مراجعة المنهج بكل تفاصيله شيء مش سهل ولكنه ممكن لو ركّزت وعرفت الخطوات الصحيحة للمراجعة تقدر تغطي من خلالها كل أجزاء المنهج وأهمها وتسهل مهمة حل الأسئلة في الامتحان واستحضار المعلومات بسرعة.
خطوات المراجعة السليمة قبل الامتحانات
كتاب Make It Stick بيقدم نصائح للمراجعة السليمة:
- ابدأ مراجعة من صباح اليوم وبلاش تبدأ بالليل عشان تزوّد فرص استيعابك للمعلومات
- خلي طبيعة الامتحان سواء شفوي أو تحريري أو عملي في دماغك وقت المذاكرة والمراجعة عشان تسهل على نفسك طريقة المذاكرة
- مثلًا لو الامتحان كله اختيار من متعدد وتحريري هتعتمد أكتر على فهم كل التفاصيل أكتر من مجرد الحفظ
- أما لو تفاصيل كتير والأسئلة مقالية ضروري تحفظ أكبر قدر ممكن وتتأكد من قدرتك على استرجاع أكبر قدر ممكن داخل الامتحان
- تكرار قراءة التفاصيل والشرح غير مفيد ودراسة في جامعة واشنطن بتأكد إن قوة التحصيل في حل الأسئلة لأنها بتساعدك تسترجع المعلومة وتحدد نقاط ضعفك
- رسمك لصورة بتبسط التفاصيل الصعبة وبيقوي فهمك وتذكرك وكتابة النقاط الهامة بخط الإيد بتزيد التركيز
- حوّل المعلومات لكلمات مفتاحية تساعدك
- اربط بين المعلومات الصعبة بأخرى قديمة وقسم مذاكرتك على الأيام لإن تكثيف المعلومات في يوم واحد بيقلل استفادتك
- للتأكد من استيعابك حل امتحانات قديمة واتدرب باستمرار على طبيعة الأسئلة المتطلبة للتفكير الناقد والفهم دون الحفظ
- قسم مذاكرتك كل 45-40 دقيقة بينهم 10 دقائق راحة واعرف إن استمرار المراجعة لساعات طويلة هيضعف ذاكرتك وهيسبب تداخل في المعلومات
- خصص ساعات النوم من 6 – 8 ساعات يوميًا لأن دراسات كتير بتأكد على أهمية النوم في قوة التحصيل والاستيعاب
مهارات لحل الامتحان بذكاء
- فكّر في أي حاجة تانية قبل الامتحان بدقايق عشان تقلل توترك
- افحص ورقتك بعد ما تستلمها عشان تتأكد إنها واضحة ومفيش أي حاجة ممكن تعطّلك عن الحل
- خلي ساعة معاك قبل ما تدخل وخصص وقت محدد لكل سؤال
- اقرأ رأس السؤال عشان تعرف بالتحديد المطلوب منك
- ابدأ بالأسئلة اللي واثق في إجابتها
- اكتب كلمات استرشادية لما تحل سؤال مقالي طويل عشان تسترجع تفاصيل كل النقاط أسرع
- حل أسئلة الاختيارات بين متعدد في مخك قبل تحديد الإجابة في الورقة
- بلاش تبص على الاختيارات المتعددة وابحث في مخك عن الإجابة الصح واختار أقرب إجابة بين الاختيارات
- لو احترت بُص على الاختيارات بسرعة عشان توفّر وقت لباقي الأسئلة
- بلاش تسلّم الورق بدري وراجع أكتر من مرة عشان هتكتشف أخطاء أو هتفتكر معلومات ممكن تضيفها
