المحتويات
الـWord من البرامج الأكتر استخداما حوالين العالم، وفيه مميزات كتير ممكن تستخدمها عشان كتابتك عليه تكون بجودة أعلى وفيها مميزات أكتر.
خطوات كتابة نص منحني على الـWord
- ادخل على إدراج/ Insert واختار مربع النص/ Textbox
- اختار خط الكتابة المناسب ليك
- دوس على رسم مربع النص/ Draw Textbox ودوس تاني داخل الملف عشان يظهرلك المربع اللي تقدر تختار حجمه
- اعمل لصق/Paste للجملة اللي عايزها أو اكتبها بنفسك
- دوس Select على المربع تاني واختار تنسيق الشكل/ Shape Format
- اختار تدوير/Rotate
- لف علامة التدوير اللي هتظهرلك ودوس على Shift في نفس الوقت لحد ما توصل للشكل المطلوب
- دوس على أي مكان في الملف عشان يظهرلك النص المستدير
خطوات رسم شكل على الـWord
- ثبّت علامة الفأرة على المكان اللي عايز ترسم فيه داخل الملف
- افتح إدراج / Insert وعند رسومات توضيحية / illustration اختار أشكال / Shapes
- لما بتحدد الشكل اللي إنت عايزه بتظهرعلامة تنسيق / Format
- لو عايز تغيّر في الشكل افتح تنسيق / Format وبعدها إدراج أشكال / Insert Shapes واختار تغيير الشكل / Change Shape من عند تحرير الشكل / Edit Shape
- لو عايز تكتب فوق الشكل اضغط بزر الفأرة الأيسر عليه مرة واحد وابدأ بالكتابة
- لكن لو عايز تجمّع أشكال متعددة حدد الأشكال اللي عايزها بالضغط عليهم باستخدام Ctrl للويندوز أو Command للماك
- افتح تنسيق / Format وبعدها ترتيب المجموعة / Arrange Group وبعدها اختار تجميع / Group عشان تعامل كل الأشكال كأنها شكل واحد
خطوات تغيير مكان الكلام على الـWord
الطريقة الأولى
- لازم تكون اخترت طريقة الـ(Headings) من خانة (Styles) عشان تقدر تغير مكان الكلام
- اختار (View) وبعدين (Navigation Pane) في خانة (Show)
- هتظهر قايمة بالـ(Headings) اللي أنت كاتبها والأجزاء اللي تحتها
- اختار الجزء اللي عايز تغيره وحركه للمكان الجديد في القايمة
- لما تقفل القايمة.. مكان الكلام هيكون اتغير
الطريقة التانية
- خلي المؤشر عند بداية الكلام اللي عايز تحركه
- دوس على (Shift) و(Page Down) مع بعض لتحديد الكلام
- اضغط على (Ctrl) (X) عشان يتعمله (Cut)
- خلي المؤشر عند المكان اللي عايز تنقل الكلام ليه ودوس (Ctrl) (V)
خطوات عمل رسم بياني على الـWord
- افتح ملف word وحدد الجزء اللي عايز تضيف الرسم البياني فيه واختار إدراج (Insert) من أعلى الصفحة جنب اختيار الرئيسية (Home)
- اختار رسم بياني (Chart) وهيظهرلك أشكال مختلفة في الناحية الشمال وبتختلف الأشكال بين الرسم البياني الخطي (Line) والعمودي (Bar) والدائري (Pie)
- دوس على الشكل المناسب ليك ودوس على موافق (Ok)
- هتظهر نافذة إكسل لإدخال البيانات.. دوس على الخلية (Cell) اللي عايز تكتب فيها المعلومات فكل عمود بيعبر عن قيمة معينة
- فمثلا عمود (A) بيعبر عن المعلومات المستخدمة في محور (س) أو (X) في الرسم البياني
- ممكن تستخدم الأرقام أو الأسماء على حسب نوع المعلومات
- لما تخلص كتابة.. دوس إدخال (Enter) عشان تتنقل لخلية (Cell) تانية
- كرر العملية دي لحد ما تخلص كتابة كل البيانات وهتظهر تلقائيا في الرسم البياني بمجرد إدخالها
- لما تخلص.. اضغط على (x) أعلى الصفحة على اليمين نافذة الإكسل لقفلها
- ممكن تفتحها عشان تعدل أي بيانات عن الطريق الضغط على الرسم البياني
