المحتويات
الخط من أكتر الحاجات اللي فيها فروق فردية بين الأشخاص في طريقة رسم الحروف والكلمات، وبعض الأشخاص بيعانوا من شكوى الآخرين المستمرة بسبب صعوبة خطهم ولكن طرق كتير ممكن تساعدهم يحسّنوا خطهم بالوقت مع التدريب.
كيفية تحسين الخط
- اكتب ٤ سطور ولما تخلص شوف المشاكل اللي فيهم واشتغل على حلهم والأحسن تستشير شخص تاني في خطك وشوف لو هيقدر يقرأه ولا لأ
- خليه يحدد نقاط الضعف في خطك وحدد الكلمات اللي واجه الشخص صعوبة في قرائتها واتدرب على كتابتهم بشكل صحيح
- اشتغل على الحروف اللي خطك مش واضح فيها مرات كتير تحت بعض
- بلاش تكتب بسرعة وخد وقتك في كتابة كل حرف في البداية
- ركز إن الكلمة اتجاهها مستقيم على السطر وشكل الحروف سليم
- خلي ضهرك مفرود واوزن جسمك عشان يستقيم وحط إيدك التانية على المكتب
- درب إيدك على الكتابة وخلي دراعك كله يتحرك وبلاش تستخدم صوابعك وكفّك بس
- اتدرب كتير وركز في نصوص مكتوبة بخط حلو وقلّد الخط اللي فيها والأحسن تختار خط مثالي من الإنترنت وتقلّده عشان توصل لأحسن نتيجة ممكنة
- امسك القلم بطريقة مريحة وبلاش تبالغ في إحكام القلم بقوة أو بضعف وجرب أقلام مختلفة وحدد إيه أكتر قلم مريح لأن النوع بيفرق
- اشتري كتب تعليم الأطفال الكتابة والتزم بكل التعليمات فيها
تطبيقات تحسين خط الكتابة
LazyDog calligraphy and cursive writing practice
- بيسهل عليك طريقة الكتابة الصح وبيعمل بعلامات صح أو خطأ حسب طريقة كتابتك للحروف
- متوفر على أندرويد
Calligraphy Art
- بيمرّن الشخص على الكتابة بفونت مميز بألوان جذابة وبالتالي بيعتبر من التطبيقات المثالية للأطفال
- متوفر على App Store
Callicreative App
- بيتيح القدرة على رسم الحروف من خلال رسمها بواسطة توصيل الخطوط ببعضها
- متوفر على App Store
Arabic Letters Writing
- بيعتبر تطبيق للمبتدئين في كتابة الحروف العربية ولكنه هيساعدك تكتبها صح بخط واضح وسليم
- متوفر على App Store
فوائد الكتابة بالإيد
- دراسات كتير بحثت في الفايدة اللي بتعود علينا وقت الكتابة بالإيد مش على لوحة المفاتيح وأكدت إنها بتقوي الذاكرة وبتزود فرص استرجاع المعلومة اللي كتبتها
- بتزود الإبداع والابتكار وبتوحي بأفكار جديدة في وقت سريع لأنها بتوفر وقت للانغماس الكامل في الأفكار بدون أي مشتتات وبالتالي بتزود التركيز
- بتساعد على تنشيط المهارات الحركية الدقيقة والقدرة على تعدد المهام
- بتنمي المعالجة البصرية للأشياء اللي بتعتبر أساسية في قوة الملاحظة
- دراسة أمريكية بتأكد إنها بتزود الإحساس بالإنجاز وبالتالي الثقة في النفس
- بتساعد في علاج بعض الأمراض عند الأطفال زي عسر القراءة (Dyslexia) وبتشجعك تحقق أهدافك لو كاتبها بخط إيدك وبتوفرلك إحساس بالخصوصية خصوصًا لو بتكتب يومياتك
- دراسة في جامعة راش الأمريكية بتقول إنها بتحمي عقلك من الشيخوخة وأمراض الذاكرة وبتأكد إنها بتعبر بصدق عن مشاعرنا أكتر من الكتابة على لوحة المفاتيح وبتقول إنها بتقلل الإحساس بالضيق والاكتئاب والتوتر
