المحتويات
مرض باركنسون أو شلل الرعاش هو اضطراب بيصيب الجهاز العصبي، بيظهر بصورة تدريجية برعشة خفيفة وغير محسوسة في الإيد، وبعد كدة بتبقى ملحوظة بشكل أكبر، مع تفاقم الأعراض بيحصل تيبس وبطء في الحركة، مع ملامح الوجه العاجزة عن التعبير والتمتمة في الحديث.
ما هو مرض باركنسون؟
- مرض عصبي بيأثر على الخلايا العصبية المنتجة للدوبامين في منطقة محددة بالمخ، وبيأدي لتكوين بعض الأعراض، وبترتبط بخسارة تدريجية في التحكم الحركي للجسم
- بيتميز برعشة في العضلات، وزيادة توترها، ومن تصلب وتيبس وبطء في الحركات الإرادية وصعوبة الحفاظ على التوازن
- وبالنسبة إلى الكثير من المرضى قد يصبح التفكير لديهم ضعيفًا أو الإصابة بحالات الخرف
- يعتبر مرض لا يمكن علاجه، لكن بيوصف الدكتور بعض الأدوية بتحسن الأعراض بشكل كبير
أعراض مرض باركنسون
- رعشة خفيفة تدريجية
- فرك الأصبع الإبهام بالسبابة بحركة متواترة لقدام ولورا (بيطلق عليها رعاش لف الأقراص)
- بطء في الحركة
- عدم قدرة المريض على تنفيذ الحركات والأعمال الإرادية زي المشي
- تيبس العضلات (في الأطراف وفي منطقة مؤخرة الرقبة)
- آلام شديدة في العضلات
- القامة غير المنتصبة وانعدام التوازن
- فقدان الحركة اللإرادية (زي طرف العين/ الابتسامة)
- تغيرات في الكلام (زي صعوبة في النطق/ التهتهة)
- مشاكل في الذاكرة والزهايمر
الأسباب وعوامل الخطر
- بيرجع سبب الإصابة لنقص الدوبامين (هو ناقل كيميائي)، وده بيحصل لما تموت أو تضمر خلايا معينة في المخ، المسؤولة عن إنتاجه
- لحد دلوقتي مفيش سبب محدد لضمور الخلايا دي، لكن بتتداخل بعض العوامل بتزود خطر الإصابة:
- السن: نادرا ما بيصاب الشباب لكن عادة بيزيد خطر الإصابة في منتصف العمر ولدى كبار السن
- الوراثة: بيزيد خطر الإصابة بنسبة 5% للأشخاص للي عندهم تاريخ عائلي مع المرض، والدراسات أثبت وجود شبكة كاملة من الجينات المسؤولة عن برمجة بنية المخ ووظيفته
- الجنس: الرجال أكتر عرضة للإصابة من النساء
- التعرض للسموم: التعرض لمواد قتل الأعشاب والمبيدات الحشرية المستمر، بيرفع خطر الإصابة
مضاعفات مرض باركنسون
- الاكتئاب
- اضطرابات النوم
- مشاكل في المضغ والبلع
- مشاكل في التبول
- الإمساك
- مشاكل في الأداء الجنسي
بعض الأدوية اللي مخصصة لمعالجة الباركنسون، ممكن تسبب أعراض جانبية زي:
- الهلوسة
- قلة النوم
- هبوط حاد في ضغط الدم مع أي حركة بسيطة زي وضعية الجلوس للوقوف
العلاج
بيتم وضع خطة للعلاج على حسب طبيعة حالة المريض، ودرجة إصابته، وبتضمن:
- العلاج الطبيعي: بيشمل بعض تمارين العلاج الطبيعي، اللي بتركز على التوازن وتمارين الإطالة
- العلاج الدوائي: مجموعة أدوية بتحتوي على مادة كيميائية بتتحول لدوبامين
