المحتويات
Excel من أشهر برامج تنظيم البيانات وبيسهل عليك إنشاء الجداول من القوالب الموجودة أو بنفسك، وبيتيح لك فرصة تقديم البيانات بطريقة جذابة وعمل تنبؤات بسهولة لتوقع الاتجاهات، وفيه مميزات مختلفة تقدر تستخدمها عشان تسهل على نفسك العمل بيه.
خطوات تقسيم البيانات على Excel لخانتين
- افتح الـ(Spreadsheet) اللي عليها الداتا ودوس على الخانة من فوق
- دوس (Data) وبعدين (Text to Columns)
نوع الفايل من نوعين.. الأول
(Delimited) لو الداتا فيها أشكال/ حروف معينة/فواصل
النوع التاني (Fixed Width)
لو عايز تقسم المعلومات برقم محدد للحروف في كل خانة اختار (Next)
- لو اختارت (Delimited).. حدد شكل الحرف اللي عايز تفصل الداتا عنده وبعدين (Next)
- لو اختارت (Fixed Width).. حدد النقطة اللي عايز تفصل عندها وبعدين (Next)
- اختار الفورمات اللي عايزه وبعدين (Finish)
- الداتا اللي حددتها هتتنقل تدريجيا للخانة الجديدة
خطوات توسيع الخانة على Excel
- افتح الـ(Spreadsheet) واختار الـ(Column) من الأعلى
- لو أكتر من واحدة.. دوس على (Ctrl) ودوس عليهم في نفس الوقت
- اختار (Home) وبعدين (Format)
- اضغط على (Column Width) وحدد مقاس الوسع اللي عايزه وبعدين دوس (Ok)
- أو ممكن تحدد القائمة أو القوائم اللي عايز تغير مقاسها
- اضغط على الحد الأيمن للخانة
- دوس على زرار الماوس الأيسر مع تحريك الحد الأيمن في اتجاه اليمين
خطوات تغيير عرض الـ(Column) وارتفاع الـ(Row)
في تعديلات كتير ممكن تعملها على الأعمدة والخلايا زي تجميدهم لمنع أي تعديلات فيها أو تغيير مقاسهم
الطريقة الأولى
- كل (Column) و(Row) مستقلين لازم تحدد لهم نفس الدرجة
- اعمل (Select) على الـ(Column) اللي عايزها وممكن تختار أكتر من واحدة
- اختار (Home) وبعدين (Cells Group)
- دوس على (Format)
- أسفل (Cell Size).. اختار (Column Width)
- في بوكس الـ(Column Width).. اكتب الرقم اللي عايزه
الطريقة التانية
- اعمل (Select) للـ(Column) اللي عايزها
- دوس (Click) يمين واختار (Column Width)
- اكتب الرقم اللي عايزه ودوس (Ok)
الطريقة التالتة
- لو عايز تخلي عرض الـ(Column) نفس عرض (Column) تانية.. اعمل (Select) لـ(Cell) في الـ(Column) اللي فيها العرض المناسب
- دوس (Ctrl+C) أو دوس على (Home) وبعدين (Clipboard group) و(Copy)
- اعمل (Select) يمين في أي (Cell) من الـ(Column) اللي عايز تغير مقاسها
- دوس على (Paste Special) وبعدين (Keep Source Columns Widths)
لتغيير ارتفاع الـ(Row)
- اعمل (Select) على الـ(Row) اللي عايزها وممكن تختار أكتر من واحدة
- دوس على (Home) وبعدين (Cells group) واختار (Format)
- أسفل (Cell Size).. اختار (Row Height)
- في البوكس اللي هيظهرلك.. اكتب المقاس اللي عايزه
خطوات تحويل الـ(Rows) لـ(Columns) على Excel
ممكن تحول أكتر من (Row) من غير ما تضيع البيانات
- اعمل (Select) على كل الـ(Cells) وعناوينها اللي عايز تحولها
- اختار (Copy) أو (Ctrl+C) كاختصار
- دوس على الـ(Cell) الفاضية اللي عايز تنقل البيانات فيها
- الـ(Cell) الفاضية هتكون أول (Cell) في الجانب الأعلى يسار البيانات اللي هتنقلها
- دوس على السهم أسفل اختيار (Paste) أعلى الشاشة واختار (Transpose) اللي على شكل سهم متجه لليمين من ناحية وللأسفل من ناحية تانية
- كده البيانات اتحولت لشكل الـ(Columns) والبيانات الأصلية لسه موجودة لو عايز تمسحها
