المحتويات
المشروبات لعلاج ارتجاع المرئ واحدة من الطرق المستخدمة لتقليل أعراضه، وتقدر تعملها بمكونات بسيطة وتنتظم عليها يوميا مع الالتزام بنظام غذائي صحي.
أعراض الارتجاع المريئي
بتتأثر بنوع الأكل ومواعيده وتتضمن:
- الغثيان
- الكحة
- حرقة المعدة والصدر
- التهاب الحلق
مشروبات لعلاج ارتجاع المرئ
الشاي العشبي
بيحسن الهضم وبيقلل آلام المعدة زي الغازات والغثيان
المشروبات المفيدة هي:
- البابونج
- العرقسوس
- البابايا
عند استخدام الأعشاب.. استخدم معلقة صغيرة منها مع كل كوب مياه ساخن وغطيها وسيبها على نار هادية 5 دقايق
لو بتستخدم الجذور مش الأوراق.. سيبها على نار هادية من 10-20 دقيقة
لتحقيق أحسن نتيجة.. اشرب كوبايتين يوميا
الحليب الطبيعي قليل الدسم
لو بتستخدم حليب يوميا مع المشروبات والأطعمة المختلفة.. استخدم النوع قليل الدسم لأن الدسم بيسبب إرخاء عضلة المريء السفلية وبالتالي سوء أعراض الارتجاع المريئي
بدايل الحليب
- في بدايل مختلفة للحليب البقري زي حليب اللوز وجوز الهند والكاجو
- لو بتحس بأعراض الارتجاع المريئي أو إن شدتها بتزيد مع شرب الحليب البقري أو استخدامه في الأكلات.. اختار نوع الحليب الأنسب ليك من البدايل المختلفة
- على سبيل المثال، حليب اللوز تكوينه قلوي وبالتالي بيحيد درجة حموضة المعدة وبيقلل أعراض الارتجاع المريئي
العصاير المختلفة
عصاير الفواكه الحمضية بتزود الأعراض وبتسبب حموضة المعدة، فمهم تختار عصاير الفاكهة والخضار اللي ممكن تقلل أعراضه، زي:
- عصير جل الصبار
- الجزر
- الكرنب
- البطيخ
- البنجر
- الخيار
- السبانخ
- الكمترى
السموذي من مشروبات علاج ارتجاع المرئ
- السموذي من الطرق المفيدة لخلط أكتر من مكون للاستفادة بعناصر غذائية مختلفة ومناسبة للأشخاص المصابة بيه
- عند اختيار الخضار والفاكهة.. تجنب الأنواع الحمضية زي الطماطم والجريب فروت والبرتقال
- اختار الأنواع الأقل حموضة زي البطيخ والكمترى والكيل والسبانخ والعنب والأفوكادو
المياه من أهم مشروبات علاج ارتجاع المرئ
- درجة حموضة المياه حيادية وبالتالي بتساعد على رفع الـ(pH) للوجبة الحمضية
- شرب المياه بكميات زايدة ممكن يأثر على توازن كمية المعادن في الجسم واللي ممكن يسبب شدة أعراض الارتجاع المريئي
مياه جوز الهند
- الأنواع غير المحلاة اختيار مناسب للأشخاص المصابة بيه لأنه غني بالشوارد الحرة والبوتاسيوم
- الشوارد الحرة بتحفز توازن درجة الـ(pH) في الجسم وهي مهمة لتقليل أعراض الارتجاع المريئي
الزنجبيل من مشروبات علاج ارتجاع المرئ
- بما إن له خصائص مضادة للالتهاب فهو بيقلل أعراضه مع الانتظام عليه
- الدراسات أثبتت إنه بيحسن الهضم وبيقلل اضطرابات المعدة