ماسكات الشعر: الأنواع المناسبة لكل شعر بالخطوات

ماسكات الشعر واحدة من أهم طرق العناية بالشعر بمختلف أنواعه، وتحديد نوع شعرك هيساعدك تختار المكونات الأنسب ليك عشان تحافظ على شكله الصحي، فمكونات ماسكات الشعر الجاف بتختلف عن ماسكات الشعر الكيرلي أو الدهني.

أنواع الشعر

في 3 أنواع من الشعر، وتحديد نوع شعرك هيساعدك تختار الماسك اللي يفيده بدون أي ضرر

الشعر الدهني

• أكتر نوع إفرازا للزيوت بسبب فرط نشاط الغدد الدهنية
• تتواجد القشرة فيه بكميات كبيرة في فروة الرأس
• لون فروة الرأس بيكون مايل للأصفر
• الشعر ملمسه فيه زيت أو دهني وسريع الإتساخ

الشعر الجاف

• النهايات المقصفة وصعوبة التسريح
• تشابك الشعر بسهولة ومايل للشعر المجعد
• خشن وجاف الملمس
• خالي من الحيوية
• تساقط الشعر بكميات كبيرة

الشعر العادي

هو الشعر غير الجاف أو الدهني، وفروة الرأس فيه بتفرز كمية معقولة من الدهون اللي بتساعد في تنعيمه وتغذيته وفي نفس الوقت بتمنع جفافه

الشعر المختلط

• الشعر فيه بيكون دهني في فروة الرأس بسبب إفرازات الدهون وجاف في الأطراف
• هو من أصعب الأنواع في العناية لأنه بيحتاج أكتر من نوع ماسك

ماسكات الشعر الدهني

في أكتر من مكون ووصفة مناسبة للشعر الدهني واللي بتساعد على تقليل كمية الدهون فيه وظهوره بشكل أكتر صحية

ماسك الشاي الأخضر

• نص كوب شاي أخضر
• كوب مياه
• 10 نقاط من زيت عشبة الليمون
• سيب الخليط على شعرك 30 دقيقة وبعدين اغسله بمياه فاترة
• خلي آخر غسلة بمياه باردة

ماسك جل الصبار

•  اخلط معلقة كبيرة جل الصبار مع معلقة كبيرة عصير ليمون
• ضيف معلقة كبيرة عسل أبيض
• سيب الخليط على شعرك 20 دقيقة وبعدين اغسله بمياه فاترة وشامبو

 ماسك بياض البيض

•  اخلط بياض بيضة مع عصير ليمونة
• قلبهم كويس لحد ما الخليط يمتزج كويس
• سيبه على شعرك 30 دقيقة وبعدين اغسله بمياه فاترة وشامبو

 ماسك الروزماري

•  اخلط رشة من الروزماري الطازة الناشف مع كوب مياه
• ضيف 7 نقاط من زيت شجرة الشاي و5 نقاط من زيت عشبة الليمون
• حط الخليط في بخاخة وسيبه على شعرك طول الليل واغسله الصبح بمياه فاترة وشامبو

 ماسك خل التفاح

•  اخلط معلقتين كبار خل تفاح مع كوب مياه
• ضيف 10 نقاط من زيت اللافندر
• اعمل مساج لشعرك بالخليط وسيبه 15 دقيقة
• اغسله بمياه فاترة

 ماسك جل الصبار مع الليمون

•  اخلط معلقتين كبار جل صبار مع معلقة كبيرة زيت بذور العنب
• ضيف معلقة كبيرة عصير ليمون
• اعمل مساج لفروة رأسك بالخليط وسيبها 45 دقيقة وبعدين اغسلها بمياه فاترة وشامبو

 ماسك الزبادي

•  اخلط نص علبة زبادي مع معلقتين كبار عصير ليمون
• ضيف معلقة كبيرة بيكنج صودا
• سيب الخليط على شعرك 30 دقيقة وبعدين اغسله بمياه فاترة

 ماسك الفراولة

•  اهرس 3 حبات فراولة
• اخلطهم مع نص علبة زبادي
• سيب الخليط على شعرك 30 دقيقة وبعدين اغسله بمياه فاترة وشامبو

ماسكات الشعر الجاف

الشعر الجاف بيحتاج ماسكات فيها مكونات مرطبة للشعر لتقليل مظهره الباهت

ماسك زيت الزيتون

•  دفي كمية بسيطة من زيت الزيتون
• وزعه على أطراف أصابعك واعمل مساج لفروة الرأس
• سرح شعرك بمشط سنونه واسعة
• اغسله بمياه فاتره

 ماسك الحليب والعسل الأبيض

•  اخلط كوب حليب مع معلقة كبيرة عسل أبيض
• وزعه على شعرك بعد غسله وسيبه من 10-20 دقيقة
• اغسله بمياه دافية

 ماسك الموز

•  اهرس موزة مع معلقة كبيرة زيت زيتون
• وزع الخليط على شعرك وسيبه 20 دقيقة
• اغسله كويس بمياه فاترة

