كيفية التمييز بين Airpods الأصلية والمزيفة وطريقة توصيلها بالكومبيوتر

Airpods شكلها جديد بعلبة مميزة ممكن تنخدع فيها وتظهر على إنها أصلية ولكن في الحقيقة مزيفة وجودتها متوسطة أو حتى أقل، وبالتالي ضروري تعرف تميز النوع الأصلي منها وطريقة توصيلها بالكومبيوتر.

الفرق بين الأصلية والمزيفة 

•  ادخل على موقع CheckCoverage الخاص بآبل واكتب
•  الرقم التسلسلي/ Serial Number الخاص بالسماعات
• هتلاقيه مكتوب في علبة السماعات من فوق تحت الجزء اللي بيتحرك للفتح والغلق
• لو الكود مش متسجل في آبل يبقى السماعات مش أصلية
• قاعدة السمّاعة الأصلية في شكل أقرب للبيضاوي ومغلقة بطبقة تانية
• ولكن قاعدة السمّاعة التقليد بيبقى مفرّغ وأقرب للشكل الدائري مش البيضاوي

• فتحة شحن الأصلية من معدن كأنها جزء من العلبة نفسها ولونها غامق
• عكس فتحة شاحن التقليد اللي بتبقى بمعدن لونه فاتح وشكلها ضعيف كأنها جزء منفصل عن العلبة

•  جملة (Designed by Apple) في التقليد مكتوبة بخط سميك وواضح لكن في الأصلية مكتوبة بخط خفيف
• الزرار الأساسي في العلبة الأصلية أقرب للجزء الأسفل لكنه في التقليد أقرب للمنتصف

• لمبة النور في الأصلية وبتنور بمجرد ما تحط السماعات عشان تشحن لكن في التقليد بتنوّر بعد مدة طويلة

خطوات توصيل الـ Airpods بالكومبيوتر 

الويندوز 

• افتح Start واختار Settings واضغط على Devices
• اضغط على Add Bluetooth or other device واختار Bluetooth وبعدها اضغط على زرار الـ Setup في علبة الشحن في الـ Airpods لمدة طويلة لحد ما تظهر إضاءة بيضاء منها
• بعدها بثواني هتظهر علامة الـ Airpods من تاني عشان تدوس عليها واضغط على Done

الماك 

• بعد توصيلها بالآيفون افتح العلبة الخاصة بيها وبعدها اضغط على عنصر التحكم في الصوت/ Sound Control في الماك وهتظهر عنده علامة السماعات واختار Airpods
• لو مش موصلها بالآيفون:
• احتفظ بالسماعات في العلبة وافتح غطاها واضغط لمدة طويلة على زرار الإعدادات حتى ظهور اللون الأبيض
• من الماك اضغط على علامة Apple وبعدها تفضيلات النظام/ System Preferences وبعدها اختار Bluetooth وحدد Airpods في قائمة الأجهزة اللي هتظهر قدامك