المحتويات
مباحث الانترنت في مصر بيزيد دورها خلال الفترة الأخيرة بعد زيادة معدل الحوادث اللي مركزها الأساسي الإنترنت، سواء كانت حوادث تحرّش جنسي بتوصل أحيانًا للابتزاز لدفع أموال مقابل عدم نشر صور خاصة عن طريق اختراق الحسابات أو حتى حوادث نصب واحتيال أو سب وقذف، وتقدر بسهولة تبلّغ لو اتعرضت لأي حادثة من دول.
تاريخ مباحث الانترنت
- في 15 مارس 1975 اصدر اللواء/ ممدوح محمد سالم نائب رئيس الوزراء ووزير الداخلية في وقتها قرار وزارى رقم 527 بإنشاء مركز الحاسبات الإلكترونية بمستوى إدارة
- المركز وقتها كان تابع للإدارة العامة للتنظيم والإدارة ومهمته وقتها كانت تشغيل الحاسبات لخدمة الوزارة وفروعها الجغرافية
- بتعتبر مباحث الإنترنت (مكافحة الجرائم المعلوماتية) تابعة لقطاع نظم الاتصالات وتكنولوجيا المعلومات وتحديدًا للإدارة العامة لتكنولوجيا المعلومات
- وفقًا لتعريف القرار الوزارى رقم 7638 لسنة 2004 بيقول إن الإدارة دي مسؤولة عن إنشاء منظومة معلومات متكاملة للوزارة وبتعتمد بشكل كلي على التكنولوجيا الحديثة لرفع أداء كافة جهات الوزارة
- وجود نظام معلومات مصمم لاحتياجات كل إدارة أو جهة في الوزارة وربطهم ببعض بيساعد على دعم إتخاذ القرارات ودمج الجهات كلها في شبكة واحدة
خدمات الإدارة العامة لتكنولوجيا المعلومات
- استقبال كل البلاغات الخاصة بجرائم الإنترنت
- مكافة جرائم الإنترنت بكل صورها والقبض على مرتكبيها
- تقديم المساعدات الفنية والأدلة المادية لضبط جرائم الإنترنت
- دعم كل الجهات الشرطية بالخبرات الفنية والتقنية اللازمة
- فحص الأحراز القادمة من النيابات وإعداد تقارير مفصّلة عنها وتقديم الخبرة الفنية للمحاكم والنيابات
- الاستعلام الأمني لطالبي التسهيلات الائتمانية لعملاء البنوك
- تقديم المحاضرات والتدريبات لكل مراكز التدريب والجهات الشرطية
في حال التعرض لابتزاز بمعلومات أو صور
- اخفي ضعفك قدامه عشان لما هيحس بخوفك هيتمادى في تهديداته
- تجنّب الرد عليه خصوصًا بالسب لأنه ممكن يستفز وينشر أي صور أو بيانات شخصية
- بلاش توافق على أي طلب يقوله لأنه هيتشجع يطلب أكتر
- لو بيتواصل معاك على الفيس بوك تقدر تبلغ عنه من خلال اللينك ده عشان تقفل حسابه وهيتمنع الـIP الخاص بجهازه من عمل أي حساب تاني على الفيس بوك
- غير كلمة السر من كل الحسابات لأنه ممكن يحاول يخترقها وينشر الصور منها
- تقدر تعرف مين بيتكلم عنك أو بينشر محتوى يخصك باستخدام Google Alert وبتسجّل عليه باستخدام الـ gmail الخاص بيك
كيفية التواصل مع مباحث الانترنت للتقدم ببلاغ
- اتصل بـ 108 وهو الرقم الساخن المخصص للإبلاغ عن الجرايم الإلكترونية وجرايم الإنترنت
- إخطار إدارة مكافحة جرائم الحاسبات وشبكات المعلومات بمقر وزارة الداخلية في التجمع الخامس
- سواء بالحضور أو بالإتصال بالأرقام 27928484/ 27926071 / 27921490 / 27921491
- قدّم بلاغ للإدارة عن طريق المعهد الأمني للتنمية البشرية جنب كلية الشرطة القديمة في ميدان العباسية
- مواعيد العمل من الساعة 10 الصبح لـ 5 مساءًا
- افتكر إن مع الحضور لازم يبقى معاك بطاقتك الشخصية ودليل إلكتروني سواء اختراق أو تهديد وابتزاز أو سب وقذف
العقوبات المفروضة على مرتكبي جرائم الإنترنت
- قانون رقم ١٧٥ لسنة ٢٠١٨ واللي مضمونه مكافحة جرائم تقنية المعلومات بيضم 45 مادة مقسمين على 9 فصول بيضموا ضوابط استخدام الإنترنت وعقاب سوء الاستخدام
- بتشمل العقوبات السجن من سنتين لـ 5 سنين وغرامات بتوصل لـ 250 ألف جنيه
