![العمل الحر](https://howtoarabic.com/wp-content/uploads/2021/10/إزاي-تبدأ-عمل-حر؟--780x470.png)
العمل الحر سواء كمصدر أساسي للدخل أو إضافي أصبح لا غنى عنه في الفترة الحالية نتيجة التغيرات الاجتماعية وزيادة الالتزامات وارتفاع الأسعار، خصوصًا إنه بيوفر فرص كتير للكسب في مجالات مختلفة ومعتمدة في أغلب الأوقات فقط على مجال خبرتك ومهاراتك مش واسطة أو دائرة علاقات إنت مش فيها.
بداية العمل الحر
- الخبراء بينصحوا ببداية تعلم الفوتوشوب لأنه من أكتر المهارات والأدوات المطلوبة في سوق العمل الحر حتى شغلك
- تطوير مهارات اللغة الإنجليزية خطوة أساسية قبل بداية العمل الحر على الإنترنت
- بعيدا عن مجال تصميم الجرافيك لأنه أداة ضرورية في كل المجالات
- اعرف إن من أكتر الوسائل المضمونة لاستلام الأموال هو بناء حساب على موقع Payoneer
- ضروري تصمم سجل أعمال قوي (Portfolio) عشان تقدر تبعته بسهولة للمؤسسات أو الأشخاص اللي بيطلبوا منّك شغل
- ابني شبكة علاقات قوية في مجال عملك بجانب منصاته على الإنترنت عشان تضمن فرص شغل أكتر
- خليك محترف وابحث عن السعر المناسب للخدمة اللي بتقدمها وراعي عدد سنين خبرتك وجودة شغلك مقارنة بالمنافسين
- انشر شغلك على مواقع التواصل سواء على حسابك أو حتى على جروبات فيس بوك بتضم أشخاص من نفس مجالك
- ضروري تأمن دخل ثابت في البداية وفي نفس الوقت تخصص وقت للبحث عن خدمات تقدر تقدمها على المنصات المختلفة اللي بتساعدك تشتغل من البيت
- اعرف إن الفرص مش هتزيد من يوم وليلة وضروري تبحث في أكتر من موقع وتطوّر سجل أعمالك طول الوقت
مميزات العمل الحر
- مفيش ارتباط بمكان محدد للعمل
- توفير فلوس المواصلات أو بنزين السيارة
- تحديد ساعات العمل بناء على روتينك اليومي (مع الالتزام بمواعيد التسليم)
- غياب الملل ووجود تحديات جديدة طول الوقت
- الانغماس في الأعمال الحرة لفترات طويلة بينتج عنه أرباح كبيرة
- تراكم الخبرات خلال وقت قصير
تحديات ممكن تواجهك
- غياب التأمين الاجتماعي (بتوفره بنفسك عن طريق الاشتراك في خدمات التأمين للعمالة غير المنتظمة والاشتراك في شركات التأمين الصحية الخاصة)
- غياب مصدر دخل ثابت وبالتالي أحيانًا بيحس البعض بقلة الأمان نسبيًا وبيبعدوا عن الاعتماد على العمل الحر كمصدر أساسي للدخل