تكنولوجيا
كيفية تصميم فيديوهات حالات واتس اب على موبايلك
إزاي تصمم فيديوهات حالات الواتساب على موبايلك؟
المحتويات
حالات واتس اب بيشارك فيها الناس مشاعرهم أو صور بيحبوها مع موسيقى أو أغانيهم المفضلة أو حتى مقطع من فيلم بيحبوه، وأصبحت من أشكال التواصل الرئيسية مع الآخرين نتيجة قيام أشخاص كتير بالتعبير عن نفسهم من خلال الفيديوهات القصيرة وتحميلها كحالات بتختفي بعد 24 ساعة على تطبيق واتساب.
خطوات تصميم فيديوهات حالات واتس اب
الاعتماد على قوالب جاهزة
- تحميل تطبيق Biugo-Magic Effect&Video Maker بيسهل عليك خطوات كتير سواء على آيفون أو أندرويد
- بيحتوي التطبيق على قوالب متنوعة ومختلفة بشكل طولي عشان تسهل عليك رفعها في شكل حالة واتساب
- اضغط على أي قالب منهم واختار Make المكتوبة في مستطيل أصفر وبعدها هتظهر علامة Select 1 Photo وتحتها تقدر تحدد الموسيقى أو الأغنية اللي عايز تضيفها على الفيديو القصيرة (الحالة) قبل الضغط على Save أو حفظ على موبايلك
الاعتماد على فيديو تاني كمصدر رئيسي
- تطبيق KineMaster من أشهر تطبيقات اللي تقدر تصمم عليها فيديوهات على الموبايل سواء لحالات الواتساب أو لأي غرض تاني
- تقدر تحمّلها سواء على آيفون أو أندرويد
- من أسهل طرق تصميم حالات الواتساب خصوصًا للمبتدئين
- ادخل على Youtube وابحث بجملة (كرومة حالات واتساب) وضيف بعدها اسم الاغنية اللي عايز تضيفها
- ثبّت أي تطبيق لتحميل الفيديوهات من اليوتيوب على الموبايل قبل تحميل الفيديو اللي عايز تصمم فيديو تاني مشابه له
- اختار الصورة اللي عايز تضيفها على الفيديو الجديد اللي بتصممه وضيفها على تطبيق KineMaster
- ضروري تطوّل مدتها مش أكتر من 30 ثانية (مدة الحد الأقصى لحالات الواتس اب)
- بعدها اضغط على كلمة طبقة وحدد اختيار الوسائط وبعد إضافته هتلاقي اختيارات متعددة على يمين الشاشة
- انزل تحت واختار كلمة مجموعة واختار كلمة الشاشة وبعد الخروج ادخل مرة تانية على قائمة خصائص الفيديو عن طريق الضغط عليه في المؤشر أسفل الشاشة
- عند علامة المربع اللي داخله نقاط كتير اختار الصورة اللي على اليمين (جنب كلمة Off مباشرة)
- وقتها هتقدر تشوف كل الكلمات الظاهرة في حالة الواتساب ولكن على خلفية جديدة مختارها بنفسك
خطوات إضافة الكتابة على حالات واتس اب
- تحميل تطبيق VN على آيفون أو أندرويد حسب نوع موبايلك هيسهل الكتابة على حالات الواتساب بأي فونت بتحبه
- حمّل الموسيقى اللي محتاجها من تيك توك أو اليوتيوب أسهل من تحميل الأغنية أو الموسيقى كاملة وقص الجزء اللي عايزه
- عند علامة الـ T الموجودة يسار الشاشة اضغط عليها عشان تختار الفونت وبعدها تكتب الكلام اللي عايزه
- بتقدر تمد مدة الكلام أو تقطعه حسب الشريط اللي جنب حرف الـ T
