تعليم
كيفية تعلم اللغة الانجليزية وتطبيقات بتساعد على إتقانها
إزاي تعرف أسهل طرق تعلم اللغة الانجليزية؟
المحتويات
تعلم اللغة الانجليزية بقى ضرورة كبيرة في الوقت الحالي خصوصًا مع التقدم التكنولوجي اللي بدوره خلى العالم كله قرية صغيرة، وبالتالي مهم تعرف اللغة اللي تخليك تتواصل بسهولة مع أغلب الجنسيات المختلفة عنّك، بجانب إنها ضرورة أساسية للقبول في أغلب الوظائف حاليًا، عشان كده مهم تعرف طرق تخليك تتقنها وتتعلمها في أسرع وقت.
مكانة اللغة الانجليزية في العالم
- مفيش لغة رسمية واحدة بيتكلم بها كل البشر لكن في لغة دولية بتتميز بمكانة كبيرة في التعاملات التجارية والمنظمات الدولية والهيئات الدبلوماسية
- من حوالي أكتر من ألفين سنة كان ما بين 5 لـ7 ملايين بيتكلموا إنجليزي محصورين في الجزر البريطانية ودلوقتي حوالي 1.8 مليار شخص حول العالم بيتكلموا بيها
- بتعتبر اللغة الإنجليزية “لغة مشتركة” يعني بتخلي خلفيات وأعراق متنوعة من التواصل
- اللغة المشتركة أو الدولية سبب انتشارها هو القوة السياسية والاقتصادية للمتحدثين الأصليين
- اتنقلت اللغة الإنجليزية مع البحارة والتجار البريطانيين عن طريق التجارة في دول آسيا وإفريقيا
- مع بداية القرن العشرين كانت (الإمبراطورية البريطانية) اللي استعمرت حوالي ربع الكوكب وبالتالي بقى منطقي إنها تبقى اللغة المهيمنة والمسيطرة في الوقت ده
- خصوصًا بعد الحرب العالمية الأولى وظهور القوة الأمريكية اللي قدمت اللغة الإنجليزية للعالم بسبب هيمنة وسيطرة المحتوى الإبداعي الأمريكي من خلال الأغاني والأفلام
- ومع الوقت وزيادة ارتباط شعوب كتير بالمحتوى ده اتصنفت الإنجليزية على إنها لغة نمط الحياة المرتبط بالنجاح
طريقة تعلم اللغة الانجليزية
- اقرأ أي محتوى تقابله بالإنجليزي عشان تسرع إتقانه وتتعلم كلمات جديدة
- احفظ معنى ونطق كلمة جديدة يوميًا
- خصص كراسة أو استخدم تطبيق لكتابة أي كلمة أو تعبير جديد وصيغه في جملة مناسبة
- اتعمد تتكلم بيه مع الأشخاص القريبة منك حتى لو في أخطاء مع الوقت هتتجنبها
- حاول تعمل جروب واتساب عليه أكتر من شخص تعرفهم وعندهم الرغبة في إتقان اللغة والتزم معاهم بالكلام بالإنجليزية بس
- ولو فيه إمكانية مهم تتكلم مع شخص بيتقنها أو استخدم تطبيق للتواصل معاه خلال وقت محدد عشان تسهل استخدامها عليك في التعبير
- اختار موضوع معين وافتح (Podcasts) أو قنوات يوتيوب مخصصة ليه واسمع المحتوى بدون ترجمة
- شغل أغاني إنجليزي وحاول تفهم كلامها ولو صعب.. افتح الكلمات من الإنترنت ورددها معاها
- اتفرج على الأفلام والمسلسلات بدون ترجمة وابدأ بتحديد سياق المشهد العام وبعدين حاول تفهم كلامهم تدريجيا
- دور على الكلمات المتشابهة بين الإنجليزي والعربي في النطق وصحح طريقة نطقك ليها
- حدد الحروف الممزوجة اللي صعب تنطقها زي (Tion) واتدرب عليها أكتر باستخدام تطبيق أو يوتيوب
- امزج بين الكلمات الجديدة عن طريق صور أو مواقف أو أصوات أو حركة جسدية عشان تثبت أكتر
- احفظ الكلمات الجديدة في شكل عبارات عشان معناها ممكن يختلف من سياق للتاني
- فمثلا كلمة (move around) معناها التجول بدون هدف لكن (move around the park) معناها مختلف تماما
- لو قواعد اللغة صعبة عليك اعملها في شكل أغنية أو بلحن موسيقي
- حدد هدفك من تعلم اللغة زي تطوير كلماتك أو الكلام بطلاقة أو الكتابة أو حتى الـ 3 أهداف مع بعض
- بلاش تفوت يوم بدون ممارسة اللغة بالكلام أوالكتابة أو الاستماع وامتحن نفسك كل فترة وحاول تسترجع أي كلمة نسيت معناها أو ترجمة كلمة من العربية للإنجليزية
- اقرأ كتب الأطفال لأنها بسيطة ومدعمة بالصور
- مارس الكلام مع نفسك في المراية بالإنجليزي 15 دقيقة 3 مرات أسبوعيا
- اشترك في كورس تعليمي عشان تلتزم أكتر وخلي معاك كراسة تكتب فيها كل كلمة تقابلها
- قلد طريقة نطق الكلمات الصحيحة وسجّل لنفسك وقارن اللي سجلته بطريقة النطق الصحيحة من خلال فيديو تعليمي أو من فيلم شفته
تطبيقات بتساعد على تعلم اللغة الانجليزية
Duolingo
- متوفر للآيفون والأندرويد
