المحتويات
الترجمة من المهارات الأساسية اللي بتساعدك تتعرف على ثقافات ومعارف مختلفة لأنك من خلالها بتقدر تطلع على المنتج الثقافي والفكري والفني والعلمي من دول تانية، ومع الوقت بتوسع مداركك وبتبقى على معرفة أكبر ودراية أوسع بيهم، والدراسات بتأكد إن اطلاعك على الإنتاج الثقافي والعلمي لمختلف الثقافات بيبني شخصيتك وبيزوّد ثقتك في نفسك وبيطور من مهارات في العمل والحياة.
طريقة تنمية مهارات الترجمة
- الترجمة شيء متطور ومش ثابت فلازم يبقى عندك إطلاع أكبر على اللغة
- القراءة روتين أساسي عشان تعرف أكبر قدر من المفردات والأساليب المختلفة
- إلى جانب قراءة الكتب اقرا مقالات باللغة اللي بتّرجم منها أو منشورات على مواقع التواصل عشان تعرف كل جديد في اللغة وهتنقله بطريقتك
- اتكلم مع شخص لغته الأصلية هي اللي بتّرجم منها أو إليها عشان تعرف أكبر قدر من المفردات الدارجة (العامية)
- اختار تخصص معين في البداية وحاول تركز عليه أكتر عشان تستفيد من ده في الشغل كمترجم محترف
- لو متعود تترجم مثلًا من الإنجليزية للعربية حاول تجرب العكس لأنه مع الوقت هيقوي مهاراتك وأدائك وتمكنك منها هيبقى أسرع
- وسع إدراكك لثقافة اللغة اللي بتّرجم منها أو إليها من خلال معرفتك لتفاصيل تاريخية ومرتبطة بالعادات والتقاليد
- متابعة الأخبار ومشاهدة الأفلام باللغة دي هتزود ارتباطك بالثقافة والبيئة المختلفة عنك
- خصص وقت كل يوم للترجمة حتى لو وراك حاجات تانية عشان تاخد عليها في الأول
- خد النصيحة من حد متخصص في اللغة واعرض عليه شغلك عشان ينبهك لأخطائك
- بلاش تركيزك للغة التانية ينسيك معرفتك بتفاصيل لغتك والإطلاع على كل المفردات والأساليب الجديدة فيها
طريقة الترجمة صفحات الويب
- اعمل نسخ/ Copy للينك وافتح Translate.google.com واعمل لصق/Paste للينك واختار اللغة اللي حابب تترجم إليها
- اضغط على اللينك في الصندوق الخاص باللغة اللي اختارتها
جوجل كروم Google Chrome
- اضغط على علامة النقطتين أعلى الصفحة جنب مكان عنوان الصفحة
- اختار إعدادات/ Settings وبعدها الإعدادات المتقدمة/ Advanced وبعدها اختار اللغة/ Language وضيف اللغة اللي عايزها
- من خلال علامة النقطتين اللي جنب اللغة اختار عرض ترجمة الصفحات إلى هذه اللغة/ Offer to translate pages to this language
فايرفوكس/ Firefox
- اعمل بحث على جوجل عن Translator Add on Installation Page
- اضغط على Add to firefox وبعدها اضغط على إضافة/Add اللي هتظهرلك أكتر من مرة
- هتظهر علامة بتبدأ بحرف T تقدر تضغط عليها لما تحتاج تترجم أي صفحة ويب
سفاري/Safari
- اعمل بحث على جوجل عن Translate extension For Safari
- اضغط على خيار التثبيت/Install Now
- لما تحتاج تترجم أي صفحة دوس على زر الفأرة الأيمن/ Right Click بعدها هتظهر قايمة اختار منها ترجمة/ Translate دوس عليها
- اختار منها اللغة اللي عايز تترجم الصفحة ليها
مواقع بتساعد على الترجمة
Online Translator
- عليه أكتر من لغة زي العربي والإنجليزي والأسباني والروسي والفرنسي والألماني والتركي والهندي
- ممكن تستخدمه بدون إنترنت وفيه قاموس وجزء للجرامر لو حابب تترجم جزء معين أو بسيط
Bing
- متاح للترجمة من لغة للتانية بحد أقصى 5000 حرف وبيترجم من وإلى 50 لغة مختلفة منهم العربي
- بيساعدك تنطق الكلمات صح وفيه خاصية تحديد اللغة المستخدمة وعليه خاصية الترجمة الاحترافية
Yandex Translate
- بيترجم من وإلى 90 لغة مختلفة منهم العربي وبيترجم بنفس السياق مع الحفاظ على المعنى العام
- بيساعد في نطق الكلمات بالطرق الصحيحة
- ممكن تترجم من خلاله صور عن طريق تحويله لـ(Images) أو مواقع عن طريق تحويله لـ(Sites)
Tradukka
- مناسب لترجمة النصوص والأبحاث بيترجم من وإلى أكتر من 50 لغة منهم العربي
- في خاصية الاستماع الفوري للمادة المكتوبة باللغتين ومتاح للترجمة بدون حد أقصى لعدد الكلمات
Babelxl
- ممكن تعمل حساب عليه عشان تحتفظ بالنصوص فيه بيترجم من وإلى 65 لغة منهم العربي ويترجم بدون حد أقصى لعدد الكلمات
Systranet
- ترجمته احترافية لحد كبير ممكن تستخدمه في ترجمة الكلام على المواقع اللي صعب تفهمها وممكن تحوله للغة العربية عشان تسهل استخدامه
Reverso
- بيضيف العبارة في جملة أو تعبير معين بعد ترجمتها عشان يساعدك تفهمها وعليه خاصية الاستماع للنص المترجم لمعرفة النطق الصحيح ومفيش حد أقصى للكلمات
BabelFish
- ممكن تترجم من خلاله النصوص/ الـ(PDF) أو الـ(Word Documents) وعليه مجموعة من أشهر الجمل اللي تم البحث عنها بشكل متكرر وترجمتها
