القناة اللي عايزها ودوس (Subscribe) عشان تفتح من خلال التطبيق
• اختار (Join) عشان تنضم ليها

طريقة عمل (Mute) لقناة على تليجرام

• افتح القناة اللي عايزها وانزل لأسفل الشاشة 
• اختار (Mute)
• ممكن تعمل (Unmute) في أي وقت

إلغاء إضافتك لقناة تليجرام

لو أندرويد

• افتح القناة ودوس على اسمها أعلى الشاشة
• دوس على التلت نقاط فوق بعض أعلى يمين الشاشة
•  اختار (Leave Channel)
• اختار (Leave Channel) تاني من الرسالة التأكيدية اللي هتظهرلك

لو آيفون

• افتح القناة ودوس على اسمها أعلى الشاشة
• اختار (Leave) وبعدين (Leave Channel) تاني في الرسالة التأكيدية اللي هتظهرلك

خطوات تحميل فيديو من على تليجرام

 لو أندرويد

• اضغط على السهم الصغير في الفيديو اللي عايز تحمله
• دوس على التلت نقط فوق بعض أعلى الفيديو
• اختار (Save to Gallery) عشان تنقلها من ذاكرة التطبيق للموبايل
• هتلاقيها في فايل في الجاليري اسمه (Telegram) 

لو على الكمبيوتر

• اضغط على السهم الصغير على الفيديو اللي عايز تحمله
• اضغط (Click) يمين عليه واختار (Save Video As)
• حدد الفايل اللي عايزه يتحفظ فيه

لو آيفون

• اضغط على علامات التحميل أعلى الفيديو
• لما يخلص تحميل.. اضغط على الفيديو ضغطة مطولة
•  واختار (More)
• اختار علامة الشير اللي هي ورقة وفيها سهم
• دوس على (Copy to Documents) وهتلاقيه في (File Manager)

 خطوات إلغاء التحميل التلقائي للفيديوهات على تليجرام

لو آيفون

• افتح التطبيق ودوس على (Settings) أسفل الشاشة
• اختار (Data and Storage)
• حرك الزرار جنب اختيار (Automatic Media Download) عشان تلغيه

لو أندرويد

• افتح التطبيق ودوس على الـ3 خطوط فوق بعض أعلى يسار الشاشة
• اختار (Settings)
• دوس على (Data and Storage)
• حرك الزرار جنب اختيار (Automatic Media Download) عشان تلغيه

 لو على الكمبيوتر

• افتح التطبيق ودوس على الـ3 خطوط فوق بعض
• اختار (Settings)
• دوس على (Advanced) من القائمة اللي هتظهرلك أسفل اختيار (Automatic Media Download)
•  تقدر تلغي التحميل التلقائي من الجروب والمحادثات الشخصية والقنوات
• اختار المكان اللي عايز تلغي التحميل التلقائي منه
• الغي اختيار (Photos & Files)
• ممكن تخلي التحميل مقتصر على الميديا اللي ليها مساحة محددة
• دوس (Save)

طرق مختلفة للاستفادة بتليجرام

تليجرام عليه آلاف البوت المتوفرة للإجابة على أسئلتك في مجالات مختلفة تقدر تنضم ليها عشان يوصلك محتوى يومي

• (Feed Reader): بيعرفك أجدد الأخبار من القنوات وحسابات الفيسبوك والأحداث العامة بشكل مختصر
• (Sound ID Bot): بيعرفك اسم المغني والأغنية اللي بتسمعها.. دوس على زرار التسجيل في المحادثة وهيرد عليك بعد ثواني
• (IMDb Bot): بيعرفك معلومات عن أفلامك المفضلة ومشاهد منها باستخدام (IMDb)
• (GetMediaBot): تقدر من خلاله تحمل أو ترسل صور/ فيديوهات/ مقاطع صوتية من تطبيقات ومواقع زي فيسبوك وساوند كلاود
• (Pomodoro Timer): هيساعدك تقسم يومك صح وتاخد استراحة في الوقت المناسب
• (HotelBot) دخل عليه اسم الفندق والمدينة عشان يعرفك أسعار الإقامة ويبعت لك نوتيفيكيشن عن آخر التجديدات
• (Skeddy): دخل عليه اسم النشاط وتوقيته عشان يفكرك بيه
• (Math teacher Bot): اختار درس الحساب اللي عايز تحل عليه وهيعرضلك أسئلة منه
• (Giphy GIF Search): بيتفعل في كل محادثات تليجرام عشان تدور على الـ(GIF) المناسب
• (PronunciationBot): متوفر عليه نطق كلمات معينة من حوالي 84 لغة
• (Text To Speech Bot): ممكن تقول من خلاله الكلام وهو هيحوله لنص مكتوب في المحادثة