 ماسك الأفوكادو

•  اخلط نص حبة أفوكادو مهروسة مع معلقتين كبار زيت زيتون
• وزع الخليط على الأطراف المقصفة
• سيبه نص ساعة وبعدين اغسله

ماسك السكر البني

•  اخلط معلقتين كبار سكر بني مع معلقة كبيرة زيت جوز الهند
• ضيف الخليط على فروة رأسك بحركات دائرية
• ضيف كمية بسيطة على باقي الشعر
• اغسله كويس بمياه فاترة

 ماسك زيت جوز الهند

•  اخلط معلقة كبيرة من زيت جوز الهند الدافي مع معلقتين كبار زيت زيتون
• سيبه 10 دقايق مع تغطية الشعر بطاقية الاستحمام
• اغسله بمياه دافية

 ماسك الأفوكادو والعسل

•  اخلط حبة أفوكادو مستوية مع معلقتين كبار زيت زيتون
• ضيف معلقتين كبار عسل
• زود من 2-3 نقاط زيت اللافندر
• وزع الخليط على شعرك وهو مبلل وركز أكتر على الأطراف
• سيبه من 20-30 دقيقة وبعدين اغسله

 ماسك زيت جوز الهند والعسل الأبيض

•  اخلط معلقة كبيرة زيت جوز هند مع معلقة كبيرة عسل أبيض
• دفي الخليط
• سيبه على شعرك من 15-20 دقيقة
• اغسل شعرك كويس

ماسكات الشعر العادي

بيحتاج درجة أقل من الاهتمام ومهم تعمله ماسك مرة أسبوعيا للحفاظ عليه

ماسك زيت اللوز وجوز الهند

• اخلط 3 معالق من زيت اللوز ومعلقتين من زيت جوز الهند
• سيب الخليط على نار هادية لحد ما يدفى
• دلك فروة رأسك بيه وسيبه طول الليل واغسله الصبح

ماسك الزبادي

• اخلط علبة زبادي مع معلقتين صغيرين عسل أبيض ومعلقتين صغيرين من زيت الزيتون
• سيب الخليط على شعرك 30 دقيقة وبعدين اغسله

ماسكات الشعر المختلط

تقدر تستخدم الوصفات المناسبة للشعر الدهني على فروة رأسك والوصفات المناسبة للشعر الجاف على الأطراف بس

ماسكات تطويل الشعر

في مكونات ممكن تستخدمها بانتظام لتطويل شعرك بصحة جيدة وبسرعة، ومنها:

ماسك زيت الخروع

• دفي معلقة صغيرة من زيت الخروع
• اعمل مساج لفروة رأسك بيه 4 دقايق
• سيبه نص ساعة وبعدين اغسله

 ماسك القرفة

• اخلط معلقة صغيرة قرفة مع معلقة صغيرة زيت جوز هند
• اعمل بيه مساج لفروة رأسك وسيبه 20 دقيقة وبعدين اغسله

 ماسك زيت جوز الهند

• اخلط معلقة زيت جوز هند مع معلقة صغيرة عصير ليمون ونص علبة زبادي وبيضة
• وزعه على خصل شعرك وغطيه بفوطة ساخنة
• سيبه 20 دقيقة واغسله بمياه دافية وشامبو

 ماسك الأفوكادو

• اخلط معلقة صغيرة زيت جوز هند مع معلقة صغيرة عسل أبيض ومعلقة كبيرة زيت أفوكادو
• اعمل بيه مساج لفروة رأسك وبعدين وزعه على خصل شعرك
• سيبه ربع ساعة واغسله بمياه دافية وشامبو وبعدها استخدم البلسم

 ماسك العسل والزبادي

• اخلط معلقة كبيرة عسل أبيض/ أفوكادو مهروس/ زبادي/ خل تفاح/ موز مهروس ومعلقة صغيرة سكر بني
• اعمل مساج بيه لفروة رأسك وسيبه 20 دقيقة وبعدين اغسله

 ماسك الموز والأفوكادو

• اخلط حبة أفوكادو مهروس مع موزة صغيرة مستوية
• ضيف معلقة كبيرة زيت زيتون
• اعمل مساج لفروة رأسك بيه وسيبه 30 دقيقة وبعدين اغسله بمياه باردة

 ماسك بذر الكتان

• انقع ربع كوب بذر كتان في مياه طول الليل
• الصبح.. ضيف عليه كوبايتين مياه وسيبه يغلي
• لما يتقل.. وطي النار وضيف عصير نص ليمونة
• بعد دقايق.. اطفي النار وسيبه يهدى تماما
• ضيف قطرات من زيت أساسي زي اللافندر
• اعمل بيه مساج لشعرك وسيبه 30 دقيقة وبعدين اغسله بمياه باردة

 ماسك بياض البيض

• اخلط بياض 3 حبات بيض مع 3 معالق كبيرة زيت زيتون
• ضيف قطرات من الزيت الأساسي اللي بتحبه
• وزع الخليط على خصل شعرك وسيبه 20 دقيقة
• اغسله بمياه دافية وشامبو