- 34 ساعة من ممارسة الإنجليزي عليه تساوي فصل دراسي جامعي لدراسة اللغات
- فيه اختيار التنافس مع أشخاص آخرين من خلال الكلمات الجديدة وتكوين الجمل الصحيحة
- بيركز على الأساسيات زي الأفعال والتعبيرات وتكوين الجمل بطرق مختلفة
- في مراحل متقدمة بتساعدك تمارس الكتابة والكلام وبتقدملك دروس للكلمات الجديدة
- بيعلمك الكلمات من خلال ألعاب ولو غلطت في كلمة.. بيشرحلك الكلمة من خلال لعبة تانية
Lingbe
- متوفر للآيفون والأندرويد
- بيساعدك تتواصل مع ناس بيتكلموا اللغة اللي اتعلمتها عشان تقويها
- عشان تقدر تعمل ده لازم تتواصل مع شخص لسه بيتعلم اللغة وتساعده فيها
- سهل تتعامل معاه وبتدخل عليه اهتماماتك ومعلومات عنك عشان تسهل فتح المواضيع مع الطرف التاني
- المعلومات دي مرئية للطرف التاني ولكنها بتساعد التطبيق يختار شخص مناسب ليك
Memrise
- متوفر للآيفون والأندرويد
- عليه كورسات كتير للغات مختلفة اللي أسسها أعضاء تانية على التطبيق
- عليه أدوات لمساعدتك في ممارسة اللغة وبيتيح ليك فرصة عمل كورس
Awabe
- متوفر للأندرويد
- عليه أكتر من 4000 عبارة وكلمات تستخدم يوميا
- بيشتغل أوفلاين وعليه معلومات كتير هتساعدك تطور لغتك
- عليه ترجمة ودروس مرئية وسمعية وألعاب لتعلم الكلمات
- عليه امتحانات يومية لاختبار مهارات الحديث/ الاستماع/ الذاكرة عشان تطور إتقانك للغة
Learn English Daily
- متوفر للأندرويد
- عليه آلاف الكلمات والتعبيرات
- متوفر عليه نطق صحيح ليها
- بيبعت لك نوتيفيكيشن يوميا عشان يفكرك تمارس العبارات والكلمات الجديدة اللي اتعلمتها
Beelinguapp
- متوفر للآيفون والأندرويد
- عليه كتب وقصص سمعية بلغات مختلفة
- بيتيح ليك فرصة إعادة الكلام بطريقة صحيحة
English Speaking Practice
- متوفر للأندرويد
- بيساعدك تطور مهارات التواصل وتكون واثق أكتر من نفسك
- عليه مئات من الحوارات المسجلة من أشخاص متقنين للغة
- تقدر من خلاله تسجل الحوار وتسمعه عشان تقارن نطقك بيه
The British Council
- بيساعدك تتعلم أو تطور أساسيات الجرامر عن طريق أسئلة
- الامتحانات اللي عليه مناسبة للمستوى اللي هتحدده
تعليم اللغات للأطفال
- الأبحاث بتأكد إن معالجة الأصوات بتبدأ عند الطفل من وقت ما كان جنين في الرحم
- بيسمع الطفل بعض الأصوات وتحديدًا صوت الأم اللي بيقدر بعد الولادة يميز بينه وبين الأصوات التانية
- دراسة في جامعة أمريكية بتقول إن الطفل بيميز بين اللغات المختلفة حتى قبل ما يبدأ نطق
- بيأكد الخبراء إن مرحلة الطفولة المبكرة هي أكتر المراحل اللي يقدر فيها الطفل يستوعب اللغة وعن طريق تجربة اكتشفت الدراسة إن أدمغة الأطفال بتفسر لغة واحدة أو لغتين على حسب التعود
- وإن المحيط الأسري لو بيتكلم أكتر من لغة فمعالجة الطفل للغات أو تحديدًا الأصوات هتحصل تلقائيًا
- دراسة في جامعة كامبريدج بتقول إن بداية تعلم لغتين في نفس الوقت للطفل مش هيأثر عليه بالسلب
- هيفضل يستوعب المصطلحات اللي بيسمعها ويخزنها وبيعالجها المخ بنفس الطريقة اللي بيعالج بيها لغة واحدة
- القدرة مع الوقت على تكوين جمل من كل لغة واستعمالها بشكل متكرر على مدار اليوم بيفيد المخ
- دراسة في جامعة يورك الكندية بتقول إنها بتحسن الأداء التنفيذي للمخ على المدى البعيد
- وبتأكد إن من أهم الطرق لاكتساب أكتر من لغة هو التزامك بالكلام باللغتين بنفس القدر
- شجع طفلك دايمًا على مشاهدة الأفلام المناسبة لسنهم وناطقة باللغتين وحاول تبقى نفس المدة لكل لغة
- لما يبقى في سن يسمح بده كافئه على شطارته في حل أسئلة أو الإجابة صح باللغتين
- لو في إمكانية خليه يتواصل مع حد لغته الأم هي اللغة اللي عايز تضيفها له
- سواء من خلال أنشطة اجتماعية أو حضانات فيها أطفال لغتهم الأم هي اللغة اللي عايز تعلمها لطفلك
- كرر المفردات معاه والأحسن لو تحفظه أغاني باللغتين عشان الإيقاع هيخليه يحفظ أسرع
- ابدأ بأسماء الحاجات المحيطة في البيت والأغراض اللي بيستخدمها
- تعبيرك سواء بالإيد أو بحركة جسمك أثناء الشرح والتكرار هيساعد على تذكره أسرع
