المحتويات
لبان الدكر بيعتبر مادة صمغية بتستخرج من بعض الأشجار وبتستخدم في الطعام وأحيانًا في البخور، وأحيانًا نقعه في المياه لعدة ساعات وشرب منقوعه أو مضغه بيفيد الجسم والبشرة، لكن مهم تتناوله باعتدال لأن الإفراط في تناوله له أضراره.
تعريف اللبان الدكر
- بتعتبر مادة صمغية قوامها سهل المضغ وفيها ريحة زيوت عطرية ومكانته كانت كبيرة في العالم القديم
- بينمو في شجرة اسمها اللبان (Boswellia tree) أغلبها موجود في الصومال وأجزاء من باكستان والهند وشرق أسيا ومنطقة حضرموت في اليمن
- بيعتبر من المواد القابلة للأكل بس مهم يكون خالي من أي شوائب سوداء أو بنية اللون
- افتكر إن على الرغم من فوايده بس لا يمكن اعتباره بديل عن الأدوية لعلاج الأمراض
فوائد لبان الدكر
- غني بمضادات الأكسدة وبيمنع إفراز الإنزيمات المسببة للالتهابات وبيخفف آلام وتورّمات العظام
- بيحافظ على مستويات الكولاجين الطبيعية في الجلد وبيمنعه من التهيج وبيأخر ظهور خطوط وتجاعيد الوجه
- بيسرع فرص التئام الجروح
- بيمنع تأثير الليكوترينات والمواد الكيميائية اللي بتأثر على الجهاز المناعي وبتسبب أعراض الربو وبيخفف حدة السعال
- بيخفف الأعراض الجانبية لأدوية الكيماوي وبيحاول منع الخلايا السرطانية من الانتشار خصوصًا سرطانات الجلد والبروستاتا والثدي والبنكرياس والقولون
- بيقلل أعراض متلازمة القولون العصبي وبيحمي من قرح والتهابات المعدة وبيحسن حركة الأمعاء وبيساعد في عملية التمثيل الغذائي بشكل مناسب
- بيحتوي على حمض البوزويلي وبالتالي بيخفف حدة الإسهال والانتفاخ
- بيقلل إفراز هرمونات التوتر زي الكورتيزول وبيهدي الأعصاب وبيحمي من القلق والاكتئاب المزمن
- بيمنع آلام الأسنان وبيحافظ على صحتها وقلة الفطريات في الفم
أضرار الإفراط في تناوله
- ممكن يزوْد كمية البول ومع قلة شرب المياه ممكن تصاب بالجفاف
- الخبراء بيقولوا إنه بيزوّد سيولة الدم خصوصًا مع تناول أدوية سيولة قويّة وبالتالي لازم تتناوله بحرص
- الإفراط في شرب منقوعه ممكن يزوّد الإحساس بالغثيان ويبقى سبب رئيسي في تفاقم أعراض الحموضة والإصابة بحمى أو صداع
طريقة تحضير منقوع اللبان الدكر
- اغلي كوباية مياه (مقدار 200 مل) وحط فيها قطعة لبان وسيبها طول الليل
- لما تصحى اشربها على معدة فاضية قبل الفطار عشان تحقق أكبر استفادة منها
الاستفادة من لبان الدكر للبشرة
- فوايده كتير للبشرة لأنه بيحتوي على مادة الكولاجين وهي مهمة لتجديد خلايا البشرة وتحسين صحتها العامة وترطيبها
- بيساعد على تقشير الجلد الميت وتجديد البشرة وتفتيحها وبيعالج البقع السوداء حوالين الفم والعين وبيوحد لون البشرة
- بيعتبر مخفف للندوب وبيعالج حب الشباب وبيقلل ظهور التجاعيد والخطوط الرفيعة في الوجه
- الخبراء بيقولوا إنه ممكن استخدامه كغسول للبشرة مرتين يوميا
- حط كمية مناسبة من لبان الدكر في كمية مياه قليلة على نار هادية لحد ما يغلى ولما يبرد اخلطه بكمية قليلة مياه ورد واستخدمه مرتين يوميا
- أو اطحن كمية مناسبة من لبان الدكر وبعدين ضيف له كمية مياه قليلة وسيبيه يغلي على النار ولما يبرد وزعه على وجهك باستخدام قطعة قطن
- ممكن تخلط معلقة لبان دكر مطحون مع معلقة صغيرة نشا ونص معلقة عسل وعلبة زبادي
- وبعدها حط الخليط على وجهك بعد غسله بالمياه الفاترة وتجفيفه وسيبه نص ساعة وبعدها اغسله مرة تانية
- طريقة تانية ممكن تفيد بيها بشرتك عن طريق إضافة معلقة لبان دكر مطحون مع معلقة نشا وعليهم كوباية مياه باردة واخلطهم ببعض كويّس
- حطهم على النار مع التقليب المستمر لحد ما القوام يتقل ولما يبرد حطه في التلاجة في برطمان واستخدميه كماسك للبشرة
- ممكن كمان تخلط نص معلقة كبيرة زيت لبان الدكر مع نفس الكمية زيت ترمس وزود معلقة صغيرة زيت ورد وفنجان صغير زيت اللوز المر
- املا بيه زجاجة واستخدمه في تفتيح الوجه والمناطق الداكنة في الجسم بس بلاش تقرّب بيه ناحية العين