 الأنشطة المختلفة على تليجرام

في قنوات ممكن تنضم ليها عشان يوصلك محتوى خفيف زي الصور والأخبار اليومية ووصفات أكل

• (quote@): القناة بتبعت مقولة يومية لكتاب في مجالات مختلفة زي التاريخ والفلسفة
• (Ask Me): بتبعتلك لك معلومة يومية مختلفة عن حاجات زي الحيوانات/ العلوم/ الألعاب
• (Tech Guide): بتجمع لك أهم الأخبار العالمية اليومية مع بعض بشكل مختصر
• (Wallpapers Central): عليها مجموعة من الصور المختلفة لخلفيات الموبايل معاها لينك لتحميلها
• (qt animals): ممكن من خلالها تشوف أو تنشر صور لحيوانات أليفة مختلفة
• (The New York Times): مناسبة للأشخاص المهتمة بمتابعة الأخبار اليومية باستمرار
• (English Idioms Land): عليها معاني الـ(Idioms) بالإنجليزي في جمل عشان تساعدك تفهمها
• (Love of Food): ممكن تنشر أو تشوف صور لوصفات أكل مختلفة
• (AppleMusicTM): عليها أجدد الموسيقى والأغاني
• (Daily Channels): بتعرض لك يوميا أجدد القنوات ومجالاتها اللي ممكن تنضم ليها

خطوات نقل الستيكرز من تليجرام لواتساب 

الطريقة الأولى

•  افتح الـ(Settings) وبعدين (Chat Settings)
• اختار (Stickers) 
• دوس على التلت نقاط جنب الستيكر اللي عايز تنقله
• اختار (Share) وبعدين (Copy Link)

الطريقة التانية

• افتح الـ(Chats Section) ودوس على العدسة أعلى الشاشة
• اعمل سيرش على (DownloadStickerBot)
• اعمل (Paste) للينك الستيكر في المحادثة
• هيجيلك رسالة تأكيد لوصول اللينك وبعدها بدقايق هيوصلك فايل (ZIP) للستيكر
• حمل الفايل واعمل (Extract) ليه
• افتح التطبيق الخاص بالستيكرز ودوس على الأشكال اللي نزلتها من تليجرام عشان يحولهم لستيكرز واتساب في شكل لينك
• دوس على اللينك واختار (Add)

خطوات نقل المحادثات من الواتساب لتليجرام

لو آيفون

• افتح المحادثة واختار (Contact Info)
• دوس على (Export) وبعدين اختار (Telegram)
• اختار لو عايز تنقلها بالصور والفيديوهات أو المحادثة بس من خلال الاختيار بين (Include Media) أو (Without Media)
• اختار المحادثة مع نفس الشخص على (Telegram) وبعدين دوس (Import)
• أو ممكن تعمل (Swipe) لليسار للمحادثة وتعمل نفس الخطوات

 لو أندرويد

• دوس على التلت نقط أعلى يمين المحادثة
• اختار (Export) وبعدين (Telegram) في القائمة اللي هتظهرلك
• اختار المحادثة مع نفس الشخص على (Telegram) وبعدين دوس (Import)
• المحادثات بتتنقل بالتاريخ والتوقيت اللي اتبعتت فيها الرسايل
• الطرف التاني في المحادثة هيقدر يشوفها بعد نقلها